Yaŋ 101:3 - Yennu Gbouŋ Mɔɔr

³ n kan sak kii be binbenbiiki. N ki loon binba ki saak Yennu mɔb na benu; n ki mɔk siara kpiir nammi.

Yaŋ 101:3 Iomraidhean Croise

JOB labaar 31:1

Ki n por kat nan n kan ban got sapaamɔ ki n niɔŋ n kɔɔu.

Yaŋ 119:113

N ki loon binba ki waa-a fanu na, min ŋarin loon a sennu.

Yaŋ 119:37

Ii guun ki n daa fiin linba kaa nyɔɔt po, ii ŋan ki turin nan faa senn mɔsonn biaŋinba na.

Yaŋ 125:5

Yoo nba ki a daar biit damm tuba, fan mun dat binba yêt a sɔnii na tuba. Parmaasir-ii be Israel teeb paak.

Yaŋ 139:22

N namm nanmɔŋe, ki jikitib ki bi tee n datai.

Yaŋ 14:3

Ŋaan bi kur tun ki kpeta; bi kur tee nibiite, jinjan-youŋ. Sɔɔ kaa ki tuun linba ŋan, nan yenɔkɔɔwa.

Yaŋ 36:3

Ki u mɔmaan tee nɔɔnbiit, ki gbee nan kpinkpannii, ki u ki fit tuun siar ki li tee subinii ki bia ŋani.

Yaŋ 39:1

N yet a, “N saa soor n mɔŋ nan toona nba ki n tuune, ki bia soor n jerinn nan mabiit paku. N kan yet mɔbonsiar, yoo nba ki nɔɔnbiit damm kpiami.”

Yaŋ 40:4

Damm nba teen Yennu yada, ki tee binba ki jiantir pata, koo ki ki pukin tingbann jiantdamm po na, parpeenn tee bi yare.

Yaŋ 41:9

N yɔmɔŋ gbaa, wunba ki n teenɔ yada, ki min nan ŋɔɔ tun ki tuun saaŋmaŋ ni na nyii n poora.

Yaŋ 78:41

Bi din bikii Yennu-e yoo kur, ki dont Israel teeb Kasii Daanɔ maŋ wutoor.

Yaŋ 78:57

Bi din tee mɔyêtdamme, ki ki mɔk mɔsaku, nan bi baanba nba din ki mɔk na. Bi din tee nan tɔrbanŋmarima nae.

Yaŋ 97:10

Yennu loon niib nba ki tuun biit nae; ŋɔɔe guu u niib manfoor; ŋɔɔe nyintib biit damm paŋ ni.

Nyinu 20:17

“Daa mɔk niɔŋ nan a lɔɔ ŋaak. Daa mɔk niɔŋ nan a lɔɔ ŋaapoo, koo u daaba, koo u nei, koo u bonii, koo linba tee u yar kur.”

Nyinu 32:8

Bi dɔŋ yêt sɔnu nba ki n wannib maa bin wei nawa. Bi nann salimae ki maa naajabik, ki mann maruŋ ki jiantirɔ, ki yeen a bi yenbik nba nae nyii namm Ijipt.

Barjokit 6:12

Niib nba ki mɔk nyɔɔt, ki bia tee toonbiit damm nae lin ki faa fai.

Barjokit 6:13

Bi dia serimiie ki tuun nyina ki kpann leeb,

Barjokit 6:25

A daa te ki a niɔŋ kɔɔ bi fant na ni, ki daa te ki bi nanyuk-ningorsin na tee baruk ki tura ni.

Barjokit 8:13

Fi-i baakit Yennu, li tee fii nan toonbiite. N ki loon karinbaanii nan dont-n-mɔŋ nan toonbiit sɔnii, nan faak mɔbona.

Banntɔɔ 6:9

Li ki mɔk nyɔsiati; li tee nan faa sii waa beer wouŋ nae. Li ŋan ki a numm n gboo faa mɔk linba ki gar faa sii loon ki pukii.

Aisaya 30:11

Bakint leŋ, ki daa loo ti sɔnu. Ti ki loon tin gbat siar ki jiin Israel teeb kasii Yennu na po.”

Aisaya 33:15

Wunba piak ki bia tuun linba ŋane saa nyi muu maŋ ni. Daa jikit a yiikoo ki ŋmaab tatimm, ki bia daa gaan mɔnyat. Daa waa niib nba lorin a bin kpi kuun, koo ki tun toonbilia.

Jeremaya 22:17

Ŋaan fin kpan laat a ninfɔkin lommo. A kpi nikaat, ki dia tonu ki dint a niib biak. Yennu-e pak na.

Maika 2:2

Li-i tee ki bi loon sarwaatie, ki bi fiar. Li-i tee ki bi loon ŋei, ki bi gaan, ki fiar niib ŋei koo bi mɔkint.

Sekaria 8:17

I daa lorin lora nba saa biir i leebi, ki bia daa poor faak mɔpora. N ki loon faak, nan buut nba ki took, nan kpikpiruku.”

Matiu 5:28

ŋaan min ŋarin beerie nan wunba got poo ki u niɔŋ kɔɔu, u chomm nanɔ u par niwa.

Rom Teeb 12:9

Ŋaant ki lomm-ii tee barmɔnii lomm, ki soor linba ŋan na fanu, ŋaan kii nân biit.

Galasia teeb 4:9

ŋaan mɔtana i bann Yennu-wa, ki Yennu mun mi-i, li ji teen nlee ki i loon yin ŋmat wei bona nba ki mɔk yiikoo nba saa sommi na? Bee teen ki i jin loon ki i kpant bi daaba?

Sennu 13:17

I daa jikit siar, linba bo tee ki yin biir, ki Yennu saa lebit u wutoor ki tinii ninbaauk. Li-i tee ki i gbiint ki sak Yennu sennu nba ki n wanti dinna na, ki tun linba ŋan, u saa tini ninbaauk ki te yin pɔt nan waa senn mɔsonn ki tur i yeejamm na.

Sennu 15:9

A daa yêen nan fin kpentɔ siari, ŋaan yaa pann piinu binn per na. I daa te ki dudukbiit maŋ kɔɔ i yur ni. Li-i tee ki a yêt nan fin kpentɔ, u saa fabine ki lin baar Yennu, ki fin kɔɔ biit ni.

Hiibru teeb 10:39

Timm ki tee nisiab nba ŋmat poor ki baa yann kaa, ŋaan ti teen Masia yada ki u tinnita.

Joosua 23:6

Li paak, ii chek man, kii dia ki bia tun linba kur sɔb Moses sennu gbouŋ ni na. Ii mi ki i saa nyik li yenn.

2 Piita 2:21

Bi-i bonni kii mi popeenn binbeŋ, li bo sii sɔ nan baa bannir ŋaan ji ki sak barŋanii nba ki bi din gbat na.

1 Jɔɔnn 2:19

Masia datai maŋ nyii ti nie, ŋaan bi ki tee ti yab kaa. Bi-i bonni tee ti yabie, timm nan ŋamme bo sii lakin be; ŋaan bi nyikita, ki li want nan bi ki tee ti yab setik nan mɔnii.

1 Samuel 15:11

“N mɔ kɔɔ nan maa teen Sɔɔl kpanbar na, kimaan u yêtima, ki ki mɔk mɔsaku nan n sennu.” Li din daamii Samuel, ki u fabin li daar nyiɔk kur ki tur Yennu.