1 Durinya niib kur n yin yaŋ ki tur Yennu.
Yennu nba tee n kpanbar, n saa mɔɔnt a yabint; n saa tura niipoouk mɔkmɔk nan mɔkmɔk.
Yimm nba tee niŋamm na, yii mɔk parpeenn kii kpamm, kimaan Yennu nba tun linba ki turi na paak. Yimm nba saak u mɔb na, ii yikin nan parpeenn.
Digbana niib kur n poi niipoouk nan parpeenn, kii bia kii dont Yennu nan kunkɔpaara.
Yennu do u naangbant paak. Waa do na ki niib tantir ki peeb naatuna nan parpeenn.
Tingbouŋ na niib kur n pak Yennu, ki yikin nan kpinkpammuk,
Sɔɔ kur nba be tingbouŋ na ni jiantira. Bi yiin yanii ki dontira. Bi yiin yanii ki dontir a sann.”
Ŋaant ki digbana teeb-ii mɔk parpeenn ki yin yanii nan kpinkpammuk, kimaan a bu niib buut nan barmɔnii, ki bia ŋmakitir digbana kur tingbouŋ na paak.
Yinin yaŋ ki tur Yennu, durinya teeb, yinin ki dont Yennu maŋ,
Tingbouŋ na kur n yin nan parpeenn ki tur Yennu; jiin yanii nan kpinkpammuk hootii ki dontɔ.
Israel niib, ii yiin yanii man, kii yikin nan kpinkpammuk. Jerusalem teeb, ii mɔk kpinkpammuk man nan i para kura.
Ki Yennu sii tee tingbouŋ na kur kpanbar, ki sɔɔ kur saa jiantɔ, waa tee Yennu na paak, ki bia mi u sann maŋ.
Waa tan per Jerusalem ki baar sɔnsinsikir nba nyi Olif Tiinii kunkonn paak na, leŋe ki u poorpojɔɔmu na bonchiann piin ki piak Yennu nan kpianpaarii, ki mɔk parpeenn, kimaan baa din la bakitnauŋ toonjaana nba kur ki Yiisa tun na. Ki bi yeen a:
Li bia sɔb a: “Yimm nba ki tee Juu teeb na, ii mɔk man parpeenn, yimm nan Yennu niib.”
“Digbana teeb, ii dont Yennu niib, Yennu saa dat binba kpib na kur tuba. U tuu dat u datai tubae, ŋaan nyik chab u niib bi biit.”
