Taitus 3:12 - Yennu Gbouŋ Mɔɔr

¹² Mi-i tun Atemas koo Tikikus a boor yoo nba, fan yabir ki chetin Nikopolis doo ni, kimaan n sii be leŋe wonfufuk yoo.

Yennu Gbounpaauŋ Mɔɔr

¹² Mi-i tun Atemas amii Tikikus a boor ni yoonba, fan yabir ki chetin Nikopolis doo ni na, kimaan n sii be leŋe gbintankaaŋ yoo.

Taitus 3:12 Iomraidhean Croise

Toona 20:4

Pirus bija Sopata, wunba nyii Berea na, nan Aristakus nan Sekondus, binba nyii Tesalonika na, nan Gayus, wunba nyii Debe na, nan Tikikus nan Trofimus, binba nyii Asia yent ni na, nan Timoti, ŋamme din saan nan Pɔɔl.

1 Korint teeb 16:6

Li pasiar n tan sii be i boor yoo waan, koo piar na kur; ki i tan saa sommin ki n gar saan siaminba kur ki n saa.

Efesus teeb 6:21

Mɔtana ti naa bilonkak Tikikus, wunba tee ti Yomdaanɔ toontunnɔ nan barmɔnii na saa beti maa be biaŋinba, nan linba ki n tuun.

Kolosa teeb 4:7

Ti naa bilonkak Tikikus, wunba tee ti barmɔnii toontunnɔ, ki bia tee ti toontunnanlɔɔ ti Yomdaanɔ toona ni na saa beti n po.

2 Timoti 4:12

N tun Tikikus ki u saan Efesus-a.

2 Timoti 4:21

Yabit ki baar nnawa ki tinkook n do. Yubulus nan Pudens nan Linus nan Klɔdia teena bi foontii; ki Masiaweira kura bia foonta.

2 Timoti 4:9

Yabit ki baar n peŋ yian yian na. Kreskens saan Galasia-wa, ki Taitus mun saan Dalmasia-wa,