Taitus 1:16 - Yennu Gbouŋ Mɔɔr

¹⁶ Bi yi bi mɔŋ Yenmiirae, ŋaan ki bi toona want nan bi ki mi Yennu. Bi tee mɔyêtdamme, ki nubir Yennu boor, ki bia kan fit tun toonŋansiari.

Yennu Gbounpaauŋ Mɔɔr

¹⁶ Bi yi bi mɔŋ Yenmiirae, ŋaan ki bi toona want nan bi ki sak bann Yennu. Bi tee mɔyêtdamme, ki ki pent Yennu par ni, ki kan fit tun toonŋansiari.

Taitus 1:16 Iomraidhean Croise

JOB labaar 15:16

Ki nisaarik nyu toonbiit nan li tee nyun na. Nn, nisaarik tee ŋmabir daanɔe, nisaarik ki mɔk nyɔɔti.

Barjokit 30:12

Nisiab dukii a ŋamme tee kasii, ŋaan ŋamme mantik mɔk biit.

Aisaya 29:13

Yennu yet a, “Niib na want a bi jiantirin, ŋaan bi mɔbona na kaa gbinni, ki bi para fɔk nanin. Bi jiantu kpan tee bi kaar, nan bi danmarima kɔɔe, ki bi tumiir ki tian li yetu yoo kur.

Aisaya 48:1

Israel teeb, gbiintir na man, yimm nba tee Juda yaaboona na. I poor Yennu sann nie, ki want nan i waa Israel teeb Yennu na, ŋaan i ki fiin mɔbona nba ki i piak na po,

Aisaya 58:2

Bi jiantirin daa kur, ki yeen a bi loon bin bann n maame ki bia sak n sennii. Bi yaa bi loon man turib sennii nba ŋane, ki bia yaa bi-i jiantirin, li manib.”

Aisaya 59:13

Ti ki sak a mɔbi, ki bia yêtawa, ki bia ki sak tin weia. Ti dint leeb biake, ki bia lek ti nunii siar po ŋaan nyika. Ti dudukit tee biite, ki ti mɔbona tee faak.

Jeremaya 12:2

A buribe, ki bi baa jiina, ki kpaatir, ki loon lɔɔna. Yoo kur bi piak fanue ki jiint a po, ŋaan bi baka kaa a po.

Jeremaya 5:2

Baa lek yeen a, “Nan Yennu nba be na,” ŋaan bi poor faak mɔporae.

Jeremaya 6:30

Bi sii yib kaa nyɔɔte, kimaan min Yennu yêtiba.”

Esekiel 33:31

Ŋanne ki bi kur tikir a boor a bin gbiint a maan, ŋaan ki ki tuun linba ki a wantibi. Bi want bi mɔŋ nan bi tee niŋamme, ŋaan ŋmaab leeb likirii ni, yoo kur.

Nikant 24:16

daanɔ nba gbia Yennu mɔmaan na masɔkinkare na, ki tee daanɔ nba ki u bannu nyi Yabint Yennu boor, ki tee daanɔ nba laat Yabint Yennu yirintu, ki tee daanɔ nba tuu baa ki faab tiŋ ni, ŋaan ki u ninbina nyɔɔn.

Rom Teeb 1:28

Nisaarii nba din ki loon bin bann Yennu na, li paake ki Yennu nyikib nan bi dudukbiit, ki bi tuun toona nba bi bonchiann.

Efesus teeb 5:6

Li toonbiit tumu paake te ki Yennu wutoor baat mɔyêtdamm paak. I daa te ki sɔɔ n jii u jat wannu ki kpannini.

1 Timoti 1:9

Ii tian nan sennu ki see niŋamm paak kaa, ŋaan li see binba tee mɔyêtdamm na paake, nan binba ki tiin Yennu, nan biitdamm, nan jakint damm, nan binba ki teen Yennu baakir na paak, nan binba kpi bi baanba nan bi naanba, nan nikpiira,

1 Timoti 5:8

Wunba ki gorii u nikpiimm, mantik wuu kii fiin u mɔŋ ŋaak niib po, li daanɔ ji ki mɔk yada Masia ni; ki wunba ki tee Masiaweirɔ gbaa sɔu.

2 Timoti 3:17

a Yennu toontunnɔ binbeŋ-ii ŋan, ki wun teen siir kii tuun toonŋanbooru kur.

Taitus 3:1

A tiarib ki bin tur bi tiŋ yudamm nan yentdamm baakir, ki sak bi mɔi, ki teen siir nan toonŋana tumu yoo kur.

Taitus 3:3

kimaan sianyoo ti mɔŋ din ki mɔk yami, ti din tee mɔyêtdamme, ki waa sɔnu nba ki tooki, ki waa nianbiit sɔnbooru booru. Ti din tuu ki mi dudukit nba ŋan; ki tee funfunn damm, ki ki loon ti leeb, ki bi mun ki loont.

1 Jɔɔnn 2:4

ki li-i tee ki sɔɔ yet a “N miu,” ŋaan bia ki dia u sennii, li yɔɔ tee faak daanɔe, ki barmɔnii kaa u ni.

Juud 1:4

kimaan nisiab nba ki tiin Yennu na kɔɔ i sinsuuk ni woonin nie, ki lebit ŋɔɔ Yennu ninbatinu labaar na, a bii tuun bi gbanant loonbiit; ki ki saak Yiisa Masia mɔbi; ŋɔɔ kuukɔɔe tee ti Yudaanɔ nan ti Yomdaanɔ. Biitdamm maŋ tubdatu poŋ sɔb Yennu gbouŋ ni, ki li yukira.

Fiitu 21:27

Linba tee jakint, nan wunba tuun fei toonn, nan fai damm, kan kɔɔ doo maŋ ni, see binba sana sɔb Pegann na manfoor gbouŋ na ni kuukɔɔe saa kɔɔ doo maŋ ni.

Fiitu 21:8

Ŋaan jaŋmaandamm, nan binba ki teen Yiisa yada, nan bonbilankant damm, nan nikpiirit, nan bonchonchona, nan jabaabuura, nan patjiant-teeb, nan fai damm kur, bi binbeboor tee bootsunsuŋ nba ki muu nan sarwuuta di na nie; ŋanne tee kuun munlee na.”

1 Samuel 15:22

Ki Samuel yetɔ a, “Yennu loon bee? U loon mɔsaku amii ti mann maruŋ ki turɔe? Li ŋan ki tii mɔk mɔsaku ki gar taa saa jii pekpamma ki mann maruŋ turɔ.

1 Samuel 15:24

Ki Sɔɔl jiin a, “Barmɔnii, n tun yanbɔmma. N ki sak ki gaar Yennu sennu nan a wannu nba ki a turin na. N bo tin n jab nae jaŋmaanii, ki tun baa loon biaŋinba,