Sekaria 1:3 - Yennu Gbouŋ Mɔɔr

³ Ŋaan mɔtana, yetirib ki bin jen n boor, ki n sii be namm.

Sekaria 1:3 Iomraidhean Croise

2 Barkperii 15:2

ki u chet kpanbar Asa, ki yetɔ a, “Kpanbar Asa, nan yimm Juda teeb, nan Benjaminn teeb kur, gbiintir man. Li-i tee ki i be nan Yennu, u mun sii be nani. Li-i tee ki i loonɔ, u saa te ki yin lau, ŋaan li-i tee ki i yêtɔ, u saa ŋaaiwa.

2 Barkperii 15:4

Ŋaan yoo nba ki daamii tan baarib, bi din tuu ŋmante ki kpaan ŋamm Israel teeb Yomdaanɔ Yennu, ki lau.

Nehemaya 9:28

Parmaasir nba din tan be yoo nba na, ki niib na bia ŋamm tun yanbɔmm, ki a bia te ki bi datai na nyannib; ŋaan baa tan kat bi yanbɔmm ki lebit bi binbeŋ ki boia sommir po yoo nba, ki a be sanpaapo ki gbiint, ki teenib gatu, ki tintib yoo nan yoo, a ninbatinu nba yab na paak.

JOB labaar 22:23

Nn, a sikin a mɔŋ ki jen Yennu boor, ki nyinn toonbiit nba kur tuun a ŋaak ni.

Aisaya 31:6

Yennu bia yet a, “Israel teeb, i tun biirima, ki yêt n wannu, ŋaan mɔtana, ii jen n boor man.

Aisaya 44:22

N wuur i biit ki li yaat nan sanpagbouŋ nba tuu gar biaŋinba nae. Jennin n boor man; mine tee wunba tinti.”

Jeremaya 12:15

Ŋaan mi-i yaat namm, li poor po, n saa tinib ninbaauk. N saa jen nan nibooru kur bi tiɔŋ tiŋ ni, nan bi tiɔŋ digbann ni.

Jeremaya 25:5

Bi paki nan yin nyik i yanbɔnbinbeŋ nba ki i be, nan toonbiit nba ki i tuun na, ki fit kii be tiŋ nba ki Yennu tur yimm nan i yeejamm, ki li tee i faar na ni.

Jeremaya 3:1

Ki Yennu yet a, “Jɔɔ-i yêt u ŋaapoo, ki poo na yaat saan kun jaganɔ, u sɔrkperɔ na ji daa gaarɔ. Linba na saa biir tiŋ nae fas. Ki fin Israel digbann mɔk yɔɔsnba bonchiann, ŋaan bia loon fan jen n boor.

Jeremaya 3:22

Jenin man, yimm nba ŋmant i poor ki tur Yennu na; u saa turi laafia ki yii tee niŋamm. Ki i yeen a, “Nn, ti jent Yennu boore, kimaan ŋɔɔe tee ti Yennu.

Jeremaya 35:15

N yɔɔ tuun n toontunna nba tee n sɔkiniinba nae i boor, ki bi piaki nan yin nyik i toonbiit, ŋaan kii tuun fanu. Bi kpaani nan ii nyik yenbis jiantu, ki fit kii be tiŋ nba ki n tur yimm nan i yeejamm na ni. Ŋaan i ki gbiint turin, koo ki teen i baka n ni.

Jeremaya 4:1

Ki Yennu yet a, “Israel teeb, li-i tee ki i loon jenui-e, yii jent na. N ki loon pata na maan. Yi-i nyinnir, ŋaan waan fanu,

Esekiel 18:19

“Ŋaan ki i boi a, ‘Bee teen ki bik na kan gaar tubdatu u baa toonbiit paaki?’ Ki li gatu tee nnae, bik na tun linba took ki bia ŋan, ki saak n sennii, ki waar fanu. Li paak, u sii be u manfoor ni.

Esekiel 18:31

Nyikin toonbiit nba kur ki i tuun na, ki lebit duduk-paant nan parpaann. Bee teen ki yimm Israel teeb loon yin kpo?

Esekiel 18:32

Min Yabint Yennu ki loon sɔɔ n kpo. Nyikin toonbiit tumu, kii be i manfoor ni.”

Esekiel 33:11

Min Yabint Yennu yet nan maa set be na, li ki manin, li-i tee ki n laat yanbɔndaanɔ kpenni, n bo sii loon ki wun nyik toonbiit tumue kii mɔk manfoor. Israel teeb, nyikin toonbiit nba ki i tuun na. Bee teen ki i loon yin kpo?

Hosea 14:1

Israel teeb, jenin man i Yomdaanɔ Yennu boor. I yanbɔmm nae te ki i jarin ki baa.

Hosea 14:4

Yennu yet a, “N saa te ki n niib n jen n boor. N sii loomm nan n par kur, ki n ji kan ban donn wutoor bi paaki.

Hosea 6:1

Ki niib na piak a, “Ŋaant ki tin ŋmat Yennu boor. U turit daŋa, ŋaan u saa tebita. U turit narawa, ŋaan u saa wuur turita.

Joel 2:12

Ki Yennu yet a, “Mɔtana gbaa, lebitir i binbeŋ nan barmɔnii, ki baar n boor, ki lor mɔi ki bui fabin.

Malakai 3:7

I tee nan i yeejamm nae. I nyik n wannu nawa, ki ji ki diari. Jenin n boor ni man, ki n sii be nani. Ŋaan i boie a, ‘Ti saa teen nlee ki jen a boori?’