Sekaria 1:12 - Yennu Gbouŋ Mɔɔr

¹² Yennu malaka na nba gbat linba na yoo nba, ki u yet a, “Yabint Yennu, bina piinlore-e na, ki a wutoor do Jerusalem nan Juda dolia paak. Bia yooe ki a saa timm ninbaauku?”

Sekaria 1:12 Iomraidhean Croise

2 Barkperii 36:21

Yennu nba din tɔkin u sɔkinii Jeremaya ni, ki pak maan nba na, li din tan gbeewa a: “Tiŋ na saa biar yann kii foi bina piinlore, ki siara toonn kii tuun li paak nan bina maŋ nba tan saa gbenn.”

Yaŋ 102:13

A saa fiir ki tin Sayɔnn doo ninbaauk, kimaan yoo baar nan fan tinir ninbaauka; yoo nba nae jaŋ.

Yaŋ 69:5

Yennu, n yanbɔmm ki bɔr a boori, ki a mi maa jatik biaŋinba.

Yaŋ 74:10

Yennu, ti datai saa sarika ki lin wei nlee? Datai na saa biir a sann mɔkmɔk nan mɔkmɔk-ee?

Yaŋ 79:5

Yennu, a wutoor saa do ti paak ki lin wei nlee? A wutoor sii tun ki dite nan muu na-a?

Banntɔɔ 3:3

ki senn nikpinu yoo ki bia senn tebu yoo, ki senn yeeru yoo, ki bia senn maanu yoo,

Aisaya 47:6

N wutoor din doo n niib paake, ki n diab nan bi ji ki tee n yab na, ki jiib teen a yiikoo ni, ki a ki timm ninbaauk. Ki nikpera na gbaa, ki a diab nan ninmɔnn.

Aisaya 63:9

bi biak dinu kur ni. Li din ki tee malaka kaa, ŋaan Yennu tiɔŋo din tinn u niib. U lomm nan u ninkpabauŋ paak ki u nyinnib. Yoo nba gar, u yɔɔ goriib,

Jeremaya 12:4

Li saa wei nlee ki ti tiŋ bia daa tee tinkooŋ, ki siar kur boor mɔɔt n koori? Bonkobit nan nɔɔnii kpenne, kimaan ti niib toonbiit paak, niib nba yeen a, “Yennu ki laat linba ki ti tuun na.”

Jeremaya 15:17

N ki be nan nileeb ki laa, ki n par mei. N sak a mɔbe, ki be n kɔɔ, ki n wutoor doo bi biit paak.

Jeremaya 29:10

“Ki Yennu yet a, ‘Li-i tee ki Babilonia bina piinlore na gar, n saa wanni n baka nba be i po biaŋinba. N saa dia n mɔsonn nba ki n senn nan n saa jen nani na.

Jeremaya 30:18

Ki Yennu yet a, “N saa jiin kaan n niib bi tiŋ ni, ki sii mɔk ninbatinu ŋaak kur paak, ki bi saa ŋamm maa Jerusalem nan li naan ŋaak.

Daniel 12:6

Ki jayenɔ boi jɔɔ nba lia liatpeeŋ, ki see jiin kpen-yur po na a, “Li saa wei nlee ki yaarlituk toona maŋ n tan tumi?”

Daniel 9:2

U naan binsinsinn niŋe, ki min Daniel din karin Yennu gbouŋ, ki dukii bina piinlore nba ki Jerusalem saa kpant langbent na po, ki tee nan biaŋinba ki Yennu yet u sɔkinii Jeremaya na.

Habakuk 1:2

Yennu, n saa yiina ki loon sommir ki lin wei nleewa, ki a gbat ki tinnit kunkɔnbiir na ni?

Sekaria 1:8

Ki n la sɔɔ jak tammɔŋ. U din see bonnunubit tiinii nie, baauk ni, ki taanlei see u poor po, ki yemm tee taanmɔnii, ki leeb tee taanmɔnkpiara, ki leeb na tee taanpeenii, ki taamm kur mɔk li yur po jakirɔ.

Sekaria 7:5

U din yet a, “Betir niib nan mannteeb nba be tiŋ na niŋ na, a baa tuu lor mɔi ki mɔ, ŋmaarii ŋanŋmu nan ŋmaarii ŋanlore binn kur ni, bina piinlore na, ŋaan li din ki teen min kaa baakiri.

Hiibru teeb 7:25

Li paak, binba chat nakin Yennu, ŋɔɔ Yiisa sann ni na, u saa fit tinnib mɔtana nan yaayoo siiyoo, kimaan u be u manfoor ni yoo kur, ki mei Yennu ki teemm.

Fiitu 6:10

ki yikin sanpaapo ki yeen a, “Ti Yomdaanɔ Yennu, fin nba tee popeendaanɔ ki bia tee barmɔnii daanɔ, li saa yukir nleewa ki a tan bu tingbouŋ na niib buut ki dat bi tuba, baa kpiit na paaki?”