Matiu 7:7 - Yennu Gbouŋ Mɔɔr

⁷ “Miat Yennu, ki u saa turi; lomin man, ki i saa la; kpaan gann, ki u saa loot ki turiwa,

Yennu Gbounpaauŋ Mɔɔr

⁷ “Miat Yennu man, ki u sa turi; lomin man, ki i sa lawa; kpaan gann man, ki u sa loot ki turi,

Matiu 7:7 Iomraidhean Croise

Pinpiik 26:32

Li daar maŋ ki Aisak daaba baar tan pakɔ bunbunn nba ki bi gbiir na po, ki yetɔ a, “Ti gbiir ki baar nyuma.”

1 Kpanbara 3:5

Li daar nyiɔk ki Yennu dɔkit u paak damiit ni, ki boiɔ a, “A loon bee ki man turani?”

Yaŋ 10:17

Yennu, a saa gbiint binba sikint bi mɔŋ na miaruwa. A saa turib parcheenna.

Yaŋ 10:4

Biit daanɔ baka kaa Yennu po. U yuwannu ni, u dukii nan Yennu ki kpaa talasi.

Yaŋ 119:12

Yennu, n dontira, wantin a sennii.

Yaŋ 27:8

Yoo nba ki a yet a, “Baat ki tan jiantin” na, ki n jiin a, “Yennu, n baate.”

Yaŋ 34:4

N miar Yennu, ki u gat ki turin, ki fat nyinnin jaŋmaanii kur ni.

Yaŋ 37:4

Lomin parpeenn Yennu boor, ki u saa tura a par nba loon linba.

Yaŋ 50:15

Ii tuu yiin min Yennu yoo nba ki i la daamii, ki n saa fati, ki i sii baakitin.”

Yaŋ 69:32

Talasdamm na-i la nna, bi sii mɔk parpeenne; ki binba jiantir Yennu na mɔk kpaŋ-n-mɔŋ.

Yaŋ 70:4

Ŋaan niib nba kur baat a boor na, bii mɔk parpeenn kii kpamm. Ŋaant ki binba kur mɔk niipoturu a tinnu paak na-ii yeen a, “Yennu-e tee yabint daanɔ.”

Yaŋ 86:5

Yennu, a mɔk nyikinchab, ki ŋan turit, ki a lomm gbee nan wunba kur miara.

Barjokit 8:17

N loon binba loonin nae; wunba lomin see ki u lan.

Yankpaŋii 3:2

N ji saa fiire ki lin doo ni, ki got li sɔnjot ni nan dai ni. N saa kpaan daanɔ nba ki n par lakib u paak nae. Ŋanne ki n lin kpaanɔ, ŋaan ki ki lau.

Aisaya 30:19

Yimm niib nba be Jerusalem na ji kan ban bui. Yennu mɔk ninkpabauŋ, ki yi-i fabin ki boiɔ sommir po, u saa turi gatuwa.

Jeremaya 33:3

“Yiintin, ki n saa toon; n saa paka bakitnauŋ nan yaarlituk bona nba ki a ki mi siar jiin li po.

Amos 5:4

Yennu din yet Israel teeb maŋ a, “Baat man n boor, ki i saa la manfoor.

Matiu 18:19

“N bia beerie, i ni banlee-i taan mɔb tingbouŋ na ni ki mei n Baa Yennu nba be sanpaapo na siar paak, u saa tun yaa loon biaŋinba ki turiwa.

Matiu 21:22

Linba kur ki i saa miar Yennu li po, li-i tee ki i teen yada a i saa la, i set saa lawa.”

Matiu 6:33

Ŋaant man ki i baka-ii be Yennu naan ni nan yentinu labaar ni, ki u saa jii bona nba na kur ki turi.

Matiu 7:11

Ki li-i tee yimm nba tee biitdamm na mi biaŋinba ki i saa tur i waas bonŋana, i Baa Yennu nba be sanpaapo nae mantik saa tur binba meiɔ na bonŋana.

Matiu 7:8

kimaan wunba kur mei Yennu gaane; ki wunba mun loon, u laate; ki wunba kpaan gann, ki bi lootir teenɔ.

Barŋanii nba ki MAK din sɔb nae na 11:24

Li paake ki n beeri, li-i tee ki i mei Yennu ki boiɔ siar po, yii mɔk yada i para ni nan i poŋ gaar bont maŋa, ki i set saa lawa.

Barŋanii nba ki LUK din sɔb nae na 13:25

Ŋaadaanɔ-i taŋi fiir ki loon tammɔb na, ŋaan ki i biar see nanyer po, ki kpaan tammɔb ki yi ki yaa, ‘Chanbaa, lootir turit,’ ŋaan li yoo, u tan saa jiini a, ‘N ki miini; i nyii lee?’

Barŋanii nba ki LUK din sɔb nae na 18:1

Li yoo na ki Yiisa yimm barjouk a wun wannib nan li ŋan ki bii mei Yennu yoo kura, ki daa mɔk kpinkpangbatuku, ki betib a

Jɔɔnn 15:16

Yimm kaa gannimi, ŋaan mine ganni, ki turi toona maa yii saa kii loon lɔɔna bonchiann, lɔɔna nba sii be mɔkmɔk nan mɔkmɔk, a n Baa Yennu n turi linba kur ki i miarɔ n sann ni.

Jɔɔnn 15:7

Ki bia jenna, li-i tee ki i yɔɔ gaa n paak, ki n maan na be i ni, miat Yennu linba kur ki i loon, ki i saa lawa.

Jɔɔnn 4:10

Ki Yiisa jiinɔ a, “Li-i tee ki a bo mi bakitnauŋ piinii nba ki Yennu loon wun pia na, ki bia mi maa tee wunba ki meia nyun na, a bo saa boin a n tura manfoor nyun, ki n set bo saa turawa.”

Rom Teeb 2:7

Nisiab mɔk mintir ki tuun toonŋana ki loon Yennu n pakib ki turib nyɔɔt nan manfoor, ŋamme set saa la manfoor nba ki mɔk gbennu.

Rom Teeb 3:11

Sɔɔ kaa ki mɔk minu, sɔɔ kaa ki loon Yennu.

Hiibru teeb 11:6

Nirɔ-i kii teen Yennu yada, li yɔɔ kan fit penn ŋɔɔ Yennu pari, kimaan wunba kur baat Yennu boor, li kpaa talas ki li yɔɔ n teen yada nan Yennu set be, ki teen binba loonɔ na nyɔɔt.

Jeems 5:15

Bi-i miar nan yada, u saa la laafiawa, ti Yomdaanɔe saa te ki wun la laafia; ki li-i tee ki u tun toonbiitie, Yennu saa nyik u biit maŋ ki chabɔ.

1 Jɔɔnn 3:22

Ki jenna, ti-i dia u sennii ki tuun linba pent u pari, ŋanne saa te ki u teent linba ki ti meiɔ.