Matiu 5:9 - Yennu Gbouŋ Mɔɔr

⁹ “Binba tee sindantinna nan kunkɔnpat-teeb, parpeenn tee bi yare, kimaan ŋamme ki Yennu yib u waas.

Yennu Gbounpaauŋ Mɔɔr

⁹ “Binba tee sandantinna nan kunkɔnpat teeb, parpeenn tee bi yare, kimaan ŋamme ki Yennu sii yib u waas.

Matiu 5:9 Iomraidhean Croise

1 Barkperii 12:17

Defid din tookib ki yet a, “Li-i tee ki i baat parpeenn baaruie, a yin sommin, n teen siir nan min gaariwa, ŋaan li-i tee ki i baat a yin la n boorie ki wann n datai, ŋaan ki n lek ki dukin nan man biirini, ŋann ti yeejamm Yennu na n bann ki dat i tubir.”

Yaŋ 120:6

N kɔɔ nan niib nba ki loon parmaasir ki li wei bonchiann.

Yaŋ 34:12

I ŋmee loon ki wun la manfoor manu? I loon manfofoouk nan parpeenn-ii?

Matiu 5:45

Ŋanne saa te ki i set tee i Baa Yennu nba be sanpaapo na waas, kimaan ŋɔɔe te ki yonnu do nibiit nan niŋamm paak, ki bia te saak baa nibiit nan niŋamm doi ni.

Matiu 5:48

Li paak, ii be man fanu nan i Baa Yennu nba be sanpaapo na.

Barŋanii nba ki LUK din sɔb nae na 20:36

kimaan bi ji kan mi kpo; bi sii tee nan malakanba nae, ki bia tee Yennu waas, kimaan bi fiir kuun niwa.

Barŋanii nba ki LUK din sɔb nae na 6:35

“Li paak, ii mɔk lomm nan i datai man, kii tuun linba ŋan kii teemm. Li-i tee ki i kpent nirɔ ki li yukir, yaa daa biir i para li paaki, kimaan i nyɔɔt tan sii yab, ki i bia tan sii tee Yabint Yennu waas, kimaan ŋɔɔe tuun linba ŋan ki teen binba ki teenɔ niipoouk, nan binba tee biitdamm na.

Toona 7:26

Ki li yent sanyiɔk, ki u bia la Israel niib banlee kɔn; ki u loon wun taamm ki bin maŋ nan leeb, ki yetib a ‘Gotir man, i tee naa waase, ki bee teen ki i boo leebi?’

Rom Teeb 12:18

Ii yabir i mɔŋ man kii mɔk parmaasir nan niib kur.

Rom Teeb 8:14

Binba ki Yennu Seyeeŋ ŋmakitirib sɔnu na, ŋamme tee Yennu waas.

Rom Teeb 8:16

Yennu Seyeeŋ maŋe te ki ti mɔŋ sei mi bonŋann nan ti tee Yennu waas.

Rom Teeb 8:19

Linba ki Yennu nan na guu nan ninmɔnne nan yoo nba ki Yennu tan saa nyinn u waas yeenin ni,

1 Korint teeb 6:6

Ŋaan i naawayemm saa nan bi leeb barbuurɔ nba ki teen Masia yada na boor, ki u bu bi buut.

2 Korint teeb 13:11

N naa waas, linba ji biar tee min chabie. Ŋammit i sɔnu kii saak n kpaanii man, kii mɔk mɔtaauk nan parmaasir; ki Yennu nba loonit ki teent parmaasir na sii be nani.

2 Korint teeb 5:20

Li paak ki ti ji tee Masia taatara ki Yennu te ki ti yi niib. Masia paak ki ti barimi a yin tunn ki teen Yennu yɔɔsnba.

Galasia teeb 5:22

Ŋaan Yennu Seyeeŋe te ki nirɔ mɔk lomm, nan parpeenn, nan parmaasir, nan sukuru, nan burchint, nan ŋamm, nan binbenŋaŋ,

Efesus teeb 4:1

Min nba kɔɔ dansarik ti Yomdaanɔ toona paak na, n kpaanie a yin ŋaan ki i binbeŋ-ii tee fanu nan Yennu nba loon ki lii tee biaŋinba na.

Filipi teeb 4:2

N niipoob Yuwodia nan Sintike, n barimie, ii yabir kii be nan parmaasir nan i leeb ti Yomdaanɔ paak.

Kolosa teeb 3:13

kii di sukuru nan leeb; ki sɔɔ-i mɔk bunburimii nan u lɔɔ, wun nyik chabɔ. Li kpaa talas ki yin mun nyik chab leeb nan ti Yomdaanɔ nba poŋ nyik chabi biaŋinba na.

Hiibru teeb 12:14

Yabit kii mɔk parmaasir i leeb sinsuuk ni, kii mɔk binben-yeeŋ, kimaan sɔɔ-i kii mɔk ŋann, li yɔɔ tan kan la ti Yomdaanɔ.