Matiu 5:6 - Yennu Gbouŋ Mɔɔr

⁶ “Binba ninbina mɔn ki bi para lakib nan Yennu toona, parpeenn tee bi yare, kimaan Yennu saa gboomm bi para nba lakib linba paaka.

Yennu Gbounpaauŋ Mɔɔr

⁶ “Binba ninbina mɔn ki bi para ni lakib nan Yennu toona, parpeenn tee bi yare, kimaan Yennu sa gboomm bi para nba lakib linba maŋ paak.

Matiu 5:6 Iomraidhean Croise

Yaŋ 107:9

Ŋɔɔe gboont binba ki nyunnyukuru mɔkib na, ki bia gboont komma nan jeŋant.

Yaŋ 145:19

Ŋɔɔe teen binba teenɔ baakir na bi bonloŋa, u gbia bi fabinii ki tuu tinnib.

Yaŋ 17:15

Ŋaan n saa la fin Yennu-wa, kimaan n ki tun biit nan waama; ki mi-i gɔɔn tan yerik, a benu tuu turin kpinkpammuk bonchiann.

Yaŋ 63:5

N seek saa di jeŋant ki gboo, ki n mɔb saa yin parmaasir yanii ki dont a sann.

Yaŋ 65:4

Damm nba ki a gannib na, parpeenn tee bi yare; ŋamme tee binba ki a baar namm a bii be a kasii boor na, ki ti saa gboo nan bonŋana nba be a ŋaak ni na, ki tee piisin nba be a kasii ŋasaakak ni na.

Yaŋ 84:2

N mantik loon ki mii be leŋ, n seek kur loon ki mii be Yennu ŋasaakak nie, kii yiin parmaasir yanii nan n par kur kii teen Yennu nba fo na.

Barjokit 10:24

Yentinna laat baa loon linbae, ŋaan ki toonbiit damm na ŋarin laat baa mantik tiin linba.

Barjokit 21:21

Ii mɔk lomm nan yentinu, ki a manfoor saa fɔkit, ŋanne ki a leeb saa tura baakir ki bia dia-a fanu.

Yankpaŋii 5:1

N pooloŋir, n pooyookir, n kɔɔ n kpaab niwa. N pɔ n baarii nan bonnunubit nba tee mir nae; n di siat nan sagbente; n nyu tilɔɔna daame nan naabiin. N yɔɔsnba, ii di kii biaki nyu man nan yaa tan saa gboo.

Aisaya 25:6

Sayɔnn kunkonn na paake ki Yabint Yennu saa teen jaamm, ki tur durinya na ŋaak digbana kur, jaamm nba mɔk jeŋant nan daŋanin.

Aisaya 41:17

“N niib nba tee tarii na kunkɔra-i koor, ki bi loon nyun yoo nba, min Yennu saa gat bi miaru. Min Israel teeb Yennu na kan ban nyɔr nyikibi.

Aisaya 44:3

N saa tur tiŋ nba ki nyunkon be na nyun, ki te kpenii puub tinkooŋ ni. N saa mɔɔn n Seek i waas paak, ki bia mɔɔn n piisin i yaaboona paak.

Aisaya 65:13

Ki n beeri nan binba jiantirin ki saak n mɔb na sii mɔk bonchiann ki di ki nyu, ŋaan yimm n sii be kon nan nyunnyukurue. Bi sii mɔk parpeenne, ŋaan ki yimm di fei.

Aisaya 66:11

I saa di u mɔkint na mant, nan bik nba tuu tuuk u naa biir ni biaŋinba nae.

Jeremaya 31:25

N saa maan binba bak na gbanu, ki bia gboon wunba ki kon baŋɔ.

Barŋanii nba ki LUK din sɔb nae na 1:53

ki gboon komma jeŋant, ŋaan te ki mɔkita ŋmat niikoonii.

Barŋanii nba ki LUK din sɔb nae na 6:21

Yimm nba ki kon mɔki mɔtana, parpeenn tee i yare, kimaan i tan saa gboowa. Yimm nba mɔ mɔtana, parpeenn tee i yare, kimaan i tan sii laae.

Barŋanii nba ki LUK din sɔb nae na 6:25

“Yimm nba gboo mɔtana, li sii bi i paak, kimaan kon tan saa gbatiwa. “Yimm nba laa mɔtana, li sii bi i paak, kimaan i tan sii fabin ki mɔ.

Jɔɔnn 4:14

ŋaan mi-i tur wunba n nyun na ki u nyuu, nyunnyukuru kan mi soorɔ, kimaan mi-i tur wunba n nyun na, li sii bunii manfoor nyume u ni, ki bia turɔ manfoor nba kaa gbennu.”

Jɔɔnn 6:27

I daa tuun toonn jeet nba biir paaki, ŋaan ii tuun toonn jeet nba mɔk manfoor nba kaa gbennu na paak. Min Nisaarik Bike saa turi li jebooru, kimaan n Baa Yennu-e turin yiikoo na a mii teeni, kimaan u numm gbooma.”

Jɔɔnn 7:37

Tɔn, jaamm maŋ gbennu daar din tee dajaanne. Li daar maŋe ki Yiisa fiir set ki pak sanpaapowa a, “Wunba ki nyunnyukuru gbatɔ, wun baar n boor ki tan nyu,

Fiitu 7:16

ki kon koo nyunnyukuru kan mi soorib, ki yonnu tonu koo tongbeŋsiar kan mi toŋ bi gbanu,