Matiu 3:3 - Yennu Gbouŋ Mɔɔr

³ Yennu sɔkinii Aisaya din poŋ sɔb ŋɔɔ Jɔɔnn poewa a: “Nisɔɔ tan sii be muuk ni ki hoot ki yaa ‘Ŋammit man ti Yomdaanɔ baaru sɔnu ki turɔ, ki bia ŋamm u sɔnii ki lii took.’ ”

Yennu Gbounpaauŋ Mɔɔr

³ Yennu sɔkinii Aisaya din poŋ sɔb ŋɔɔ Jɔɔnn poewa a “Nisɔɔ tan sii be muuk ni ki hoot ki yaa a ‘Ŋammit man ti Yomdaanɔ baaru sɔnu ki turɔ, ki bia ŋamm u sɔnii ki lii took.’ ”

Matiu 3:3 Iomraidhean Croise

Aisaya 40:3

Sɔɔ hoot ki yeen a, “Ŋammit sɔnu muuk ni, ki tur Yennu, ŋammit sɔnu kunkoouk paak, ki turɔ.

Malakai 3:1

Ki Yabint Yennu na jiin a, “N saa tun n toomu ki wun ŋamm sɔnu na ki turin. Tɔn, ki Yennu nba ki i guu-u na saa baar yiama, u Ŋasaakak na ni. Toomu nba ki i gorii u sɔnu po na saa baar ki tan wanni n mɔlor na.”

Barŋanii nba ki MAK din sɔb nae na 1:3

Sɔɔ be muuk ni ki hoot a, ‘Ŋammit man ti Yomdaanɔ baaru sɔnii ki lii took ki turɔ.’ ”

Barŋanii nba ki LUK din sɔb nae na 1:17

U sii mɔk Yennu Seyeeŋ nan paŋ, nan Yennu sɔkinii Elaija nba din mɔk biaŋinba na, ki tan saa dɔŋ liit ti Yomdaanɔ, ki tunn mɔtana nigbouŋ na yan, ki te ki waas nan bibaanba n ŋamm taan kii mɔk dudukŋant, ki bia tunn mɔyêtdamm yan ki bin bann yentinbinbeŋ, ki u bia tan saa te ki niib n teen siir kii guu bi Yomdaanɔ.”

Barŋanii nba ki LUK din sɔb nae na 1:76

N bik, bi tan sii yia, ‘Yabint Yennu sɔkiniie.’ A saa gar ti Yomdaanɔ tɔɔnne ki ŋamm u sɔnii ki turɔ,

Jɔɔnn 1:23

Ki Jɔɔnn yaa: “Mine tee kunkɔr nba be muuk ni, ki hoot na a: Teent Yennu baaru siir.” Jɔɔnn din jii Yennu sɔkinii Aisaya gbouŋ ni maame, ki pak na ki wann waa tee wunba.