Matiu 2:2 - Yennu Gbouŋ Mɔɔr

² “Juu teeb kpanbar saakɔɔ nba ki bi marɔ na, u be lee? Ti daan la u ŋmaabire yondopo ki baar a ti tan jiantɔ.”

Yennu Gbounpaauŋ Mɔɔr

² “Israel teeb kpanbar saakɔɔ nba ki bi marɔ na, u be lee? Ti daan la u ŋmaabire yendopo ki baar na a ti tan jiantɔ.”

Matiu 2:2 Iomraidhean Croise

Yaŋ 2:6

U yet a, “N kasii kunkonn Sayɔnn paake ki n dinn n kpanbar.”

Yaŋ 45:11

A fante saa te kpanbar na loona, turimɔ baakir, kimaan ŋɔɔe tee a chanbaa.

Aisaya 60:3

Digbana saa baar a yentu na ni, ki kpanbara saa baar a dapaann yentu na ni.

Jeremaya 23:5

Ki Yennu yet a, “Yoo baate ki n saa gann Defid yaaboonn nba tee kasii, ki dinnɔ naan. Kpanbar maŋ sii dia niib nan subiniie, ki tuun linba ŋan ki bia took, tiŋ na kur po.

Jeremaya 30:9

Ki bi sii jiantir min nba tee bi Yomdaanɔ Yennu na nan Defid yaaboonn nba ki n saa gann ki dinnɔ naan nae.

Sekaria 9:9

Sayɔnn teeb, ii mɔk kpinkpammuk man. Jerusalem teeb, ii yikin man nan parmaasir. Gotir man, i kpanbar nae baat i boor na. U tee yiikoo daanɔe ki mɔk nyannu, ŋaan u tee wunba sikint u mɔŋe, ki jak boŋ nba set tee bonpaaŋ.

Nikant 24:17

N gorii yoo nba baat, ki laat Israel teeb kpanbar nba tee nan ŋmaajar na, ki nyi niib na ni. Dammir saa nyi Israel teeb ni; ki u saa yakit Moab saakab yura, ki faa bir Sef niib kur.

Matiu 2:3

Bat Herod nba din gbat nna maŋ, ki li biir ŋɔɔ nan Jerusalem teeb kur para, ki bi ji ki fit kari.

Matiu 21:5

“Yetir Sayɔnn doo teeb a, ‘Gotir man, i kpanbar nae baat i boor na. U tee wunba sikint u mɔŋe ki jak boŋ nba set tee bonpaaŋ.’ ”

Matiu 27:11

Ki Yiisa see tiŋ yudaanɔ Pailat tɔɔnn; ki Pailat boiɔ a “Fine set tee Juu teeb kpanbar na-a?” Ki u jiinɔ a “Nan faa yaa na.”

Barŋanii nba ki LUK din sɔb nae na 19:38

“Piisin be kpanbar nba baat Yennu sann ni na paak. Parmaasir be Yendɔuŋ ni; ii dontir Yennu sann sanpaapo man.”

Barŋanii nba ki LUK din sɔb nae na 2:11

Dinna nyiɔk na bi mar i Tinntɔɔ, wunba tee Yennu Niganntɔɔ Masia na. Bi marɔ Defid doo nie.

Barŋanii nba ki LUK din sɔb nae na 23:3

Ki Pailat boiɔ a “Fine tee Juu teeb kpanbar na-a?” Ki u jiin a “Nan faa yaa na.”

Barŋanii nba ki LUK din sɔb nae na 23:38

Bi bia din sɔb sɔbinii ki tabin dapunpunn na yur paak, ki li yet a “Juu teeb kpanbare na.”

Jɔɔnn 1:49

Ki Natanael yetɔ a, “Wanntɔɔ, a tee Yennu Bijae, ki bia tee Israel teeb kpanbar.”

Jɔɔnn 12:13

Ki bi ji ŋat biabfaat ki che a bin tookɔ, ki yikin sanpaapowa a, “Hosaana, Piisin-ii be wunba baat Yennu sann ni na paak. Yennu n teen piisin timm Israel teeb kpanbar paak.”

Jɔɔnn 18:37

Ki Pailat boiɔ a, “A set tee kpanbare-e?” Ki Yiisa jiin a, “Nn, fine yet a n tee kpanbar. Bi din marin a n wann niib barmɔnii wannue. Li paake ki n baar tingbouŋ na ni; ki sɔɔ kur nba waa barmɔnii wannu maŋ gbia n maan.”

Jɔɔnn 19:19

Ki Pailat sɔb sɔbinii ki bi tabin Yiisa dapunpunn na paak, ki li yaa, “Nasaref nirɔ Yiisa nba tee Juu teeb kpanbare na.”

Jɔɔnn 20:28

Ki Tomas yetɔ a, “Fine tee n Yomdaanɔ ki bia tee n Yennu.”

Jɔɔnn 5:23

a ki sɔɔ kur-ii teenin baakir nan baa teen n Baa Yennu baakir biaŋinba na. Wunba ki teenin baakir, li want nan u ki teen n Baa Yennu nba tumin na baakiri.

Jɔɔnn 9:38

Ki jɔɔ na yetɔ a, “N Yomdaanɔ, n teena yadawa,” ŋaan gbaan u tɔɔnn ki jiantɔ.

Hiibru teeb 1:6

Yennu nba din tan yaa wun baar nan u Bija, wunba tee bonnankara yur tingbouŋ na ni yoo nba, ki u gbouŋ yet u po a, “Li kpaa talas ki Yennu malakanba kura n jiantɔ.”

Fiitu 22:16

“Min Yiisa-e tun n malaka, a wun tan fiit maan na ki tur n weira. Mine tee Defid yaaboonn, ki bia tee sanyafaar ŋmaajar nba nyɔkit na.”