Matiu 1:6 - Yennu Gbouŋ Mɔɔr

⁶ Jese din mar Kpanbar Defid; ki Defid mun mar Solomonn, ki u naa din tee Yuria pakɔɔk.

Yennu Gbounpaauŋ Mɔɔr

⁶ Jese din mar Kpanbar David; ki David mun din mar Solomon, wunba naa din tee Yuraya pakɔɔk.

Matiu 1:6 Iomraidhean Croise

2 Samuel 11:3

Ki Defid tun toomii a bin la waa tee wunba. Bi din betɔ nan u tee Eliam bipoo Baf-seba-e, ki tee Yuria nba tee Hef booru ni nirɔ na ŋaapoo.

2 Samuel 23:1

Defid tee Jese bijae, ŋɔɔe ki Yennu din teenɔ nijaann, ki u tee wunba ki Jakɔb Yennu maŋ gannɔ ki dinnɔ naan. Ŋɔɔ maŋe din yin yanmanii ki tur Israel teeb. Defid mɔbonjoontkaa maŋe na a:

1 Kpanbara 15:5

Yennu din tun linba na, kimaan Defid din ki yêt u mɔb, ŋaan tuun linba manɔ, ki saak ŋɔɔ Yennu sennu, see Hef nirɔ Yuria maan na kuukɔɔ.

1 Barkperii 11:41

nan Yuria, ki u tee Hef nirɔ, nan Sabad, ki u tee Ahalai bija,

1 Barkperii 14:4

Waas nba ki u din marib Jerusalem sanae na: Samua nan Sobab nan Natann nan Solomonn,

1 Barkperii 2:15

nan Osem nan Defid.

1 Barkperii 28:5

Yennu turin bonjai bonchiann; bi kur maŋ, ŋaan Yennu gann Solomonn-e a wuu tee daanɔ nba saa di Israel naan nba tee ŋɔɔ Yennu yar na.

1 Barkperii 3:5

ki mar waas bonchiann leŋ. U ŋaapoo Baf-seba, wunba tee Amiel bipoo na din marɔ bonjai banna: ŋamme tee Simea nan Sobab nan Natann nan Solomonn.

Yaŋ 72:20

Linba nae joont ki tee Jese bija Defid Yenmiaru.

Aisaya 11:1

Defid naan ŋaateeb na tee nan tiik nba ki bi chɔɔ lu-u nae; yiinu nba tuu tuk tigbir paak biaŋinba na, nnae ki kpanbar paaŋ saa nyi Defid yaaboona na ni.

Matiu 1:5

Salmonn din mar Boas, wunba naa din tee Rahab na; ki Boas mar Obed, wunba naa din tee Ruf na; ki Obed mun mar Jese.

Rom Teeb 8:3

Yennu-e tun u mɔŋ Bija tingbouŋ na ni, ki u baar nan gbanant nba naan nan timm biitdamm gbanant na, ki tan gaar ti paak ki kpo. Ki u kuun maŋ paak ki Yennu biir biit nba be timm nisaarii para ni na paŋ. Sennu na ki fit tun nna, kimaan timm nisaarii ki fit diar fanu.

RUF labaar 4:22

ki Obed-e din mar Jese, ki Jese mun mar Defid.

1 Samuel 16:1

Ki Yennu yet Samuel a, “A saa fabin Sɔɔl po ki lin wei nlee? N yêtɔwa nan u ki tee Israel teeb kpanbar jikii. Mɔtana, lomin olif tiinii kpan, ki wuun yinn ni, kii saa Betlehem, jɔɔ nba ki bi yiu Jese na boor, kimaan n gann u waas na yenɔe ki u sii tee kpanbar.”

1 Samuel 17:12

Defid din tee Jese bijae, ki tee Efrat naakuuk ni nirɔ, ki nyii Betlehem, ki li be Juda yent ni. Jese din mɔk bonjai banniime, ki poŋ ji din tee jakpere yoo nba ki Sɔɔl tee kpanbar na.

1 Samuel 17:58

Ki Sɔɔl boi Defid a, “Naasimɔ, a tee ŋmee bike?” Ki Defid jiin a, “N tee a toontunnɔ nba ki bi yiu Jese, wunba nyii Betlehem na bijae.”

1 Samuel 22:8

Li paake ki i lorin a yin biirimi-i? I sɔɔ ki ban betin nan n tiɔŋ bik mɔk lor nan Defid-i. I sɔɔ baka kaa n po, ki ki fit betin nan n bija lor nan Defid, a wun kpaan sɔnii ki kpin, nan waa tun biaŋinba dinna na.”