Malakai 4:1 - Yennu Gbouŋ Mɔɔr

¹ Yabint Yennu yet a, “Daar baate, ki karinbaandamm nan toonbiit damm na tan saa di muu nan kinkaka na. Li daar maŋ, bi saa di boonte, nan bi siara kan biari.

Malakai 4:1 Iomraidhean Croise

JOB labaar 18:16

Ki u ji saa biar ki tee nan tiik nba tuu koor nan jiinawa na.

Yaŋ 119:119

A dia biit damm na gbaka gbaka nan kparchant nae, li paak, n loon a sennii.

Yaŋ 37:9

Yennu saa boon toonbiit damm nawa, ŋaan binba mɔk dindann ki guu Yennu nae tan saa yent tiŋ na.

Nyinu 15:7

A nyannchiɔŋ nie ki a tuu ber fiin a datai. A wutoor tuu yinne ki dib nan kinkauk na.

Aisaya 40:24

Bi tee nan bont nba tuu pia ki daa ki baa jiina nae. Yennu-i te ki wouŋ da yoo nba, bi tuu koore, ki wei wouŋ nan mɔɔt na.

Aisaya 41:2

“Ŋmee din nyii nan nyannu daanɔ na yondo po, ki turɔ nyannu siaminba kur ki u saani? Ŋmee din te ki u nyann kpanbara nan digbana? U takoobu na chɔɔ butib nan bi tee tangbiruŋ nae, ki u peenii yatib nan wouŋ nba tuu yat mɔɔt na.

Aisaya 47:14

“Bi tee nan kakjina nae, ki muu saa dib. Bi poŋ kan fit tinn bi mɔŋ kaawa. Muyeruk na sii ton ki paakiba, ki kii tee mumintik ki bi saa nanii.

Aisaya 5:24

Li paak, kinkaka nan mɔkoont nba tuu di muu biaŋinba na, i jiina mun saa bat, ki i puuk n koor nnae, ki wouŋ n pebirir, kimaan i yêt linba ki Yabint Yennu nba tee Israel teeb kasii Yennu tumii nawa.

Aisaya 9:18

Niib na biit di nan muu nba tuu di jagotuk nan kunkonii nae. Li di nan muu nba tuu di fɔɔr, ki munyuuk do nae.

Aisaya 9:19

Yabint Yennu wutoor nba doo na paak, ki u tubdatu na di nan muu na tiŋ na kur po, ki kpi niib maŋ, sɔɔ kur gbaa a wun tinn u mɔŋe.

Esekiel 20:38

N saa nyinn damm nba be nani, ki tee mɔyêtdamm ki tuun toonbiit na. N saa nyinnib tinii nba ki bi kar mɔtana na ni. Ŋaan n ji kan te bin jen Israel tiŋ na ni. Ki i saa bann nan mine tee Yennu.”

Esekiel 21:32

Ki i tiɔŋ tiŋ ni, ki bi saa jooi muu, ki yin kpo. Ki i ji saa biar ki dɔɔ tiŋ ni, ki bi saa tamm i po, ki saa tuu yoo nba kaa paak. Min Yennu-e pak na.’ ”

Esekiel 24:11

Tɔɔnt bobkoonn na musankɔɔna paak, ki ŋaan ki lin toŋ mɔnn. Nnae saa te ki bobir na n ŋamm ki yeen, ki tintanii n di muu.

Esekiel 34:17

“Tɔn, n pei, min Yabint Yennu-e beeri nan n saa bu sɔɔ kur buut, ki bɔkit bonŋann ki lin nyi bonbiir ni, ki bɔkit pei ki bin nyi buunii ni.

Esekiel 7:10

Biiru daar baat Israel teeb paak. Jat pukiie, ki dont-n-mɔŋ do,

Joel 2:1

Pebin naatunn na. Ŋaant ki lin mɔ, Yennu kasii kunkonn Sayɔnn na paak. A te ki niib nba kur be Juda tiŋ ni n jekir, kimaan Yennu daar na baate.

Joel 2:31

Yonnu tan saa kpint ki bɔnn, ki ŋmaarik mun saa kpint ki mɔnn nan sɔn na; li tan saa teen nnaewa ki min Yennu dajaann nba tee biiru daar na n fit baar.

Amos 2:9

“N niib, i paake ki n biir Amor teeb fas fas, bi lek din fɔk nan kpekii na, ki bia mɔk paŋ nan tijakpera na.

Obadia 1:18

Jakɔb ŋaateeb nan Joosef ŋaateeb sii tee nan muu nae, ki saa di Esɔɔ ŋaateeb nan muu nba tuu di kinkaka biaŋinba na. Ki Esɔɔ yaaboona na, sɔɔ kan biari. Min Yennu-e pak na.

Nahum 1:10

Yimm dayibira na, n saa boonti nan baa tuu ŋmat kunkonii nan kinkak-koona ki lin di muu biaŋinba nae.

Sefania 1:14

Yennu dajaann na nakin bonchiann, ki baat yian yian. Li daar sii tee datonne, ki kunkɔnkɔnna nba mɔk para na gbaa saa yikin nan jaŋmaanii.

Sefania 1:18

Daar nba niŋ ki Yennu wutoor tan saa do na, bi salimpeena nan salimmɔna na gbaa tan kan fit tinnib. Ki u wutoor nba tee nan muu na tan saa di tingbouŋ na kur. U tan saa biir ki kpir boont wunba kur be tingbouŋ na paak.

Sekaria 14:1

Daar nba ki Yennu saa bu buut na pera, ki bi saa fat yimm Jerusalem teeb bona, ki bi-i fat linba, bi tan saa chentir i ninbina ni.

Malakai 3:15

Ti laat nan karinbaandamme tee binba mɔk parpeenn. Ki toonbiit damme laat nyɔɔt, ki bia dia bi toonbiit maŋ ki bikii Yennu, ŋaan ki siar ki biiribi.’ ”

Malakai 3:18

N niib saa ŋamm la linba saa tun ki tur binba tee popeendamm nan tondamm, li bɔkitu nba tee biaŋinba, ki bia bann daanɔ nba tuun n toonn nan daanɔ nba ki tuun n toonn na bɔkitu.”

Malakai 3:2

Ŋaan ŋmee tan saa fit set, daar nba ki u saa baar na ni? Ŋmee tan saa fit tinn, u-u dɔkit yoo nba? U tan sii tee nan cheeb nba mɔk paŋ nae, ki bia tee nan saauk muu nba ŋammit kut biaŋinba na.

Malakai 3:3

U saa baar ki bu ti buut, nan baa tuu pur salimpeena muu ni ki ŋammir biaŋinba nae. Sakurtɔɔ nba tuu ŋamm salimmɔna nan salimpeena biaŋinba na, nnae ki toomu maŋ saa ŋamm mannteeb ki bin ji fit baar nan piinii nba took ki tur Yennu.

Malakai 4:5

“N saa dɔŋ tun n sɔkinii Elaija i boor niewa, ki min Yennu daar nba tee dajaann, ki bia tee jaŋmaanii daar na n tan baar.

Matiu 3:12

U dia u dilenn ŋmaniie ki yaa wun lenn fanu, ki nyinn dibin ki wuun u bɔɔr ni, ŋaan joo fouŋ na muu nba kan mi kpeen ni.”

Barŋanii nba ki LUK din sɔb nae na 19:43

Yoo baat ki i datai tan saa baar, ki maa joonjouk ki lint i doo ki loon i paak lokir kur po,

Barŋanii nba ki LUK din sɔb nae na 21:20

“Ŋaan yoo nba ki i tan la kunkɔnkɔnna lint Jerusalem, yin bann nan li yaa lin biire na.

Barŋanii nba ki LUK din sɔb nae na 6:23

Ii mɔk parpeenn kii kpamm, kimaan i nyɔɔt tan sii yab Yendɔuŋ ni; bi yeejamm mun din tee Yennu sɔkiniinba na nnae.

2 Tesalonika teeb 1:8

ki dat binba ki sak u barŋanii ki bia ki mi Yennu na tuba;

2 Piita 3:7

Ŋaan ŋɔɔ Yennu mɔmaame bia lek sii dia sanpaak nan tiŋ nba be mɔtana na mɔkmɔk nan yoo nba ki u tan saa te ki li kura n di muu, ki biir biitdamm, kimaan li daar u tan saa bu bi buut ki biiriba.