Malakai 3:3 - Yennu Gbouŋ Mɔɔr

³ U saa baar ki bu ti buut, nan baa tuu pur salimpeena muu ni ki ŋammir biaŋinba nae. Sakurtɔɔ nba tuu ŋamm salimmɔna nan salimpeena biaŋinba na, nnae ki toomu maŋ saa ŋamm mannteeb ki bin ji fit baar nan piinii nba took ki tur Yennu.

Malakai 3:3 Iomraidhean Croise

Yaŋ 116:17

N saa tura niipoouk maruŋo ki jii n miaru ki tura.

Yaŋ 4:5

Mant maruŋ nba took ki tur Yennu, ŋaan teenɔ yada.

Yaŋ 4:6

Niib bonchiann fabin ki yeen a, “Yennu, teent piisin ti paak. Ii mɔk ninbatinu nan timm.”

Yaŋ 50:14

Ii ŋaan ki i niipoturu-ii tee i maruŋ ki teen min Yennu, ki bia tuu tur min Yabint Daanɔ linba kur ki i senn mɔsonn.

Yaŋ 50:23

Niipoturue tee maruŋ nba baakitin, ki n set saa tinn binba kur saak n mɔb.”

Yaŋ 51:19

Ki li saa te ki a mɔk parpeenn nan maruŋ nba ŋan, nan mujoonu piinii, ki bi sii kpi naajai ki mann maruŋ, a binbintir na paak.

Yaŋ 66:10

Yennu, fine bikint na; a bikint nan saauk daanɔ nba tuu pur kut biaŋinba nae.

Barjokit 17:3

Bi tuu jii muue ki bikin salimmɔna nan salimpeena, ŋaan nisaarik par ŋarin, Yennu-e bikii.

Barjokit 25:4

Nyint jakint nba be salimpeena ni, ki sakurtɔɔ na saa kur bont nba fan.

Aisaya 1:25

N saa jiin bonbiir i paak. N saa ŋammi nan baa tuu pur kut ki ŋammir biaŋinba nae, ki saa nyinn i biit na kur.

Aisaya 48:10

N jii wahalae ki bikinii, nan baa tuu ŋamm kut saauk muu ni biaŋinba na. Ŋaan n la ki i ki mɔk nyɔɔti.

Aisaya 61:6

ki bi sii yi-i Yennu mannteeb, ki yi-i Yennu toontunna. I saa di digbana na mɔkint, ki sii mɔk parbifaant nan li tee i yare.

Jeremaya 9:7

Linba na paak ki Yabint Yennu yet a, “N saa pur n niib nan kut nae ki bikimm. N niib tun biita, n ji saa tun namm lannpoe?

Esekiel 20:38

N saa nyinn damm nba be nani, ki tee mɔyêtdamm ki tuun toonbiit na. N saa nyinnib tinii nba ki bi kar mɔtana na ni. Ŋaan n ji kan te bin jen Israel tiŋ na ni. Ki i saa bann nan mine tee Yennu.”

Daniel 11:35

Bi saa kpi yandamm nba tee saakab na siab, ŋaan linba na saa te ŋamm Yennu niib n ŋamm kii be fanu. Li sii kpan tuun nnae nan li joontu, yoo nba ki Yennu senn na.

Daniel 12:10

Ki niib bonchiann para tan saa ŋamm fanu. Binba tee biit damm kan bann li paaki, bi sii ŋamii tuun toonbiite; ŋaan binba sub, ŋamme saa bann li paak.

Hosea 14:2

Jenin ki baar Yennu boor, ki ŋaan i Yenmiaru na-ii tee Yenpiinii ki i teenɔ a, “Nyikin chabit ti yanbɔmm kur, ŋaan gaar ti miaru na, ki tin paka nan taa senn mɔsonn biaŋinba na.

Sekaria 13:9

Ki n saa bikin bɔkyenn nba biar bi manfoa ni na, ki ŋammib, nan biaŋinba ki bi tuu pur salimpeena muu ni ki ŋammir na. N saa bikimm nan baa tuu bikin salimmɔna biaŋinba nae, ki bi ji saa miarin, ki n gat bi miaru maŋ. N saa betib nan bi tee n niibe, ki bi saa jiin a mine tee bi Yennu.”

Malakai 4:1

Yabint Yennu yet a, “Daar baate, ki karinbaandamm nan toonbiit damm na tan saa di muu nan kinkaka na. Li daar maŋ, bi saa di boonte, nan bi siara kan biari.

Nikant 8:6

“Bɔkitir Liifai teeb ki bin nyi Israel teeb kur ni, ki ŋammib.

Barŋanii nba ki LUK din sɔb nae na 3:16

Li yoo maŋ ki Jɔɔnn bet bi kur a, “Min ŋarin wuuri nyume, ŋaan wunba cheen baat. N ki ŋan nan ki n lot u taasaŋmii. Ŋɔɔe saa jii Yennu Seyeeŋ nan muu ki wuur i para.

Rom Teeb 12:1

Li paak, n naa waas, Yennu ninbatinu paake te ki n barimi maa yii jii i gbanant ki turɔ, ki lii tee mannu nba fo, kii waa ŋɔɔ kuukɔɔ, ki lin maŋɔ; ŋanne tee Yenjiantu nan barmɔnii.

Rom Teeb 15:16

ki te ki n tee Yiisa Masia toontunnɔ, a n mɔɔnt u barŋanii ki tur binba ki tee Juu teeb na, ki bi sii tee piinii ki teenɔ, ki u Seyeeŋ na saa te ki bin teen niŋamm ki penn u par.

Filipi teeb 2:17

Li-i tee ki n lu n miar na ki pukin fara nba ki n poŋ dii maa n te ki yin teen yada na, li bo sii manin, ki min nan yimm sii mɔk parpeenn.

Filipi teeb 4:18

N gaar i piinii na munna ki li jaŋima. Piinii nba ki i daan tun Epafrodaitus nann na te ki n gboowa. Li piinii naan nan mannu nba nubir man nae ki teen Yennu, ki penn u par, ki u gaarir.

2 Timoti 4:6

Kimaan min ŋarin, yoo baar nan man lu n miara; yoo baar nan man nyi tingbouŋ na niwa.

Taitus 2:14

ŋɔɔe din gaar ti paak ki kpo, a wun nyinnit biit kur daabisin ni, ki te ki ti tee popeendamm nba tee u kuukɔɔ yab, ki tee niib nba numm mɔn nan toonŋana tumu.

Hiibru teeb 12:10

Ti baanba nba be tingbouŋ na ni jikit yoo waaminna ki daar ti tuba baa loon biaŋinbae, ŋaan Yennu ŋarin daar ti tuba, ti mɔŋ sommir paake, a ti binbeŋ n ŋamm kii yeen nan ŋɔɔ Yennu binbeŋ na.

1 Piita 1:7

Biak maŋ bikii-i a lin laan i teen Masia yada fanuwa-a? Li tee nan baa tuu jii salima ki teen muu ni a bin la li ŋant nae. I yada teenu ŋan Yennu boor ki gar salima gbaa. I yada teenu-i ŋan, ŋanne saa te ki yin la paku nan dontir nan baakir, yoo nba ki Yiisa Masia tan saa nyi paanu na.

1 Piita 2:5

Ŋaant man ki Yennu n jii-i ki yii tee nan manfoor tana na, ki wun maa ŋaak nba ki u Seyeeŋ sii be li ni; ki i sii tee Yennu mɔŋ mɔŋ toontunna kii tuun u toonn nan u Seyeeŋ paŋ, ki u saa gaar li toonn Yiisa Masia paake;

1 Piita 2:9

Ŋaan yimm ŋarin tee Yennu nigannkabe, ki bia tee u naan ni niib nba jiantirɔ, ki bia tee nibooru nba tee popeendamm, ki bia tee u tiɔŋ niib, ki yii mɔɔntir ŋɔɔ nba nyinni bunbɔnn ni, ki baar nani u bakitnauŋ yentu ni na burchintuk po.

Fiitu 1:6

ki te ki ti tee u naan ni niib nba tee mannteeb, a tin tun u Baa Yennu toonn; ŋɔɔe yen paku nan paŋ mɔkmɔk nan mɔkmɔk. Mamɔmm.

Fiitu 3:18

Li paak, n kpaaniie a ii daa salima nba tee salimmɔna n boor ki set la mɔkint, ki bia daa tapeenii ki dɔkin i fei na, ki bia daa kpan ki baŋ i ninbina kii laat.

Fiitu 5:10

A bia te ki bi tee a naan ni niib nba tee mannteeb, a bin tun Yennu toona; ki bi sii yen tingbouŋ na teeb.”