Barŋanii nba ki LUK din sɔb nae na 8:2 - Yennu Gbouŋ Mɔɔr

² Poob nba ki u din nyinn narinbiit bi ni, ki bia te ki bi yiarii gbenn na mun din be leŋ maŋ ki waau. Yenɔ din tee Meeri (wunba ki bi din yiu Magdaliinn na). Ŋɔɔe tee wunba ki Yiisa din nyinn narinbiit banlore u ni na;

Yennu Gbounpaauŋ Mɔɔr

² Poob nba ki u din nyinn narinbiit bi ni, ki bia te ki bi yiarii na gbenn na mun din be leŋ maŋ ki waau. Yenɔ din tee Mari (wunba ki bi din yiu Magdaliin na). Ŋɔɔe din tee wunba ki Yisa din nyinn narinbiit bannlore u ni na;

Barŋanii nba ki LUK din sɔb nae na 8:2 Iomraidhean Croise

Matiu 4:24

Ki bi din lin mɔɔnt u sann Siria tingbouŋ kur po. Ki bi din jikit baatbooru booru kur, ki baat namm u boor: binba din yiar yiarbooru nba kur, li gbanantont, nan binba din gbee nan narinbiit, nan binba baa gbitgbiia, nan gbanankpeena damm, ki u te ki bi la laafia.

Barŋanii nba ki MAK din sɔb nae na 16:1

Foon daar nba din tan gar, ki Meeri Magdaliinn, nan Salome, nan Meeri, wunba tee Jeems naa na, din saan ki saa daa bonnunubit a bin saan but Yiisa gbanant paak.

Barŋanii nba ki MAK din sɔb nae na 16:9

Tɔn, Yiisa nba din fiir kuun ni, lasir daar sanyiɔk ni na, u din dɔŋ dɔkit Meeri Magdaliinn paake, wunba ki u din nyinn narinbiit banlore u ni na.

Barŋanii nba ki LUK din sɔb nae na 23:27

Ki nibur waa Yiisa ki bi saa. Bi ni maŋ poosiab din waa ki bui fabin u paak.

Barŋanii nba ki LUK din sɔb nae na 23:49

Ki u yɔɔsnba kur nan poob nba nyii Galilii nanɔ din be leŋ ki see banfɔkira ŋaan gorii linba tuun.

Barŋanii nba ki LUK din sɔb nae na 23:55

Ki poob nba nyii Galilii ki waa Yiisa na din wei Joosef, ki saa la Yiisa kaauk nan baa piiu biaŋinba.

Barŋanii nba ki LUK din sɔb nae na 8:30

Ki Yiisa boiɔ a, “A sanni-i?” Ki u jiin a “N sann tee bure;” li paak tee narinbiit bonchianne be u ni.

Jɔɔnn 19:25

Yiisa naa din see kpia u dapunpunn nae: ki Klopas ŋaapoo nba ki bi yiu Meeri na, ki u tee Yiisa naa maŋ niipoo na, see kpiau, ki Meeri Magdaliinn pukin leŋ.

Toona 1:14

ki bi kura tuu yɔɔ lakint nan leeb ki pukin poosiab nan Yiisa naa Meeri, nan Yiisa waarii, ki mei Yennu nan dudukyent ki ki naki.