Barŋanii nba ki LUK din sɔb nae na 7:6 - Yennu Gbouŋ Mɔɔr

⁶ Ŋanne ki Yiisa weib saan. Waa saa per ŋaak maŋ yoo nba, ki kunkɔnkɔnna yudaanɔ maŋ tun u yɔɔsnba ki betib a bin yet Yiisa a, “N Yomdaanɔ, daa bakint a mɔŋ ki baati, kimaan n ki ŋan nan fan baar kɔɔ n ŋaak ni.

Yennu Gbounpaauŋ Mɔɔr

⁶ Ŋanne ki Yisa din weib saan. Wa din saa per ŋaak maŋ yoonba, ki lanjimanba yudaanɔ maŋ din tun u yɔɔsinba ki betib a bin yet Yisa nna a “N Yomdaanɔ, daa bakint a mɔŋ ki baati, kimaan n ki ŋan nan fan baar kɔɔ n ŋaak ni.

Barŋanii nba ki LUK din sɔb nae na 7:6 Iomraidhean Croise

Pinpiik 32:10

N ki jaŋ nan ŋamm, nan mamɔmm nba ki a tuun ki teen min nba tee a daabir na. Maa din poot Jɔɔdann mɔkir na, n din ki mɔk siar ki pukin n patu po, ŋaan mɔtana ki n jent nan koonn munlee.

Barjokit 29:23

Karinbaaniie baat nan baak, ŋaan fi-i sikin a mɔŋ bi sii baakitae.

Matiu 20:28

nan min nisaarik Bik nba tee biaŋinba na, kimaan n ki baar maa niib n tun turin kaa, ŋaan n baar maa n tun ki tur niibe, ki bia kpo ki lin te niib bonchiann n la tinnu.”

Matiu 3:11

Min ŋarin wuuri nyun ki li want nan i nyik i biita, ŋaan wunba yaa wun baar n poor po na cheen; ki n poŋ ki jaŋ nan ki n jii u taasaati; ŋɔɔe saa jii Yennu Seyeeŋ nan muu ki wuur i para.

Barŋanii nba ki MAK din sɔb nae na 5:24

Ŋanne ki ŋɔɔ nan Yiisa ji saa u ŋaak ni. Ki nibur mun bia waa ki muk ki tut Yiisa.

Barŋanii nba ki LUK din sɔb nae na 5:8

Ki Simonn Piita nba la linba tun na, ki u gbaan Yiisa tɔɔnn ŋaan yetɔ a “N Yomdaanɔ, n tee biitdaanɔe. N ki ŋan nan ki n nakinani. Nyikimin ŋaan kii saa,”

Barŋanii nba ki LUK din sɔb nae na 7:4

Ki bi saan Yiisa boor ki saa barimɔ bonchiann ki yetɔ a, “Jɔɔ maŋ jaŋ nan fan sommɔwa,

Barŋanii nba ki LUK din sɔb nae na 7:5

kimaan u loon ti niib. U bia maa Yenjiantu diiuk ki turita gbaa.”

Barŋanii nba ki LUK din sɔb nae na 7:7

N bia ki ŋan nan ki n nakin a boori. Ŋaan pakin mɔbonne, ki n daabir n la laafia,

Barŋanii nba ki LUK din sɔb nae na 8:49

Yoo nba ki Yiisa daa din see ki piak na, ki toomu nyii saakɔɔ maŋ ŋaak ni ki baar yet a “A bonpobik na taan kpowa; ki a ji daa bakint Wanntɔɔ.”

Toona 10:38

I bia poŋ mi biaŋinba ki Yennu nyinn Yiisa maŋ, ki turɔ u Seyeeŋ nan u paŋ, ki u lin tuun toonŋana, ki bia te binba kur ki Sintaanii teemm baatib na la laafia, kimaan Yennu be nanɔ.

Jeems 4:10

Sikint i mɔŋ Yennu tɔɔnn, ki wun donni.

Jeems 4:6

Ŋaan u bia teent sommir bonchiann. Li paak, li sɔb Yennu gbouŋ ni a, “Yennu kɔn nan karinbaandamme, ŋaan sommit binba sikint bi mɔŋ.”