Barŋanii nba ki LUK din sɔb nae na 3:2 - Yennu Gbouŋ Mɔɔr

² ki Annas nan Kayafas mun tee mannteeb yudamm, li yoo na ki Yennu jii u maan ki tur Jɔɔnn nba tee Sekaria bija na; ki u din be muuk ni.

Yennu Gbounpaauŋ Mɔɔr

² ki Annas nan Kayafas mun din tee Yennu jiantu yudamm, li yoo na ki Yennu din jii u maan ki tur Jɔɔnn nba tee Sekaria bik na; ki u din be muuk ni.

Barŋanii nba ki LUK din sɔb nae na 3:2 Iomraidhean Croise

Aisaya 40:3

Sɔɔ hoot ki yeen a, “Ŋammit sɔnu muuk ni, ki tur Yennu, ŋammit sɔnu kunkoouk paak, ki turɔ.

Jeremaya 1:2

Josaya naan bina piik nan ŋantaa nie, ki Yennu pak nan Jeremaya. Josaya din tee Amonn bijae, ki tee Juda kpanbar.

Jeremaya 2:1

Ki Yennu yetin

Esekiel 1:3

N din be Babilonn, ki kpia Kebar mɔkir, ki gbat Yennu pak nanin, ki n la u paŋ.

Jona 1:1

Dasiare ki Yennu din pak nan Jona, wunba tee Amitai bija na.

Maika 1:1

Bina nba ni ki Jotam nan Ahas nan Hesekia din tee Juda kpanbara ki waa leeb paak na, ki Yennu fiit mɔmaan na ki tur Maika, wunba nyii Moresef doo ni na. Yennu din fiit mɔmaan na ki wann Maika ki jiin Samaria nan Jerusalem poe.

Sefania 1:1

Maan nae ki Yennu din tur Sefania, yoo nba ki Amonn bija Josaya tee Juda teeb kpanbar na. (Sefania din tee kpanbar Hesekia booru ni nirɔe. Sefania baa din tee Kusi, ki Kusi baa tee Gedalia, ki Gedalia baa mun tee Amaria, ki Amaria baa tee kpanbar Hesekia.)

Matiu 11:7

Tɔn, Jɔɔnn toomiinba na nba nyii leŋ ki ŋmat kun yoo nba, ki Yiisa ji piin ki boi niib maŋ buboit ki jiin Jɔɔnn po a “Yaa daan saan Jɔɔnn peŋ muuk ni na, i daan dukii a i saa la bee? I daan mi a i saa la muuk nba ki wouŋ damm nae-e?

Matiu 26:3

Li yoo maŋ ki mannteeb yudamm nan Juu teeb saakab tikir leeb Kayafas ŋaak ni, wunba tee mannteeb yudamm saakɔɔ na.

Barŋanii nba ki MAK din sɔb nae na 1:2

Li din piin nan Yennu Sɔkinii Aisaya nba din sɔb biaŋinba nae a, “Yennu yet a ‘Nnara, n toomue na, ki n yaa n tumɔ ki wun dɔŋ gar a tɔɔnn, ki ŋamm a sɔnii ki tura.’

Barŋanii nba ki LUK din sɔb nae na 1:80

Bik maŋ din kpaatire ki pukii nan Yennu bannu, ki kɔɔ muuk ki saa be tatata nan yoo nba tan baar nan wun dɔkit Israel teeb paak.

Jɔɔnn 1:23

Ki Jɔɔnn yaa: “Mine tee kunkɔr nba be muuk ni, ki hoot na a: Teent Yennu baaru siir.” Jɔɔnn din jii Yennu sɔkinii Aisaya gbouŋ ni maame, ki pak na ki wann waa tee wunba.

Jɔɔnn 18:24

Li yooe ki Annas te ki bi jii Yiisa ki saan nanɔ Kayafas, wunba tee mannteeb yudaanɔ na peŋ; ki Yiisa bia lek daa lor ŋmiit.

Toona 4:6

ki bi lakin nan mannteeb yudaanɔ Annas, nan Kayafas, nan Jɔɔnn nan Aleksander nan mannteeb yudaanɔ maŋ ŋaatesiab,