Barŋanii nba ki LUK din sɔb nae na 23:4 - Yennu Gbouŋ Mɔɔr

⁴ Ki Pailat yet mannteeb yudamm nan nibur na a, “N ki la jɔɔ na biit-i.”

Yennu Gbounpaauŋ Mɔɔr

⁴ Ki Pailat yet Yennu jiantu yudamm nan nibur na, “N ki la jɔɔ na biiti.”

Barŋanii nba ki LUK din sɔb nae na 23:4 Iomraidhean Croise

Matiu 27:19

Pailat nba daa kar buut kok paak na, ki u ŋaapoo tun toomii ki tan betɔ a “Nyint a nuu Yennu nipeemɔ na maan ni, kimaan nyiɔk n won la daamuk bonchiann n daamiit ni u paak.”

Barŋanii nba ki MAK din sɔb nae na 15:14

Ki Pailat boib a “Bee paake? U biit mantik tee lannpoe?” Ki bi bia ŋamm tian sanpaapowa a “Kpaamɔ dapunpunn paak.”

Barŋanii nba ki LUK din sɔb nae na 23:22

Ki Pailat boib taar muntaa ni a, “Bee paake? U biit mantik tee lannpoe? N ki la linba ki u tun ki li jaŋ nan kuumi. Ŋann amii, n saa boou kpaasire, ki ŋaau ki wuu saa.”

Jɔɔnn 18:38

Ki Pailat boiɔ a, “Bee tee barmɔnii?” ŋaan ŋmat nyii nanyer, Juu teeb yudamm na boor ki betib a, “N ki la jɔɔ na biit ki saa biirɔ.

Toona 25:25

Ŋaan min ŋarin la ki u ki tun bisiat ki li jaŋ nan kuumi. Ki u mɔŋ bia yaa u loon ki wun gaan u maan maŋ kpanbara yudaanɔ peŋe. “Tɔn, li paak ki n dukin maa n te ki wun saan.

Toona 3:13

Yennu nba din tee Abraham nan Aisak nan Jakɔb nan ti yeejaleeb Yennu na, ŋɔɔe tee daanɔ nba donn u Toontunnɔ Yiisa ki turɔ u mɔŋ yabint. Yiisa maŋe ki i jiiu ki teenɔ ti yudamm nuu ni na, ki Pailat daan bikin a wun ŋaau, ki i bia yêtɔ Pailat boor na.

Hiibru teeb 7:26

Li paak, Yiisa-e tee ti manntɔyudaanɔ nba sommitit, taa loon biaŋinba. Ŋɔɔe tee popeendaanɔ, ki ki mɔk bisiati; u be u kɔɔe ki ki tee nan biitdamm na, ki Yennu donnɔ ki gar Yendɔuŋ ni teeb kur.

1 Piita 1:19

ŋaan u jii Yiisa Masia sɔn nba ŋan gar likirii nae; ki u tee nan maruŋ pegann nba ki mɔk biit koo dɔk u paak na.

1 Piita 2:22

U din ki tun biit gbaa; ki faak bia ki mi nyii u mɔb ni.

1 Piita 3:18

kimaan Masia din gaar timm biitdamm kur paak ki kpo yomkɔɔe; niŋanɔ maŋe din gaar biitdamm paak ki kpo, a wun te tin saan Yennu boor. Bi din kpiiu, ŋaan ki u bia fiir kuun ni, Yennu Seyeeŋ paŋ ni.