Barŋanii nba ki LUK din sɔb nae na 2:11 - Yennu Gbouŋ Mɔɔr

¹¹ Dinna nyiɔk na bi mar i Tinntɔɔ, wunba tee Yennu Niganntɔɔ Masia na. Bi marɔ Defid doo nie.

Yennu Gbounpaauŋ Mɔɔr

¹¹ Dinna nyiɔk na bi mar i Tinntɔɔ wunba tee Yennu Niganntɔɔ Masia, wunba tee ti Yomdaanɔ na; ki bi marɔ David doo ni.

Barŋanii nba ki LUK din sɔb nae na 2:11 Iomraidhean Croise

Pinpiik 3:15

N saa teen dataar fin nan poo na sinsuuk ni, ki a yaaboona nan u yaaboona sii tee datai. U yaaboonn saa mat a yur, ki a mun saa jun u yaaboonn taagbinn.”

Pinpiik 49:10

Juda-e saa dia doo dammir, ki u maaru sii yɔɔ dia tingbouŋ. Ki digbana sii jiantirɔ, ki gbaa u tɔɔnn nan mɔsaku.

Yaŋ 2:2

Bee ki niib lorin lora nba kaa nyɔɔti? Ki bi kpanbara nan bi yudamm lorin lorbiit ki jiin Yennu nan daanɔ nba ki u gannɔ na po,

Aisaya 9:6

Bi mar bik ki turita. Bi turit bonjaka. Ŋɔɔe sii tee ti diatɔɔ. Bi sii yiu, “Bakitnauŋ ŋmakit-tɔɔ,” nan “Yabint Yennu,” nan “Baa nba yɔɔ be,” nan “Parmaasir kpanbar.”

Matiu 1:16

Jakɔb din mar Joosef, ki Joosef mun tee Meeri sɔrɔ, ki Meeri mar Yiisa nba ki bi yiu Yennu Niganntɔɔ Masia na.

Matiu 1:21

U tan saa mar bonjake, ki a saa purɔ Yiisa, kimaan u tan saa nyinn u niib bi biit ni.”

Matiu 16:16

Ŋanne ki Simonn Piita yetɔ a “Fine tee Yennu nba fo na Bija Masia, wunba ki u gannɔ na.”

Matiu 16:20

Ŋanne ki Yiisa kpaan u poorpoweiteeb na nan ninmɔnn a bii mi ki bin bet sɔɔ nan ŋɔɔe tee Yennu Niganntɔɔ Masia na.

Barŋanii nba ki LUK din sɔb nae na 1:43

Bee ki li teenin nna ki n Yomdaanɔ naa tan baar n boori?

Barŋanii nba ki LUK din sɔb nae na 1:69

U turit Tinntɔɔ nba mɔk paŋ ki tee Yennu toontunnɔ Defid yaaboonn.

Barŋanii nba ki LUK din sɔb nae na 2:26

Yennu Seyeeŋ maŋ poŋ din fiit ki wannɔ a u kan kpo see ki u tan la Yennu Niganntɔɔ Masia, wunba ki u din senn mɔsonn a u saa tumɔ na.

Barŋanii nba ki LUK din sɔb nae na 2:4

ki Joosef mun din nyii Nasaref nba be Galilii yent ni na, ki saan Judea yent ni, ki kun kpanbar Defid doo Betlehem, kimaan u din tee Defid yaaboonne.

Jɔɔnn 1:41

Waa din nyii Yiisa boor na poorpoe, ki u saan yiama ki saa lon u yɔɔrɔ Simonn maŋ boor, ki betɔ a, “Ti la Masia nawa,” (ki Masia paak tee Yennu Niganntɔɔ,)

Jɔɔnn 1:45

Ki Filip mun saan ki saa lon Natanael boor ki betɔ a, “Ti la wunba ki Moses din sɔb u po Yennu sennu gbouŋ ni, ki sɔkiniinba bia din sɔb u po, ki pak a u saa baar na. Ŋɔɔe tee Yiisa, wunba tee Joosef bija, ki nyii Nasaref na.”

Jɔɔnn 11:27

Ki u jiin a, “N Yomdaanɔ, nn, n teen yada nan fine tee Yennu Niganntɔɔ Masia, ki bia tee ŋɔɔ Yennu Bija, wunba ki ti tuu daan u baaru na.”

Jɔɔnn 20:31

Linba sɔb ki be gbouŋ na ni, bi sɔb a yin teen yada nan Yiisa-e tee Yennu Niganntɔɔ Masia, ki bia tee Yennu Bija. Li-i tee ki i teenɔ yada, u paake ki i saa la manfoor nba kaa gbennu.

Jɔɔnn 4:25

Ki poo na yetɔ a, “N mi nan Masia nba ki bi yiu Yennu niganntɔɔ na tan saa baara. U-u taŋi baar yoo nba, u saa betit barii kura.”

Jɔɔnn 4:42

Li yoo na ki bi ji bet poo na a, “Taa teenɔ yada mɔtana na, li ki tee faa betit u po na kuukɔɔ kaa, ŋaan taa gbat u mɔŋ mɔb ni na paak ki ti teenɔ yada, ki bann nan ŋɔɔe set tee tingbouŋ na Tinntɔɔ.”

Jɔɔnn 6:69

Ki mɔtana ti teena yadawa ki mi nan fine tee Yennu popeendaanɔ.”

Jɔɔnn 7:41

ki siab yaa, “U tee Yennu Niganntɔɔ Masia-e,” ki leeb mun yaa, “Yennu Niganntɔɔ Masia na kan nyi Galilii.

Toona 10:36

I mi nan Yennu din tur Israel teeb u maan nba want barŋanii na po, a Yiisa Masia nie ki timm nan Yennu maŋ nan leeb; ŋɔɔ Yiisa Masia-e tee ti kur Yomdaanɔ.

Toona 13:23

“Jɔɔ na yaaboona nie ki Yennu nyinn ti Tinntɔɔ Yiisa, a wun tinn Israel teeb, nan waa din senn mɔsonn biaŋinba na.

Toona 17:3

ki want binba be leŋ na, ki karin Yennu gbouŋ ni, a li wann nan li kpaa talase ki Yennu Niganntɔɔ Masia na dii biak ki kpo ki bia tan fiir kuun ni, a “Yiisa maŋ nae ki n piaki u po, ŋɔɔe tee Yennu Niganntɔɔ Masia maŋ.”

Toona 2:36

Ki Piita bia yet a, “Li ŋan ki yimm Israel teeb kur n bann nan Yiisa nba ki i daan te ki bi kpaau dapunpunn paak na, ŋɔɔe ki Yennu wann nan u tee u Niganntɔɔ Masia, ki bia tee ti Yomdaanɔ.”

Toona 5:31

ki jii donnɔ ki kaanɔ u niidiitu po, ki teenɔ Yudaanɔ nan Tinntɔɔ, a Israel teeb n nyik biit tumu, ki wun nyik bi biit ki chabib.

1 Korint teeb 15:47

Sinsinn nirɔ na din nyii tant nie, ki nirɔ nba wei na nyii Yendɔuŋ ni.

Filipi teeb 2:11

ki sɔɔ kura tan saa yet a ŋɔɔ Yiisa Masia-e tee Yomdaanɔ, ki lin dont ti Baa Yennu sann.

Filipi teeb 3:8

Li ki tee li kuukɔɔ kaa ki mɔk nyɔɔt turimi; min yiin bonsiar kura linba kaa nyɔɔte; kimaan maa bann n Yomdaanɔ Yiisa Masia, ki li bannu nyɔɔt yab bonchiann na paak, kimaan u paake ki n fok bonsiar kur ki lu; min yi li kur tanpenn paak mɔɔte, maa n tan la Masia nan n ninbinn,

Kolosa teeb 2:6

Biaŋinba ki i din gaar Yiisa Masia a wuu tee i Yomdaanɔ na, ii be u ni nna man,

1 Jɔɔnn 4:14

Linba pukin biak, ti din laat u Bija, ki mɔtana ti mɔɔntir nan u Baa Yennu-e sikinɔ tingbouŋ na ni, a wuu tee tingbouŋ na ŋaateeb Tinntɔɔ.

1 Jɔɔnn 5:1

Binba kur teen yada nan Yiisa tee Yennu Niganntɔɔ Masia na, li yabe tee Yennu waas. Ki daanɔ nba loon nirɔ, u bia sii loon nirɔ maŋ waase.