Barŋanii nba ki LUK din sɔb nae na 12:4 - Yennu Gbouŋ Mɔɔr

⁴ “N yɔɔsnba, gbiintir, i daa tiin niib jaŋmaanii man, kimaan bi saa fit kpi i gbanant kuukɔɔe; ŋaan i kuun poorpo bi ji kan fit teeni siari.

Yennu Gbounpaauŋ Mɔɔr

⁴ “N yɔɔsinba, gbiintir man, i daa tiin niib jaŋmaanii man, kimaan bi sa fit kpi i gbanant kuukɔɔe; ŋaan kpinu poorpo bi ji kan fit teeni siari.

Barŋanii nba ki LUK din sɔb nae na 12:4 Iomraidhean Croise

Barjokit 29:25

Li tee daŋe ki tura, li-i tee ki a fiin linba ki a leeb yeen ki jiin a po, ŋaan fi-i teen Yennu yada, see ki a la nyannu.

Yankpaŋii 5:1

N pooloŋir, n pooyookir, n kɔɔ n kpaab niwa. N pɔ n baarii nan bonnunubit nba tee mir nae; n di siat nan sagbente; n nyu tilɔɔna daame nan naabiin. N yɔɔsnba, ii di kii biaki nyu man nan yaa tan saa gboo.

Yankpaŋii 5:16

Ki u mɔgbana na mɔɔtu man; ki u gbanant kur po ŋan. Jerusalem poob, n yɔɔk nba naan biaŋinbae na.

Aisaya 41:8

“Ŋaan yimm Israel teebe tee n toontunna, ki tee niib nba ki n gann, kii tee n yɔɔk Abraham yaaboona.

Jeremaya 1:17

Jeremaya, teent siir. A saan wannib linba kur ki n paka. A daa tiimm jaŋmaanii mɔtana, nna-i kaa, n saa te ki fan tinib jaŋmaanii bonchiann, yoo nba ki a be namm na.

Jeremaya 1:8

A daa tiimm jaŋmaanii, kimaan n sii be nana ki guua. Min Yabint Yennu-e pak na.”

Esekiel 2:6

“Fin Nisaarik, a daa tiin mɔyêtdamm maŋ jaŋmaanii, koo mɔmaan nba ki bi saa paki. Bi saa pak ki biira, ki bia sarikita, ki li sii tee nan a be nanii sinsuuk ni nae, ŋaan a daa tiin mɔyêtdamm maŋ jaŋmaanii, koo baa yeen linba kuri.

Matiu 10:28

I daa tiin binba saa fit kpi i gbanant, ŋaan kan fit kpi i sei; ii tiin man Yennu, wunba saa fit biir i gbanant nan i sei kura muu ni na.

Jɔɔnn 15:13

Lonjaansiar kaa ki gar nirɔ n sak gaar u yɔɔsnba paak ki kpo.

Toona 20:24

Ŋaan n ki jii n manfoor ki li tee siari, kimaan min ŋarin loon ki n tun toona nba ki ti Yomdaanɔ Yiisa turin nae ki gbenn, ki li toona tee mii mɔɔntir barŋanii nba want Yennu ninbatinu na poe.

Toona 4:13

Tɔɔndamm tituk maŋ nba din la Piita nan Jɔɔnn parcheenn nba ki bi mɔk na, ki bia bann nan bi tee damm nba ki mi gbouŋ bonŋann na, li din yaar litibe, ki bi ji bann nan bi tuu tee Yiisa weinanleebe.

Filipi teeb 1:28

I daa tiin i datai mani; ii mɔk parcheenn ki lin wannib nan ŋamme tan saa baa ŋaan ki yin do, kimaan Yennu-e teeni li nyannu.

Jeems 2:23

Ki Yennu mɔmaan nba sɔb u gbouŋ ni nae tan teen mamɔmm. Li sɔb a, “Abraham din teen Yennu yadae, ki u yada maŋ paak ki Yennu jiiu ki u tee niŋanɔ u tɔɔnn.” Li paak ki bi yiu Yennu yɔɔk.

1 Piita 3:14

Li-i lekii tee ki i la tubdatu i toonŋana paak, parpeenn sii tee i yare; i daa tiin nisaarik, ki bia daa te ki li daamiini.

Fiitu 2:10

I daa tiin jaŋmaanii nan biak nba baat i paak na. Gotir man, Sintaanii saa te bin soor i siab ki kɔɔmm dansarik ki bikimm, i bia tan saa di biak ki saa dian daa piik; ŋaan ii teenin yada mɔkmɔk nan i kuun, ki n tan saa pi-i piinii nba tee manfoor.