Barŋanii nba ki LUK din sɔb nae na 11:9 - Yennu Gbouŋ Mɔɔr

⁹ “Li paak, n beerie, miat Yennu man, ki u saa turi; lomin man, ki i saa lawa; kpaan gann man, ki u saa loot ki turi;

Yennu Gbounpaauŋ Mɔɔr

⁹ “Li paak, n bia beeri, miat Yennu man, ki u sa turi; lomin man, ki i sa lawa; kpaan gann man, ki u sa loot ki turi;

Barŋanii nba ki LUK din sɔb nae na 11:9 Iomraidhean Croise

Yaŋ 118:5

N daamii nie ki n yiin Yennu, ki u turin gatu, ki nyinnin daamii maŋ ni.

Yaŋ 27:4

N boi Yennu bonyenn kɔɔ poe, bonyenn kɔɔe ki n loon: N loon mii be Yennu ŋasaakake n manfoor ni kur, kii bari Yennu ŋant nba tee, ŋaan boi u sommir po.

Yaŋ 27:8

Yoo nba ki a yet a, “Baat ki tan jiantin” na, ki n jiin a, “Yennu, n baate.”

Yaŋ 34:10

Yanbɔra saa fit kɔŋ jeet, ki kon n soorib, ŋaan binba saak Yennu maan ki kɔŋit bonŋana.

Yaŋ 34:4

N miar Yennu, ki u gat ki turin, ki fat nyinnin jaŋmaanii kur ni.

Yaŋ 50:15

Ii tuu yiin min Yennu yoo nba ki i la daamii, ki n saa fati, ki i sii baakitin.”

Yankpaŋii 5:6

Ki n loot gann na ki tur n yɔɔk, ŋaan sɔɔ ki u dɔŋ yaata. Ki n lek loon man gbat u kunkɔr. Ki n lin lomɔ, ŋaan ki ki lau. Ki n yiu, ŋaan ki ki gbat ki u toon.

Aisaya 45:19

N ki bɔr pak kaa, koo n ki bɔr n lora. N ki yet a Israel teeb n lomin yann boori. N tee Yennu-e ki piak barmɔnii, ki fiitir linba took ki want.”

Jeremaya 29:12

Ki i saa yiinin. I saa baar ki miarin, ki n saa turi gatu.

Jeremaya 33:3

“Yiintin, ki n saa toon; n saa paka bakitnauŋ nan yaarlituk bona nba ki a ki mi siar jiin li po.

Daniel 9:3

Ŋanne ki n ŋmant n Yomdaanɔ Yennu paak, ki miarɔ, ki fabin nanɔ, ki lor mɔb ki lia bɔtoouk liant, ki kar tanpent ni.

Matiu 21:22

Linba kur ki i saa miar Yennu li po, li-i tee ki i teen yada a i saa la, i set saa lawa.”

Matiu 21:31

Yiisa nba din yimm barjouk maŋ ki gbenn na, ki u ji boi niib na a “Waas banlee na ni, ŋmee tun u baa loommu?” Ki bi jiin a “Saakɔɔ po na.” Ki Yiisa betib a “Barmɔniie ki n beeri na, lampogaarteeb nan bonchonchona tan saa dɔŋi Yennu naan ni kɔɔnuwa,

Matiu 6:29

ŋaan n beerie, Kpanbar Solomonn nba lek din mɔk taŋant biaŋinba, ŋaan u din ki mi lia liant ki li fan nan mɔɔt puuk na gbaa.

Barŋanii nba ki MAK din sɔb nae na 11:24

Li paake ki n beeri, li-i tee ki i mei Yennu ki boiɔ siar po, yii mɔk yada i para ni nan i poŋ gaar bont maŋa, ki i set saa lawa.

Barŋanii nba ki MAK din sɔb nae na 13:37

Li paak, maa yeeni linba na, ŋanne ki n yeen sɔɔ kur, ii guu man.”

Barŋanii nba ki LUK din sɔb nae na 11:10

kimaan wunba kur mei Yennu, u gaane; ki wunba mun loon, u laate; ki wunba kpaan gann, bi lootir teenɔ.

Jɔɔnn 14:13

Ki linba kur ki i sii mei n sann ni, n saa tuma, ki ŋɔɔ Yennu n la dontir n paak.

Jɔɔnn 15:16

Yimm kaa gannimi, ŋaan mine ganni, ki turi toona maa yii saa kii loon lɔɔna bonchiann, lɔɔna nba sii be mɔkmɔk nan mɔkmɔk, a n Baa Yennu n turi linba kur ki i miarɔ n sann ni.

Jɔɔnn 15:7

Ki bia jenna, li-i tee ki i yɔɔ gaa n paak, ki n maan na be i ni, miat Yennu linba kur ki i loon, ki i saa lawa.

Jɔɔnn 4:10

Ki Yiisa jiinɔ a, “Li-i tee ki a bo mi bakitnauŋ piinii nba ki Yennu loon wun pia na, ki bia mi maa tee wunba ki meia nyun na, a bo saa boin a n tura manfoor nyun, ki n set bo saa turawa.”

Rom Teeb 2:7

Nisiab mɔk mintir ki tuun toonŋana ki loon Yennu n pakib ki turib nyɔɔt nan manfoor, ŋamme set saa la manfoor nba ki mɔk gbennu.

2 Korint teeb 6:2

Kimaan Yennu yet a: “Yoo nba din tan jaŋ na, n din gbiint i miaruwa. Ki yoo nba din tan jaŋ nan ki n tinni na, n din tinniwa.” Gbiintir man, dinnae tee daar nba jaŋ. Dinnae ki yaak be ki niib saa la tinnu maŋ.

Hiibru teeb 11:6

Nirɔ-i kii teen Yennu yada, li yɔɔ kan fit penn ŋɔɔ Yennu pari, kimaan wunba kur baat Yennu boor, li kpaa talas ki li yɔɔ n teen yada nan Yennu set be, ki teen binba loonɔ na nyɔɔt.

Hiibru teeb 4:16

Li paak, ŋaant man ki tii mɔk parcheenn ki baar Yennu nba tee burchindaanɔ na naangbouŋ boor, ki la ninbatinu nan sommir ki lin sommit yoo nba ki ti loonir.

Jeems 1:5

Li-i tee ki i sɔɔ pɔt yan, wun miar Yennu nba pi sɔɔ kur piinii nan burchint, ki ki dint sɔɔ fei na, ki u saa turɔwa.

Jeems 5:15

Bi-i miar nan yada, u saa la laafiawa, ti Yomdaanɔe saa te ki wun la laafia; ki li-i tee ki u tun toonbiitie, Yennu saa nyik u biit maŋ ki chabɔ.

1 Jɔɔnn 3:22

Ki jenna, ti-i dia u sennii ki tuun linba pent u pari, ŋanne saa te ki u teent linba ki ti meiɔ.

Fiitu 2:24

“Yimm nba biar Tiataira ki ki waa poo maŋ wannbiiuk, ki bia ki waa linba ki siab yir Sintaanii woonin ni labaar na, n yeen yimme a n kan jinni jik-kpiata.