Barŋanii nba ki LUK din sɔb nae na 11:4 - Yennu Gbouŋ Mɔɔr

⁴ Nyikin chab ti biit nan taa mun nyikit ki chabit binba tuumit biit biaŋinba na. A daa te ki ti kɔɔ jinjammii ni.”

Yennu Gbounpaauŋ Mɔɔr

⁴ Nyikin chab ti biit kaman nan ta mun nyikit ki chabit binba tuumit biit na. A daa te ki ti kɔɔ jinjammii ni.”

Barŋanii nba ki LUK din sɔb nae na 11:4 Iomraidhean Croise

Pinpiik 48:16

Malaka nba nyinnin ninbɔŋ kur ni, teent piisin waas na paak, ki ŋaan n sann nan n baanba Abraham nan Aisak sana-ii be waas na paak, ki ŋaan bii mɔk waas nan yaaboona bonchiann.”

1 Kpanbara 8:34

faa be yendɔuŋ ni na, a gbat bi miaru maŋ. Nyikin chab a niib ki jen namm tiŋ nba ki a din jii ki tur bi yeejamm na ni.

1 Kpanbara 8:36

faa be yendɔuŋ ni na, a gbiint bi miaru, ki nyik chab bi kpanbar yanbɔmm nan ŋamm Israel teeb yanbɔmm, ki wannib ki bii tuun linba ŋan. Li poor po ki fin Yennu n te ki saak n baa a tingbouŋ na paak, tingbouŋ nba ki a tur a niib ki li yɔɔ tee bi faar na.

Yaŋ 121:7

Yennu saa nyinna ninbɔŋ kura ni; u saa dia-a nan laafia.

Yaŋ 25:11

Yennu, nyikin chab n yanbɔmm nba yab na, kimaan a ŋant paak.

Yaŋ 25:18

Gotir n ninbaatir nan daamii nba tee, ki nyik chab n yanbɔmm.

Daniel 9:19

Yennu, gbiintir. Yennu, nyikin chabit. Yennu, ii gbiin, ki tun siar. A daa taantir, ki lin te sɔɔ kur n bann nan fine tee Yennu. Doo na nan niib na tee a yabe.”

Hosea 14:2

Jenin ki baar Yennu boor, ki ŋaan i Yenmiaru na-ii tee Yenpiinii ki i teenɔ a, “Nyikin chabit ti yanbɔmm kur, ŋaan gaar ti miaru na, ki tin paka nan taa senn mɔsonn biaŋinba na.

Matiu 18:35

Barjouk na poorpo ki Yiisa ji yet a “Li-i tee ki i ki nyikit chabit i leeb nan i para kuri, nnae ki n Baa Yennu nba be sanpaapo na saa teen i mun.”

Matiu 26:41

Ii nyɔi man ŋaan kii mei Yennu, ki i tan daa kɔɔ jinjammii ni, kimaan i sei ŋarin loon lin tun linba ŋan, ŋaan ki i gbanant kaa paŋi.”

Barŋanii nba ki LUK din sɔb nae na 11:5

Li yoo maŋ ki Yiisa bia betib a “Li-i tee ki saamɔ baar a ŋaak ni nyiɔk, ki a ki mɔk jeet ki saa turɔ, ŋaan ki a mun mɔk a yɔɔk ki saan u ŋaak ni tansuunii na, ki betɔ a wun kpenta boroboro kuna ŋantaa, a ki saamɔ baar a ŋaak ni; a yɔɔk sii be u diiuk ni ŋaan beta a ‘Daa mukisimi; n poŋ kpar ganna; min nan n waas bia dɔɔra; n kan fit fiir turani.’

Barŋanii nba ki LUK din sɔb nae na 13:4

Dɔnfoouk nba din be Siiloam ki tan baa ki nyak niib piik nan banniin ki kpiib na, i dukii a niib maŋ din jia mantik tee biitdamm ki gar leeb nba kur be Jerusalem nae-e?

Barŋanii nba ki LUK din sɔb nae na 22:46

Ki u boib a “Bee teen ki i gɔɔnti? Fiit kii mei Yennu man ki i tan daa kɔɔ jinjammii ni.”

Barŋanii nba ki LUK din sɔb nae na 8:13

Ki linba mun baa tanpuut paak na naan binba gbat n maan nan parpeenn, ŋaan ki li daa ki sik bi para ni fanu, ki bi tuu teenin yada yoo waaminna, ŋaan yoo nba ki jinjammii baarib, bi tuu yêt n weiue.

Jɔɔnn 17:15

N ki meia maa a nyinnib tingbouŋ na ni kaa, ŋaan n meia maa fii baak bi paake fanu, ki bonbiiuk daanɔ Sintaanii daa baat ki biiribi.

1 Korint teeb 10:13

Bikinu nba kur baari, li tee linba yɔɔ baat niibe; ŋaan Yennu tee barmɔnii daanɔ ki kan te ki bikinu n baari ki gar i paŋ teriki; ŋaan yoo nba ki bikinu baari, u saa turi paŋ nba ki i saa nyannir ki nyi leŋ.

Kolosa teeb 3:13

kii di sukuru nan leeb; ki sɔɔ-i mɔk bunburimii nan u lɔɔ, wun nyik chabɔ. Li kpaa talas ki yin mun nyik chab leeb nan ti Yomdaanɔ nba poŋ nyik chabi biaŋinba na.

2 Tesalonika teeb 3:3

Ŋaan ti Yomdaanɔ tee barmɔnii daanɔe, ki saa turi paŋ, kii guui, ki biitdaanɔ Sintaanii kan fit teeni siari.

2 Timoti 4:18

Ŋɔɔe bia saa nyinnin bonbiir kur ni, ki kɔɔnin u naan nba be sanpaapo na ni nan laafia. Ŋɔɔe yen dontir mɔkmɔk nan mɔkmɔk. Mamɔmm.

Jeems 2:13

Binba ki tin bi leeb ninbaauk, Yennu saa bu bi buut ki kan tinib ninbaauku; ŋaan ninbatinue nyant tubdatu.

Fiitu 2:10

I daa tiin jaŋmaanii nan biak nba baat i paak na. Gotir man, Sintaanii saa te bin soor i siab ki kɔɔmm dansarik ki bikimm, i bia tan saa di biak ki saa dian daa piik; ŋaan ii teenin yada mɔkmɔk nan i kuun, ki n tan saa pi-i piinii nba tee manfoor.

Fiitu 3:10

Kimaan yaa sak n maan ki mɔk mintir na paak, n saa dia-i bonŋann ki i tan kan kɔɔ bonbiir nba baat durinya na kur paak a lin bikin tingbouŋ na niib na ni.