Barŋanii nba ki LUK din sɔb nae na 1:13 - Yennu Gbouŋ Mɔɔr

¹³ Ki malaka maŋ betɔ a, “Sekaria, daa tiin jaŋmaanii. Yennu poŋ gbat a miaruwa, ki a ŋaapoo Elisabef tan saa mar bonjak ki tura, ki a saa pur u sann Jɔɔnn.

Yennu Gbounpaauŋ Mɔɔr

¹³ Ŋaan ki malaka maŋ betɔ a “Sekaria, daa tiin jaŋmaanii. Yennu poŋ dɔŋ gbat a miaruwa, ki a ŋaapoo Elisabet tan sa mar bonjabik ki tura, ki a tan sa pur u sann Jɔɔnn.

Barŋanii nba ki LUK din sɔb nae na 1:13 Iomraidhean Croise

Pinpiik 17:10

Fin nan a yaaboona kur n sak kii porii i bonjai puna.

Pinpiik 17:19

Ki Yennu jiin a, “Aaii. A ŋaapoo Sara saa mar bonjak, ki a saa pur u sann Aisak. N mɔlor sii tun be ŋɔɔ nan u yaaboona kur sinsuuk ni. Li mɔlor sii tun bee yoo kur.

Pinpiik 18:14

Siar be ki min Yennu kan fiti-i? Nan maa kpan pak biaŋinba na, binn po, nna yoo, n saa jen, ki Sara sii mɔk bonjak.”

Pinpiik 25:21

Rebeka din ki mari. Li paak ki Aisak miar Yennu u paak. Yennu din gbat u miaru na, ki Rebeka soor poor.

Yaŋ 113:9

U te ki pookanmatir mar waase, ki be u ŋaak ni ki mɔk parpeenn. Pakin Yennu man.

Yaŋ 118:21

Yennu, n saa pak donta, kimaan a gbia n fabinii, kimaan a turin nyannuwa.

Aisaya 8:3

Li poor po, ki n ŋaapoo soor poor. Waa mar ti bija maŋ yoo nba, ki Yennu yetin a, “Purimɔ ‘Lekin Yian, Kakitir Fat.’

Daniel 10:12

Ki u ŋamm yet a, “Daniel, a daa tiin jaŋmaanii. Yennu gbat a miaru, daar nba ni ki a dukin ki sikin a mɔŋ ŋɔɔ Yennu boor a fan fit la yanfoon naewa. N baar a miaru maŋ poe.

Hosea 1:4

Ki Yennu yet Hosea a, “Purin bik na sann Jesreel, kimaan li kan yukiri nan maa saa dat Israel kpanbar tubir, u yeeja Jehu nba kpii niib Jesreel na paak. N yaa man pot Jehu maaru naame,

Hosea 1:6

Ki Gomer ŋamm soor poor, ki mar bonpook, ki Yennu yet Hosea a, “Purin u sann Lo-Ruhama, kimaan n ji kan ban wann Israel teeb n lommi, koo ki nyik chabibi.”

Matiu 1:21

U tan saa mar bonjake, ki a saa purɔ Yiisa, kimaan u tan saa nyinn u niib bi biit ni.”

Matiu 14:27

Li taakpaak ni ki u betib a “Cheen i para man, li tee mine; i daa tiin jaŋmaanii.”

Matiu 28:5

Ki malaka na bet poob maŋ a “Yimm daa tiin jaŋmaanii. N mi nan i loon Yiisa nba ki bi daan kpaau dapunpunn paak nae.

Barŋanii nba ki MAK din sɔb nae na 16:6

Ki naasimɔ maŋ yetib a “I daa jee siar mani. N mi nan i loon Nasaref nirɔ Yiisa nba ki bi kpiiu dapunpunn paak nae. U kaa nna; u fiir kuun niwa. Gotir man, baa daan birɔ siaminbae na.

Barŋanii nba ki LUK din sɔb nae na 1:14

Ki li tan saa maŋa ki a par n penn, ki niib bonchiann para mun tan saa penn u maaru maŋ paak.

Barŋanii nba ki LUK din sɔb nae na 1:30

Ki malaka na bia betɔ a, “Meeri, daa tiin jaŋmaanii, kimaan Yennu par mei a paak.

Barŋanii nba ki LUK din sɔb nae na 2:21

U maaru daa ŋanniin nie ki bi din pot u punn ki pur u sann Yiisa, sann nba ki malaka din pur ŋaan ki u poor daa ki soor na.

Toona 10:31

ki yet a ‘Kɔnelius, Yennu gbat a miaruwa, ki bia tian a ninkpabauŋ toona po.

Barbuura 6:23

Ki Yennu betɔ a, “Parmaasir be. A daa tiin jaŋmaanii. A kan kpo.”

1 Samuel 2:21

Yennu set din teen piisin Hana paak, ki u mar bonjai bantaa nan bonpoi banlee ki pukin, ki bonjabik Samuel kpaatir nan Yennu toona.