Joosua 2:2 - Yennu Gbouŋ Mɔɔr

² Ki Jeriko bat gbat nan Israel tesiab kɔɔ doo na ni nyiɔk, a bin fiit tiŋ na.

Joosua 2:2 Iomraidhean Croise

Yaŋ 127:1

Yennu-i kii maa ŋaak, tanmaara na bakint tee yanne; Yennu-i kii guur doo, niib nba guu na, bi guuru kaa nyɔɔt.

Barjokit 21:30

Nisaarik yanfoon nan bannu nan ninyentir kur, ŋaan li kan fit sommɔ, li-i tee ki Yennu ki taa u po.

Aisaya 43:13

Mine tee Yennu, ki bia sii yɔɔ tee. Sɔɔ kaa ki saa fit nyi n yiikoo ni, sɔɔ bia kaa ki saa fit lebit maa tuun linba.”

Daniel 4:35

U gorii nisaarii tingbouŋ na paak, ki bi ki tee siar u boor; li malakanba nba be Yendɔuŋ ni, nan niib nba be tingbouŋ na ni, bi kur gur u lɔŋ nie. Sɔɔ kaa ki saa fit gɔɔr Yennu waa loon wun tun linba, koo ki bia yetɔ a bee ki u tun linba na.

Joosua 2:1

Tɔn, ki Joosua tun dobii teeb banlee, ki bi nyii Akasia kaaŋ ni, a bin saan fiit Keenann tiŋ, mantik Jeriko doo. Baa baar doo na ni yoo nba, ki bi saan kɔɔ poo jantonn nba ki bi yiu Rahab na ŋaak ni.

Joosua 2:3

Ŋanne ki u tun toomii Rahab boor ki yetɔ a, “Jab nba be a ŋaak ni na baar a bin fiit tiŋ na kure. Jiimm ki baar namm.”

Barbuura 18:2

Dann teeb na din gann pardamm banŋmu, ki bi nyii naakuuk kur nba be Dann booru ni, ki tumm ki bi nyii Sora nan Estaol doi ni, a bin fiitir tiŋ na ki got. Ki bi saan ki saa baar kunkona tiŋ nba tee Efraim yent na, ki kɔɔ Maika ŋaak ni.