Joosua 12:2 - Yennu Gbouŋ Mɔɔr

² Yenɔe tee Amor teeb bat Sihonn, wunba din kar Hesbonn doo ni na. Gilead bɔkyenn din pukin u yent ni, laa nyii Aroer, Arnonn mɔkir baauk mɔgbann, nan doo nba be baauk na sinsuuk ni na, ki saan tuu Jabok mɔkir nba tee Amonn teeb tiŋ kpaar paak;

Joosua 12:2 Iomraidhean Croise

Pinpiik 32:22

Li daar nyiɔk, ki Jakɔb jii u ŋaapoob banlee na, nan u poobis banlee na, nan u waas piik nan yenɔ na, ki poomm Jabok mɔkir.

1 Barkperii 5:8

nan Bela, ki u tee Asas bija, ki Asas tee Sema bija, ki Sema tee Joel bija. Booru na din kar Aroer nan yent nba be li gaŋ po, ki saan tuu Nebo nan Baal Meonn na.

Nehemaya 9:22

“A te ki bi nyann digbana nan naan yent, nan tinii nba ter namm. Bi din kɔn nyann Hesbonn tiŋ nba ki Sihonn din dia na, nan Basann tiŋ nba ki Og din tee leŋ bat na.

Yaŋ 135:11

Amor teeb bat Sihonn, nan Basann teeb bat Og, nan Keenann batnba kur.

Jeremaya 48:19

Yimm nba be Aroer na, ii see sɔnkpiŋ kii guu, ki boi binba tiin yaatir na, ki laan bee teeni.

Sennu 1:4

Waa din kɔn ki nyann bat Sihonn, wunba tee Amor teeb bat, ki din kɔɔ Hesbonn doo ni na, nan bat Og, wunba tee Basann bat ki kɔɔ Astarof, Edrei tingbouŋ ni na poor poe, ki Moses pak mɔmaan maŋ.

Barbuura 11:13

Ki Amonn bat na jiin Jefta toomii na a, “Yoo nba ki Israel teeb din nyii Ijipt, bi din gaar n tiŋ, ki li nyii Arnonn mɔkir ki saan tuu Jabok mɔkir. Jiint ki turin soon nna.”

Barbuura 11:22

ki yent Amor tiŋ kur, laa nyii Arnonn mɔkir niigaŋ po ki saan tuu Jabok mɔkir, niidiitu po, ki bia nyii kunkoouk, yondo po, ki saan tuu Jɔɔdann mɔkir, yonbaa po.