Joosua 10:13 - Yennu Gbouŋ Mɔɔr

¹³ Ki yonnu biar set, ki ŋmaarik mun ji ki chat, ki tan tuu yoo nba ki Israel teeb na nyann bi datai, nan laa sɔb Jasar gbouŋ ni. Ki yonnu set yonsuuk ni boyennkɔɔ boor, ki ki nyat damunn,

Joosua 10:13 Iomraidhean Croise

2 Samuel 1:18

ki senn nan bin tumii Juda teeb, (ki yaŋ maŋ sɔb Jasar gbouŋ ni) a:

2 Kpanbara 20:10

Ki Hesekia jiin a, “Li ki paar nan taaŋmaata yunyuŋ n saan tɔɔnn piiki, ŋaant lin ŋmat poor piik.”

Estaa 8:13

Li din tee sennue nan bin mɔɔnt, ki sɔɔ kur n gbat sennu maŋ yent kur po, ki lin te Juu teeb na n teen siir ki kɔn nan bi datai, daar maŋ ni.

JOB labaar 9:7

U saa fit gɔɔr yonnu ki u kan do, ki bia gɔɔr ŋmaabira ki bi kan yent nyiɔk.

Yaŋ 148:3

Yonnu nan ŋmaarik n pak ki dontɔ, pakimɔ man, yimm nba tee ŋmaabirnyinyira na.

Yaŋ 19:4

ŋaan ki mɔmaan nyi ki saa durinya kur po, ki sɔɔ kur gbia tingbouŋ na kur po. Yennu ŋamm binbeboor sanpagbouŋ ni ki tur yonnu;

Aisaya 24:23

Ŋmaarik nan yonnu saa di fei, kimaan Yabint Yennu-e sii tee kpanbar. U sii kar Jerusalem doo ni, Sayɔnn kunkonn paak, ki dia doo maŋ, ki niib na tɔɔndamm saa la u yentsaakar na.”

Aisaya 38:8

Taaŋmaata nba ki kpanbar Ahas din maa na, Yennu saa te ki li taaŋmaata yunyuŋ n ŋmat poor, taar piik.” Ki taaŋmaata na yunyuŋ ŋmat poor taar piik.

Joel 2:10

Baa baar yoo nba, ki tiŋ jek, ki sanpagbouŋ waa gbar gbar, ki yonnu nan ŋmaarik bɔnn, ki ŋmaabira ji ki nyiiri.

Joel 2:31

Yonnu tan saa kpint ki bɔnn, ki ŋmaarik mun saa kpint ki mɔnn nan sɔn na; li tan saa teen nnaewa ki min Yennu dajaann nba tee biiru daar na n fit baar.

Joel 3:15

Ki yonnu nan ŋmaarik saa bɔnn, ki ŋmaabira na ji kan yent.

Habakuk 3:11

Ki a peenii nba saa yian yian ki nyirii, nan a kpann nba nyirii na te ŋmaarik nan yonnu tuu biar set.

Nikant 21:14

Li paake teen Yennu tɔbii gbouŋ na piak li po ki yaa, “Waheb doo be Sufa yent ni nan li baat, nan Arnonn mɔkir,

Nikant 31:2

“Datir Midiann teeb tuba nan baa tun linba ki tur Israel teeb na paak. Bi tubdatu maŋ poorpo, ki a saa kpo.”

Matiu 24:29

“Biak na poorpo ki yonnu tan saa bɔnn, ki ŋmaarik ji kan yenti; ki ŋmaabira tan saa nyi sanpaapo ki baa, ki linba kur be sanpaapo tan saa damm ki ŋmat ŋmat.

Matiu 5:45

Ŋanne saa te ki i set tee i Baa Yennu nba be sanpaapo na waas, kimaan ŋɔɔe te ki yonnu do nibiit nan niŋamm paak, ki bia te saak baa nibiit nan niŋamm doi ni.

Barŋanii nba ki LUK din sɔb nae na 18:7

Waa yaa u saa turɔ mɔnii na, ki Yennu nigannkab nba meiɔ yonnu nan nyiɔk na, ŋɔɔ Yennu kan bu ki turibi-i? U saa taantira-a?

Toona 2:20

Yonnu tan saa kpint ki bɔnn, ki ŋmaarik mun saa kpint ki mɔnn nan sɔn na; li tan saa teen nnaewa ki min Yennu dajaann nba tee biiru daar na n fit baar.

Joosua 10:11

Ki Israel teeb kunkɔnkɔnna nba waa Amor teeb, ki bi tiin siik na, ki Yennu te sakaangbeŋa baa ki jaat Amor teeb maŋ nan baa saa baar Aseka. Sakaana na din kpii Amor teeb na ki gar Israel teeb kunkɔnkɔnna nba kpiib biaŋinbawa.

Joosua 10:14

Li din ki ban tun nna durinya pinpiik niwa, ki bia ki ban tun nna li poor po, ki Yennu gbiint nisaarik mɔb nna. Yennu din kɔn ki taan Israel teeb poe.

Fiitu 21:23

Ki doo maŋ ki loon ŋmaarik koo yonnu yentu, kimaan yabint Yennu baakchiɔŋ nae tee li yentu, ki Pegann na mun tee li fitir.

Fiitu 6:10

ki yikin sanpaapo ki yeen a, “Ti Yomdaanɔ Yennu, fin nba tee popeendaanɔ ki bia tee barmɔnii daanɔ, li saa yukir nleewa ki a tan bu tingbouŋ na niib buut ki dat bi tuba, baa kpiit na paaki?”

Fiitu 6:12

Ki n la Pegann na tabit yiit nba pukin ŋanloob na; ki tiŋ jek bonchiann, ki yonnu bɔnn chimm, ki ŋmaarik mun mɔnn nan sɔn na.

Fiitu 8:12

Malaka nba pukin banna na nba pebir u naatunn na, ki yonnu nan ŋmaarik nan ŋmaabira bɔkitu muntaa ni yenn bɔnn. Ki yonnu nan ŋmaarik nan ŋmaabira yentu na bɔkitu muntaa ni yenn bɔnn. Ki yentu nba tuu yeen yonnu ni na bɔkitu muntaa ni yenn ji ki yeeni, ki ŋmaarik nan ŋmaabira na mun ji ki yeeni, ki nyiɔk bɔnnu mun bɔkit li biaŋ ki bɔnn nna.

Barbuura 16:28

Tɔn, ki Samsonn miar Yennu a, “Yabint daanɔ Yennu, tiat n po, turimin paŋ yomkɔɔ ki pukin, ki min jii niikur yenn, ki jiin pa Filistia teeb nba nyinn n ninbina na paak.”

Barbuura 5:2

Pakin Yennu man. Israel jab bo teen siir nan kunkɔnn, ki niib na nyinn bi mɔŋ a bin kɔn.