Jona 1:3 - Yennu Gbouŋ Mɔɔr

³ Ŋaan Jona din chiar gaar gann poe, a wun bɔr ki Yennu daa laatɔ, ki saan digbansiar ki bi yir Jɔpa, ki saa la ŋaruŋ ki li saa doo nba sann tee Speenn na. Waa din la ŋaruŋ maŋ, ki u pa kɔɔnu likirii ŋaan kɔɔ, ki dukii wun saan Speenn ki saa bɔr.

Jona 1:3 Iomraidhean Croise

Pinpiik 3:8

Tɔn, li poorpo ki bi gbat ki Yennu somm kpaab na ni, daajoouk. Ki bi ji tiin bɔrii bi mɔŋ tiinii ni, kpaab na niŋ, ki ki loon Yennu n labi.

Pinpiik 4:16

Ki Keenn nyii Yennu boor, ki saan kar tiŋ nba sann tee Nod, ki li be Edenn yondo po na.

1 Kpanbara 19:3

Ki jaŋmaanii soor Elaija, ki u chiar a wun tinn u manfoor, ki jii u toontunnɔ ki saan nanɔ Beerseba doo ni, Juda tiŋ ni. Elaija din nyik u toontunnɔ na leŋe,

1 Kpanbara 19:9

Leŋe ki u din saa kɔɔ tanfiiɔk ni ki dɔɔr li daar nyiɔk. Li nyiɔko ki Yennu pak nanɔ a, “Elaija, a tuun bee nna na?”

2 Barkperii 2:15

Li paak, a ji turit boroboro dii nan dimɔnii nan daan nan olif tiinii kpan nba ki a sat mɔb nan a saa turit na.

2 Barkperii 2:16

Ti saa chɔɔ kpekii nba be Lebanonn kunkona ni, ki a loon na kur. Ti saa taanire ki lor ki paanir mɔkgbeŋir paak, ki lin pukit saan Jɔpa. Leŋe ki a saa jii daat maŋ ki saan nann Jerusalem.”

2 Barkperii 9:21

Kpanbar Solomonn ŋaruŋ nan kpanbar Hiram ŋaruŋ din lakin tuune ki saa banfɔka. Bina ŋantaa kur, ki bi jent nan salimmɔna, nan salimpeena, nan loobnyana, nan kpataa, nan waanii.

Esra 3:7

Niib na din tur likirii a bin pa binba maa nan tana na, nan kanpintanba, ki bia tur jeet nan bonnyunyuut nan olif tiinii kpan a bin saan nann Taya nan Sidonn doi ni, ki saa kpent naajiik dajina nba ki bi nyii nann Lebanonn fɔɔr ni, ki paanir nyun paak ki saan nann Jɔpa. Linba din tun na kur, ŋaan Sairus wunba tee Peesia kpanbar nae din tur yiikoo.

JOB labaar 1:12

Ki Yennu yet Sintaanii a, “Tɔn, linba kur ki u mɔk na, li be a nuu ni, ŋaan a daa biir u gbananti.” Ŋanne ki Sintaanii yaat.

JOB labaar 2:7

Ŋanne ki Sintaanii seet Yennu boor, ki saan te mɔra soor Job gbanant kur po.

Yaŋ 107:23

Siab din somm mɔkgbeŋa paake nan ŋarint, ki kpaan bi daar diitir mɔkgbeŋa na ni.

Aisaya 2:16

U saa te ŋaringbeŋa nba kur tee ŋarinŋana na n kpii.

Aisaya 23:1

Mɔmaan na jiin Taya doo poe. Ii kurii nan yanyêtuk, yimm nba nyii ki be mɔkgbeŋir paak, ŋarint ni na. I doo Taya biira. Li ŋei nan siaminba ki ŋarint see na tee langbente. Yoo nba ki i ŋarint na nyii Saiprus tiŋ ni ki jent nae ki i gbat maan na.

Aisaya 23:10

Ii saa ki i ko tiŋ na man, yimm niib nba be Speenn yent ni na. Sɔɔ kaa ki ji saa guurini.

Aisaya 23:6

Ii kurii nan yanyêtuk man, yimm Fonisia teeb. Yabit ki chiar saan Speenn tiŋ ni.

Aisaya 60:9

Li tee ŋarint nba nyii banfɔkae, ki kpent nan Yennu niib. Bi dia salimpeena nan salimmɔna, a bin tur Yennu sann baakir; ŋɔɔe tee Israel teeb kasii Yennu nba te ki digbana kur teen u niib baakir na.

Jeremaya 10:9

Bi nyii nan salimpeena Speenn tiŋ nie, ki nyii nan salimmɔna Ufas tiŋ ni, ki saauk damm tan taan bi pata maŋ ki pɔrir. Linba na kur tee bonninnant damm toonae. Bi lannib taŋant nba ki taluura luue.

Esekiel 2:8

“Nisaarik, gbiintir maa yaa min beta linba na. A daa mɔk mɔyêtuk nan ŋamm na. Yaatir a mɔb ki ŋman linba ki n yaa n tura na.”

Esekiel 27:12

“Ki a saa Speenn ki kpentir kpinkpouŋ, ki dia salimpeena nan kut booru ŋantaa, ki pa tiat bonchiann nba ki a gaan na paak,

Esekiel 3:14

Ki Yennu Seek baarin paak nan paŋ, ki jiin ki yaat nanin, ki li toŋin, ki n donn wutoor.

Jona 1:10

Jona din tukin ki pakib nan u tiin a wun bɔre, ki Yennu daa laatɔ. Ŋaruŋ ni niib na yan din put bonchiann, ki bi betɔ a, “Bonbilankante ki a tun na.”

Jona 4:2

U din yet a, “Yennu, maa daan daa be n doo ni na, n daan ki yet nan a tan saa tun nnae-e? Ŋanne teen ki n daan gbaa maa n chiar saan Speenn. N mi nan a tee Yennu nba mɔk lomm nan ninbatinue. Yoo kur a mɔk sukurue nan ŋamm, ki teen siir yoo saaka, a fin lebit a dudukit ki nyik niib tubdatu.

Barŋanii nba ki LUK din sɔb nae na 9:62

Ki Yiisa betɔ a “Sɔɔ kan fit dia naasɔk ki ko ŋaan gorii poor po. Li-i tee wunba gorii nna maŋ, u ki ŋan wun teen Yennu naan na toontunnɔ.”

Toona 15:38

ŋaan ki Pɔɔl ki sak bin jiiu, kimaan u din tan ki joont namm bi toona na ni, ki nyikib Pamfilia, ŋaan ŋmat kun.

Toona 26:19

“Li paak, Chanbaa Agripa, n din ki yêt Yendɔuŋ ni yirintu maŋi.

Toona 9:36

Poosɔɔ mun din be Jɔpa, ki u sann tee Tabiita, ŋaan Griik maan ni, ki bi yiu Dɔkas, ki li paak tee piarɔ. U din tee Yiisaweirɔe, ki tuun toonŋana bonchiann ki teen niib, ki bia sommit talasdamm.

Toona 9:38

Jɔpa mun din ki fɔk nan Lida saami, ki Yiisaweira nba be Jɔpa na gbat nan Piita be Lida, ki bi tun jab banlee u boor a wun kakit ki baar na. Ki jab banlee maŋ saan ki barin Piita.

Toona 9:42

Ki li labaar yat saan Jɔpa kur po; ki niib bonchiann teen ti Yomdaanɔ Yiisa yada.

Toona 9:43

Ki Piita ji biar be Jɔpa daa bonchiann; u din be jasɔɔ nba tee gbanfabirtɔɔ ki bi yiu Simonn na ŋaak nie.

1 Korint teeb 9:16

Li ki tee a n mɔk parbifaanu barŋanii nba ki n mɔɔntir na paak kaa, kimaan li kpaa talas ki n mɔɔntir. Mi-i kii mɔn barŋanii na, parbiir sii tee n yare.

2 Tesalonika teeb 1:9

ki ti yabint Yomdaanɔ nba be yentchiɔŋ ni tan saa nyinnib u boor, ki bi saa la biiru nba kaa gbennu;

Joosua 19:46

nan Me-jarkonn, nan Rakonn, ki pukin yent nba kook Jɔpa na.