Joel 3:9 - Yennu Gbouŋ Mɔɔr

⁹ “Turin mɔɔntii na digbana kur ni a, ‘Teent siir nan tɔb man, yiint i kunkɔnkɔnna, ki taan bi kur ki somm namm.

Joel 3:9 Iomraidhean Croise

Yaŋ 96:10

Pakin ki tur digbana kur a, “Yennu-e tee kpanbar. Tingbouŋ na see-e kenken ki kan ban nyat; u saa jii mamɔmme ki bu niib buut.”

Aisaya 34:1

Digbana niib kur, baat man. Tikit man ki gbiint. Ŋaant durinya kur, nan wunba kur be li ni n baar nna, ki tan gbiint.

Jeremaya 31:10

Ki Yennu yet a, “Digbana, gbiintir ki turin, ki mɔɔnt n maan banfɔka mɔkgbiant. N yat n niiba, ŋaan n saa tikiribe kii guub, nan pekpaarik nba tuu guu u pei na.

Jeremaya 50:2

“Pakin maan maŋ ki tur digbana. A mɔɔntir. Turin nyinn ki mɔɔnt maan maŋ. A daa te ki li tee bunbɔr maami. Babilonn baawa. Bi biir u tingbann nba tee Marduk nawa. Babilonn tingbana dii feiwa, u bonninnanbiit na yeera.

Jeremaya 51:11

Yennu fiin Media kpanbarawa, kimaan u loon wun biir Babilonn-e, waa saa teen biaŋinba ki pa u Ŋasaakak biiru paake na. Lek teeb saakab na tur mɔb a, “Ŋatir i peenii man. Teent siir nan i naagbankɔŋa man.

Jeremaya 51:27

“Turin nyinn nba ki bi saa lek. Pebin naatunn ki digbana n gbat. Teent niib na tɔb siir ki took Babilonn. Pakin digbana nba tee Ararat nan Mini nan Askenas ki bin lek. Nyint jasaakɔɔ ki wun gar bi tɔɔnn. Baat nan taanii na, ki bii yab nan naasuut na.

Jeremaya 6:4

Bi saa yet a, “Teent siir ki lek Jerusalem. Teent siir, ti saa lekir yonsuuk niŋe.” Ŋaan li poor po bi saa yet a, “Yoo gara, yonnu baawa, ki nyiɔk poŋ piin bɔnnuwa.

Esekiel 38:17

Fine tee wunba ki n din tuu piak a po sianyoowa na. N din pak tur n sɔkiniinba nba tee n toontunna ki be Israel tiŋ ni na, a yoo baate, ki n saa te sɔɔ n baar ki tan lek Israel teeb. Min Yabint Yennu-e pak na.”

Esekiel 38:7

Betirɔ ki wun teen siir, ki bia te ki u kunkɔnkɔnna na kur n teen siir,

Maika 3:5

Mɔmaan nba nae ki Yennu yeen sɔkiniinba nba turin u niib ki kpannib na, li-i tee ki sɔɔ dinnib ki bi gboo, bi tuu sat piisime li daanɔ paak, ŋaan sɔɔ-i kii fit dinnib, ki bi lorin tɔb u paak.

Hagai 2:7

N saa kɔn nyann digbana kur, ki jii bi mɔkint ki baar nann nna, ki jiantu ŋasaakak na saa gbee nan gor.

Sekaria 14:2

Yennu saa taan booru kur ki bin faa Jerusalem tɔb. Bi saa nyann doo na ki nyinn faar nba be ŋei na ni, ki fat poob na ki dɔɔ namm. Bi saa saan nan niib na bɔkir digbangana, ŋaan ki bɔkleer na n biar doo na ni.

Sekaria 14:3

Tɔn, Yennu saa kɔn nan booru maŋ, nan waa tuu kɔn biaŋinba nae.