Joel 3:4 - Yennu Gbouŋ Mɔɔr

⁴ “I yiab a yin tun bee ki turimi, yimm Taya teeb, nan Sidonn teeb, nan niib nba kur be Filistia teeb yent ni na? I koor a yin teen siare ki jiinimi-i? Li-i tee ki i yaa yin tun siar ki jiinimi, ŋann n saa kakit yiame, ki pa jiini.

Joel 3:4 Iomraidhean Croise

2 Barkperii 21:16

Ki Filistia siab nan Arab teeb nba kɔɔ ki kpia Sudann teeb nba be mɔkgbeŋir gbianu na, ki Yennu te ki bi faa Jehoram tɔb.

Aisaya 14:29

Filistia teeb, lanbann nba booi na kɔnna, ŋaan yaak ki chabi nan yii mɔk parpeenni. Waayouŋu kpo, waleeuk nba ton bonchianne tuu baar set u taar ni. Waauk jenn kaatir bonbiiuko.

Aisaya 34:8

Yoo nba nae ki Yennu saa fat Sayɔnn doo, ki kɔn nan li datai.

Aisaya 59:18

U saa dat u datai tuba nan bi toona nba tee biaŋinba nae, nan binba be banfɔka na gbaa.

Jeremaya 47:1

Ijipt kpanbar din tan lekin Gasa na, ki sɔɔ Yennu pak nanin ki jiin Filistia tiŋ powa a:

Jeremaya 47:4

Yoo baar nan bin biir Filistia-wa, ki pot sommir nba ki u tuu laat Taya nan Sidonn boor na. Min Yennu-e saa biir Filistia teeb na; ŋamme tee binba kur nyii Kret mɔkgbiɔŋ po na.

Jeremaya 51:6

Chiat ki nyi Babilonn man. Tinin, ki tinn i manfoor man. I daa te ki bi kpi-i Babilonn teeb biit paaki. N pa bi panne, ki daar bi tuba nan laa jaŋib na.

Joel 2:10

Baa baar yoo nba, ki tiŋ jek, ki sanpagbouŋ waa gbar gbar, ki yonnu nan ŋmaarik bɔnn, ki ŋmaabira ji ki nyiiri.

Joel 2:2

Li daar tan sii tee bunbɔnne, ki tee bunbɔnchiɔŋ, ki tee sanpagbounbouŋ, ki yentu kaa, ki naasuut nba yab ki tee nan kunkɔnkɔnna na saa lat piin kunkona na kur po. Ki li booru daa ki ban teeni, ki bia ji kan ban teeni.

Matiu 11:21

Ki u yet a, “Li tan sii bi yimm Korasinn teeb paak; li tan sii bi yimm Bef-saida teeb paak mun; kimaan mi-i bonni tun bakitnauŋ toonjaana Taya nan Sidonn doi ni nan maa daan tun i doi ni na, bi daan bo saa nyik bi toonbiite yiama, ki puk bi mɔŋ tanpent ki ŋak faauk ki lin wann nan bi dii sindanta.

Matiu 11:22

Ŋaan n beerie, daar nba ki Yennu tan saa bu niib buut na, i tubdatu tan saa gar Taya nan Sidonn teeb yarawa.

Barŋanii nba ki LUK din sɔb nae na 10:13

“Li sii bi yimm Korasinn teeb paak; li sii bi yimm Bef-saida teeb mun yaa paak; kimaan mi-i bonni tun bakitnauŋ toonjaana Taya nan Sidonn doi ni nan maa daan tun i doi ni na, bi bo saa nyik bi toonbiite yiama, ki lia soot nba tee bonsisiɔk, ki puk bi mɔŋ tanpent, a lin wann nan bi nyik bi toonbiit tumue.

Barŋanii nba ki LUK din sɔb nae na 10:14

Daar nba ki Yennu tan saa bu niib buut na, i tubdatu saa gar Taya nan Sidonn teeb yarawa.

Barŋanii nba ki LUK din sɔb nae na 18:7

Waa yaa u saa turɔ mɔnii na, ki Yennu nigannkab nba meiɔ yonnu nan nyiɔk na, ŋɔɔ Yennu kan bu ki turibi-i? U saa taantira-a?

Toona 9:4

Ki u baa tiŋ ni, ki gbat ki kunkɔr yiu a, “Sɔɔl, Sɔɔl, bee ki a mukisirimi?”

Sennu 32:35

Yennu saa ŋmant bi paak ki dat bi tubawa; yoo baate ki bi saa ŋat baa, bi biiru daar per na.

2 Tesalonika teeb 1:6

Yennu-e tuun linba took; u saa te ki binba dinti fara maŋ n mun di fara nnae,

Barbuura 11:12

Tɔn, ki Jefta tun toomii Amonn bat boor ki boi a, “Bee paake ki a kɔn nanti?”