Joel 2:28 - Yennu Gbouŋ Mɔɔr

²⁸ “Ki li poor po, n tan saa sikin n Seek, sɔɔ kur paak, ki i bonjai nan i bonpoi tan sii sɔkint n maan, ki i jakpera mun tan sii damii damiit, ki i naasimm tan sii laat yirintu.

Joel 2:28 Iomraidhean Croise

Barjokit 1:23

Mi-i yakii nani yoo nba, yin gbiint, ki n saa turi kpaanŋanii, ki bia chent nani n bannu na.

Aisaya 32:15

Ŋaan Yennu bia tan saa turit u Seeka. Tinfukirik na tan saa kpiak, ki kpaant saa nan jeŋant,

Aisaya 40:5

Ŋanne ki Yennu yiikoo saa dɔkit, ki nisaarii kur saa lar. Yennu tiɔŋo tur mɔsonn na.”

Aisaya 44:3

N saa tur tiŋ nba ki nyunkon be na nyun, ki te kpenii puub tinkooŋ ni. N saa mɔɔn n Seek i waas paak, ki bia mɔɔn n piisin i yaaboona paak.

Aisaya 49:26

N saa te ki binba dinti biak na n kpi bi leeb, ki nikpinu nan wutoor saa yibib, ki niib kur saa bann nan mine tee Yennu nba tinti ki nyinti yann. Bi saa bann nan mine tee Israel teeb Yennu nba mɔk paŋ.”

Aisaya 49:6

Ki Yennu yetin a, “N toontunnɔ, n mɔk toonjaanne ki teena. Li ki tee nan a saa ŋamm teen Israel teeb nba ki n tinnib na kɔɔ kaa-ii yabii, ŋaan n saa te ki a tee yentue ki tur digbanlia, ki lin te tingbouŋ na niib kur n tinn.”

Aisaya 54:13

“N tiɔŋo saa tumii a niib, ki turib gor nan parmaasir.

Jeremaya 23:25

N mi sɔkiniinba nba fa faak n sann ni, ki yeen a n teenib n maan bi damiit ni na nba piak linba.

Jeremaya 23:28

Sɔkinii nba damii damiit, wun pak nan li set tee damiite, ŋaan sɔkinii nba mun gbat n maan, wun pak nan li mamɔmm sɔnu ni. Fouŋ ŋant tee bee ki saa yek nan dii?

Esekiel 36:27

N saa kɔɔn n Seek i ni, ki te yin wei n sennii, ki bia dia n wannu kur nba ki n teeni na.

Esekiel 37:14

N saa kɔɔn n foon bi ni, ki te bin jen manfoor ni, ki kar bi tiɔŋ tiŋ ni, ki bi ji saa bann nan mine tee Yennu. N senn mɔsonn nan n saa jen nan n niib maŋ bi tiŋ ni. N set saa tun nnawa. Min Yennu-e pak na.”

Esekiel 39:29

N saa sikin n Seek, Israel teeb paak, ki kan ban nyikibi. Min Yabint Yennu-e pak na.”

Daniel 7:1

Belsasar nba din dii Babilonn naan, u sinsinn binn na nie ki min Daniel damii damiit dɔɔnu ni nyiɔk, ki la yirintu damiit maŋ ni, ki sɔb damiit maŋ.

Sekaria 12:10

“N tan saa tur Defid yaaboona nan nileeb nba be Jerusalem na ninbatinu seek, nan miaru seek. Bi saa got wunba ki bi ŋmuu-u kpann na, ki bui fabin u paak, nan binba tuu fabin bi biyemmir kuun paak biaŋinba na. Bi saa bui ki fabin nan parbiir, nan binba ki bi sinsinn bonjak tuu kpo na.

Nikant 11:17

N saa sik leŋ ki pak nana, ki jii Seek nba ki n tura na mun ki turib, ki bi saa somma ki jii niib na jika, ki a ji kan jii a kuukɔɔ.

Nikant 12:6

Ki Yennu yet a, “Gbiintir linba ki n yaa n beti na: Li-i tee ki n sɔkiniinba be nani, n fiitir n mɔŋ ki teemm yirintu ni, ki bia piak namm damiit ni.

Barŋanii nba ki LUK din sɔb nae na 1:67

Li yoo na ki Yennu Seyeeŋ din gbee Jɔɔnn baa Sekaria, ki u sɔkint Yennu maan ki yet a:

Barŋanii nba ki LUK din sɔb nae na 3:6

ki tingbouŋ niib kur saa la biaŋinba ki Yennu saa tinnib.’ ”

Jɔɔnn 7:39

Yiisa nba din piak na, u din want Yennu Seyeeŋ poe; ki binba teen Yiisa yada na yaa bin tan la Seyeeŋ maŋ. Li yoo na Yennu daa din ki tur niib Seyeeŋ maŋi, kimaan u daa din ki donn Yiisa.

Toona 2:33

Ki Yennu bia donnɔ a wun kar u niidiitu po. Waa kar yoo nba, ki u gaar Seyeeŋ nba ki Yennu din senn mɔsonn ki yaa u tan saa turit na, ki sikin ti ni. Tɔn, Seyeeŋ maŋe ki i laat ki bia gbia na.

Toona 2:39

kimaan u poŋ senn mɔsonn a u saa jii u Seyeeŋ na ki tur yimm nan i waas, nan binba kur be banfɔka, yimm nba kur ki u tan saa yiini ki yin sak u mɔb na.”

Toona 21:9

U din mɔk bonpoi banna nba ki kun jabi, ki bi mun tee binba sɔkint Yennu maan.

Galasia teeb 3:28

Li paak, bɔkitu ji ki be binba tee Juu teeb nan binba ki tee Juu teeb sinsuuk ni, li bia ki be binba tee daaba nan yent-n-mɔŋ damm sinsuuk ni, li ki be poob nan jab sinsuuk ni; yaa be Yiisa Masia ni na paake ki i kura taan tee yenɔkɔɔ.

Hiibru teeb 1:1

Yaayoo ni, Yennu din jikit yoo bonchiann nan sɔnii bonchianne ki te ki sɔkiniinba piak teen timm Juu teeb yeejamm;

1 Samuel 19:20

Tɔn, ki u din tun jasiab a bin saan soor Defid. Ki jab na la Yennu sɔkiniinba ki bi waa waak ki yikin, ki Samuel be namm ki tee bi tɔɔndaanɔ. Ki Yennu Seek sik Sɔɔl jab na paak, ki bi mun jak waak ki yikin ki hoot.

1 Samuel 19:21

Sɔɔl nba gbat nan bi tun nna na, ki u ŋamm tun toomii, ki bi mun bia saa jak waak ki yikin ki hoot. Ki Sɔɔl ŋamm tun toomii taar muntaa ni, ki li bia saa baarib nna.

1 Samuel 28:6

Ki u boi Yennu waa saa teen biaŋinba, ŋaan Yennu ki turɔ gatu damiit ni, koo ki sɔkin ki tur sɔkiniinba ni, koo tana nba ki bi yir Yurim nan Tumim na ni.