Joel 2:27 - Yennu Gbouŋ Mɔɔr

²⁷ Ki yimm Israel teeb saa bann nan n be nani. Ki min Yennu-e tee i Yomdaanɔ, ki sɔɔ ji ki be. Ki yimm, n niib, ji kan ban di fei.

Joel 2:27 Iomraidhean Croise

Yaŋ 46:5

Yennu be doo maŋ ni, ki li kan biiri; u tuu saa baar ki sommir sanyafaar.

Yaŋ 68:18

U saa jii binba ki u nyann ki soorib na, ki do namm sanpaapo, ki saa gaar piinii niib boor, niib nba tee mɔyêtdamm na gbaa, u saa gaar bi piiniiwa. Yabint Yennu, a sii be leŋe.

Barjokit 1:23

Mi-i yakii nani yoo nba, yin gbiint, ki n saa turi kpaanŋanii, ki bia chent nani n bannu na.

Aisaya 12:6

Ŋaant ki wunba be Sayɔnn kur-ii hoot kii yiin, kimaan ŋamm Israel teeb kasii Yennu mɔk yiikoo, ki be u niib boor.”

Aisaya 44:3

N saa tur tiŋ nba ki nyunkon be na nyun, ki te kpenii puub tinkooŋ ni. N saa mɔɔn n Seek i waas paak, ki bia mɔɔn n piisin i yaaboona paak.

Aisaya 44:8

N niib, i daa tiin jaŋmaanii. I mi nan laa nyii yaayoo niwa ki tan tuu mɔtana, n buntir linba saa tume, ki i tee n siara damm. Yensau ji be pukini-i? Yensau be ki mɔk yiikoo, ŋaan ki n ki mi gbat u po-o?”

Aisaya 45:18

Yennu-e nan sanpaak, ŋɔɔe tee Yenmɔnu. Ŋɔɔe nan tingbouŋ na, ki li see fanu, ki bia saa wei. U ki namir ki li dɔɔ yann kaa, ŋaan u te ki li tee boor nba ki niib sii be-e. Ŋɔɔe yet a, “Mine tee Yennu, ki yenlɔɔ ji kaa ki pukini.

Aisaya 45:5

“Mine tee Yennu, ki yensau ji kaa ki pukin n po. Faa lek ki min na, ŋaan n saa tura paŋ nba ki a loon.

Aisaya 45:6

N tuun linba na, a nisaarik kur nba be durinya na ni n bann nan mine tee Yennu, ki yensau ji kaa ki pukin n po.

Aisaya 46:9

Ii tiar linba din tun sian yoowa na. Ii sak nan min kuukɔɔe tee Yennu, ki sɔɔ ji kaa ki tee nan min na.

Aisaya 49:23

Kpanbara sii tee nan bi baanba nae ki turi, ki poobatnba tee nan bi naanba na. Bi saa baa fabin i tɔɔnn, ki turi baakir, ki sikin bi mɔŋ ki turi jirima, ki i saa bann nan mine tee Yennu, ki wunba guu n sommir kan di fei.”

Aisaya 53:6

Ti kur din tee nan pei nba tuu bot nae, ki sɔɔ kur tɔk u sɔnu. Ŋaan ki Yennu te ki ti tubdatu na baa u paak, tubdatu nba bo kpaa ti kur na.

Esekiel 37:6

N saa turi jiina nan nanbɔna, ki bia dɔkin gbananbɔŋ i paak. N saa kɔɔn foon i ni, ki yii mɔk manfoor, ki i saa bann nan mine tee Yennu.”

Esekiel 39:22

Ki Israel teeb na ji saa bann nan mine tee bi Yomdaanɔ Yennu,

Esekiel 39:28

ki n niib na saa bann nan mine tee bi Yomdaanɔ Yennu. Ki bi saa bann linba na, kimaan mine te ki bi kɔɔ yommisin ni, ki mɔtana ki n ji tikiib ki jent namm bi tiɔŋ tiŋ ni, ki kan te ki bi sɔɔ n biari.

Esekiel 39:29

N saa sikin n Seek, Israel teeb paak, ki kan ban nyikibi. Min Yabint Yennu-e pak na.”

Joel 2:26

Mɔtana, i ji sii mɔk jeet bonchiann ki di gboot, ki i saa pak dont min i Yomdaanɔ Yennu sann, wunba tun bakitnauŋ toona ki turi na. Ki yimm, n niib, ji kan ban di fei.

Joel 3:17

“Tɔn, Israel teeb, i ji saa bann nan mine tee i Yomdaanɔ Yennu. N kɔɔ Sayɔnn-e, n kasii kunkonn na paak. Jerusalem sii tee kasii dooe; ki boorganu ji kan ban kɔn ki nyanniri.

Sefania 3:11

Li yoo maŋ, yimm nba tee n niib na ji kan di fei, toonkpeta nba ki i tun na paaki. N saa nyinn binba mɔk garuk nan dont-n-mɔŋ na kure, ki i ji kan mi yêt n mɔb, n kasii kunkonn na paaki.

Sefania 3:17

I Yomdaanɔ Yennu be nani; u yiikooe teeni nyannu. U par sii peen i paak, ki u saa turi manfopaann, u lomm ni. U sii yiin yanii ki mɔk kpinkpammuk i paak.

Sekaria 2:9

“Yennu mɔŋe saa kɔn nani, ki niib nba tuu tee i daaba na saa nyanni, ki fat i mɔkint ki yaat nann.” Li-i teen nna yoo nba, sɔɔ kur saa bann nan Yabint Yennu-e tumin.

Nikant 11:29

Ki Moses jiin a, “N paake ki li mɔka funfunni-i? N sunman ki Yennu n bo jii u Seek ki tur u niib kure, ki te ki bi kur-ii piak nan sɔkiniinba na.”

Nikant 23:21

N laat ki ninbɔnsiar kan baar Israel maaru paak, ki bi kan di fara. Bi Yomdaanɔ Yennu be namm, ki bi mɔɔntir ki yaa ŋɔɔe tee bi kpanbar.

2 Korint teeb 6:16

Yennu diiuk nan poochianfeek tee yomme-e? Aaii. Timme tee diiuk ki tur manfodaanɔ Yennu, kimaan ŋɔɔ Yennu din yet a: “N sii be n niib para nie, kii be namm. N sii tee bi Yennu-e, ki bi mun tee n niib.”

Sennu 23:14

Ŋaant ki i kaaŋ na ni daa mɔk jakint, kimaan i Yomdaanɔ Yennu be nani, ki guui, ki bia saa te yin nyann i datai. Li paak, ii te ki tɔb kaaŋ na-ii be kasii, ki Yennu daa laat siara biit i ni, ki lekin u numm nani.

1 Piita 2:6

kimaan li sɔb Yennu gbouŋ ni a: “Gotir, n gann tann ki bir Sayɔnn doo ni, ki li tee lɔtik ni tann, ki bia ŋan bonchiann, ki wunba kur teenɔ yada, u kan di fei.”

Fiitu 21:3

Ki n gbat ki kunkɔsaakar nyii naangbouŋ na boor ki yeen a “Nnara, Yennu ŋaak ji be nisaarii boore, ki ŋɔɔ Yennu sii be namm, ki bi sii tee u niib, ki ŋɔɔ Yennu mɔŋ sii be bi boor ki tee bi Yennu,