Joel 2:2 - Yennu Gbouŋ Mɔɔr

² Li daar tan sii tee bunbɔnne, ki tee bunbɔnchiɔŋ, ki tee sanpagbounbouŋ, ki yentu kaa, ki naasuut nba yab ki tee nan kunkɔnkɔnna na saa lat piin kunkona na kur po. Ki li booru daa ki ban teeni, ki bia ji kan ban teeni.

Joel 2:2 Iomraidhean Croise

Yaŋ 10:6

U tuu pak ki tur u mɔŋ a, “N kan mi ki baa, n kan mi kɔɔ mabir ni.”

Yaŋ 97:2

Sanpagbant nan bunbɔnne lintɔ; u dia niib nan binbenŋaŋe nan mamɔmm.

Nyinu 10:14

Bi din baar naasubure, ki be tiŋ na kur po. Li naasuut din yab ki gar naasuut nba kur mi baar, ki bia yab gar naasuut nba kur saa mi baara.

Nyinu 10:6

Bi saa gbee fin kpanbar ŋaak, nan a saakab ŋei, nan a niib na kur ŋei. Bi sii yab ki gar linba kur ki i yeejamm mi la.’ ” Ki Moses yaat saan.

Nyinu 20:21

Niib na din see banfɔkirewa, ŋaan ki Moses kuukɔɔ saan nakin sanpagbouŋ nba ki Yennu be li ni na.

Aisaya 5:30

Li daar-i baar, bi saa gaar jat Israel paak nan kunkɔsaakar nan mɔkgbeŋir fuur nae. Gotir tingbouŋ na. Bunbɔnn nan parbiir be li kur po. Bunbɔnn nak yentu nawa.

Aisaya 8:22

koo ki nut bi ninbina tiŋ ni, ŋaan bi kan la siar, see daamii nan bunbɔnn kɔɔ, bunbɔncheenn nan jaŋmaanii nba ki bi kɔɔ na ni.

Jeremaya 13:16

Ii baakit i Yomdaanɔ Yennu yoo nba ki u daa ki baar nan bunbɔnn nba saa te yin gbiat kunkona ni na, ki sɔɔ ki u daa ki kpint yentu nba ki i daan na, ki teenir bunbɔnchiɔŋu.

Jeremaya 13:6

Li din weiwa, ki Yennu tan pakin a n ŋmat Yufrates mɔkir boor ki saa jii kurtajinn na.

Fabinii 1:12

Ki u yikin ki teen sɔngar teeb na kur a, “Gotirin man. Sɔɔ daa ki ban la gbanantont nan n yar na na, ki li tee gbanantont nba ki Yennu teenin, yoo nba ki u wutoor doo.

Esekiel 32:7

Mi-i boontira yoo nba, n tan saa dɔkin sanpagbouŋ nae, ki bia piin ŋmaabira na. Ki yonnu tan saa bɔr sanpagbouŋ na ni, ki ŋmaarik na mun kan tur yentu.

Esekiel 34:12

Pekpaarik nba tuu gorii u pei nba tuu yat, ki wun tikirib ki jen namm biaŋinba na, nnae ki n saa tikir n niib ki bin nyi siaminba kur ki bi bo yat dabiir daar na, ki jen namm.

Esekiel 38:9

Ki ŋɔɔ nan u kunkɔnkɔnna, nan digbana niib bonchiann nba be u boor na, saa lek niib na nan wouŋ na, ki piin tiŋ na kur po nan sayuŋ na.”

Daniel 12:1

Ki wunba piak nanin na yet a, “Yoo maŋ, malaka jaann Maikel, wunba guu a niib na saa dɔkit. Tɔn, ki yoo sii be ki tee biiru yoo, li sii bi ki gar biiru nba mi baar, laa nyii durinya na pinpiik niwa. Ki yoo maŋ-i baari, niib nba kur be a digbann ni, ki bi sana sɔb Yennu gbouŋ ni na saa tinn.

Daniel 9:12

A tun linba ki a din yet a a saa tun tur timm nan ti doo diara nawa, ki baar nan biiru ti paak. Tingbouŋ na kur po, siar boor daa ki ban la tubdatu nan linba baar Jerusalem na na.

Joel 1:6

Naasuut nba tee nan kunkɔnkɔnna nba yab bonchiann na lek ti doowa; bi mɔk paŋ ki yab kaa kann; ki bi nyana porin nan yanbɔr yar na.

Joel 2:25

Ki i bona nba din biir bina nba niŋ ki naasuburuŋ din ŋman i bonbuburit na, n saa jiinir ki turi. Mine din tun naasuut maŋ i boor.

Joel 2:31

Yonnu tan saa kpint ki bɔnn, ki ŋmaarik mun saa kpint ki mɔnn nan sɔn na; li tan saa teen nnaewa ki min Yennu dajaann nba tee biiru daar na n fit baar.

Joel 2:5

Baa lin mobit kunkona na yura paak na, ki bi mɔ nan tɔb taantorit na; ki put nan mɔkoonii be muu ni na, ki be chunchuuntuk nan kunkɔnkɔnna bonchiann nba teen siir nan tɔb na.

Joel 3:4

“I yiab a yin tun bee ki turimi, yimm Taya teeb, nan Sidonn teeb, nan niib nba kur be Filistia teeb yent ni na? I koor a yin teen siare ki jiinimi-i? Li-i tee ki i yaa yin tun siar ki jiinimi, ŋann n saa kakit yiame, ki pa jiini.

Amos 4:13

Yennu-e tee daanɔ nba nan jɔfɔkit, ki bia nan wouŋ, ki fiitir u dudukit ki teen nisaarik, ki te yonnu baa ki nyiɔk bɔnt, ki somm tingbouŋ na siaminba dokii paak, ki u sann tee: Yomdaanɔ Yabint Yennu.

Sefania 1:7

Daar na pera, ki tee yoo nba ki Yennu saa kar buut paak; li paak, ii ŋmin man u tɔɔnn. Yennu tee siire a wun chab u niib ki bin kpib, ki jɔɔn bi datai a bin lekib, ki fat bi faar.

Sekaria 14:6

Li daar-i baar, waat sii kaa,

Matiu 24:21

Kimaan li yoo maŋ, biak sii be; Yennu nba nan durinyawa nan dinna, li biak booru daa ki mi baari; li booru mun bia ji kan mi baar linba na poor po.

Barŋanii nba ki MAK din sɔb nae na 13:19

kimaan Yennu nba din nan durinya na pinpiik niwa ki tan tuu mɔtana, sɔɔ daa ki mi la biak ki li bi ki baar biak nba tan sii be daa maŋ ni na. Ki biaksiar mun ji kan mi baar nan ŋann na.

Sennu 32:7

“Tiat man linba gar yaayoo niwa; boin i baanba ki bin wanni linba din tun. Boin nikpera ki bin wanni linba gar.

Hiibru teeb 12:18

Tɔn, yimm ki baar bonsiar nba ki i saa fit siir, nan Israel teeb nba din baar Sainai jɔjaann boor na kaa, siaminba ki muchiɔŋ di, ki bunbɔnchiɔŋ be, ki wonpaaruk da,

Juud 1:13

Bi tee nan mɔkgbeŋir nyunpana nba fi ki pukir nan jakint nae. Bi bia tee nan ŋmaabira nba tuu ŋabir ki lin nae; ki bunbɔnchiɔŋ nba kaa gbennu be ki guub.

Fiitu 9:2

Ki ŋmaabir na loot bootuk maŋ, ki munyuut nyii leŋ, ki tee nan musaakau munyuut na, ki li munyuut dɔkin yonnu, ki tingbouŋ na bɔnn.