Joel 1:18 - Yennu Gbouŋ Mɔɔr

¹⁸ Ki nei mɔ lin nan parbiir, ki peburuŋ mun bia di wahala, kimaan mɔɔt kaa ki bi saa ŋman.

Joel 1:18 Iomraidhean Croise

1 Kpanbara 18:5

Ahab din pak Obadia a, “Ŋaant ki tin saan ki saa got nyuntona kur boa, nan kpenbis ni, ki laan ti saa la mɔɔt ki tur ti bonkobiti-i. Li pasiar li ji kii kpaa talas ki tin kpi ti bonkobuku.”

1 Kpanbara 8:5

ki kpanbar Solomonn nan Israel niib na kur lakin mɔlor lakir na boor, ki mann maruŋ, ki kpii pei nan nei bonchiann, bonkobit na din kaa kann.

Jeremaya 12:4

Li saa wei nlee ki ti tiŋ bia daa tee tinkooŋ, ki siar kur boor mɔɔt n koori? Bonkobit nan nɔɔnii kpenne, kimaan ti niib toonbiit paak, niib nba yeen a, “Yennu ki laat linba ki ti tuun na.”

Hosea 4:3

Linba na saa te ki tiŋ n koor, ki linba kur be li paak saa kpo. Li bonkobit nan li nɔɔnii, nan janii nba be nyun ni, bi kur saa kpo.”

Joel 1:20

Ki muuk ni bonkobit na gbaa mɔ ki teen fin Yennu, kimaan kpenii na fɔɔra.

Amos 1:2

Ki Amos yet a, “Yennu kunkɔr nyi Sayɔnn kunkonn po, ki tantir ki nyi Jerusalem po. Ki bonkobit kpinkpaar boa koor wak wak, ki mɔɔt nba be Kamel kunkonn paak na mɔnn.”

Habakuk 3:17

Daan tiinii na-i lekii kii mɔk lɔɔna, ki kpan tiinii na mun ki yinn puuku, ki tilontlia na mun bia ki loon lɔɔna, ki tiŋ na mun bia ki nan jeeti, pei kur-i lekii kpo, ki naaloor na dɔɔ koont,

Hagai 1:10

Li paak te ki saak ki baa, ki siar ki kpaatiri.

Rom Teeb 8:22

Ti mi nan li yiar linba ki Yennu nan na kur, ki li kurii ki tan tuu mɔtana, nan poo nba tuu mɔ matyiaru ki kurii biaŋinba nae.