Jɔɔnn 4:5 - Yennu Gbouŋ Mɔɔr

^5-6 Ki yonsuuk ni, waa din tan per Samaria teeb digbansiar ki bi yir Saika, ki u baar Jakɔb bunbunn boor. Leŋ din ki fɔk nan kpaab nba ki Jakɔb tur u bik Joosef na. Waa din baar bunbunn na boor, ki bakint ji soorɔ, kimaan sommir na paak, ki u biar kar bunbunn na nyakir.

Yennu Gbounpaauŋ Mɔɔr

^5-6 Ki yensuuk ni, wa din tan per Samaria teeb digbansiar ni, ki bi yir Saika, ki u baar nakin Jakɔb bunbunn boor. Leŋ din ki fɔk nan kpaab nba ki Jakɔb din tur u bik Josef na. Wa din tan per bunbunn na, ki bakint ji din soorɔ ki u bak kimaan sommir na paak, ki u biar kar bunbunn na nyakir.

Jɔɔnn 4:5 Iomraidhean Croise

Pinpiik 33:19

U din daa tiŋ na Sekem bija Hamor yaaboona boore, ki pa salimpeenbina kobik.

Pinpiik 48:22

N jikit tiŋ nba yab ki gar a ninjamm yar ki teena, tiŋ nba ki n din fat Amor teeb boor nan n jukbanjiak nan n tɔrbann na.”

1 Kpanbara 13:32

Yennu nba wannɔ maan nba ki u pak ki biir maruŋ binbintir nba be Betel na, nan tingbandiit nba be Samaria doi ni na saa teen barmɔniiwa.”

Barŋanii nba ki LUK din sɔb nae na 9:52

ŋaan tur mɔb a bin gar ki saa yet a u be sɔnu, ki bin teen siir ki sɔɔ ki u baar, ki bi dɔŋ gar ki saa baar Samaria teeb digbanbik nna ni;

Jɔɔnn 4:12

Ti yeeja Jakɔb-e din lukir bunbunn na, ki ŋɔɔ nan u waas nan u bonkobit kur nyu leŋ. A dukii nan a gar Jakɔb-a koo?”

Jɔɔnn 4:39

Ŋanne ki Samaria doo ni niib bonchiann gbat poo na nba beerib a, “Yiisa betin bonsiar kur nba ki n poŋ mi tun,” ki bi teen Yiisa yada,

Jɔɔnn 4:8

Li yoo na ki sɔɔ ki u poorpoweiteeb poŋ saan doo niwa, a bin saa daa jeet, ŋaan ki u biar u kuukɔɔ.

Joosua 24:32

Joosef gbanant nba ki Israel teeb din jii Ijipt tiŋ ni, ki baar nann na, bi din piir Sekem-e, yiar nba ki Jakɔb din daa Hamor nba sibir Sekem doo na bonjai boor na ni. U din daa tiŋ na likbina kobike. Joosef yaaboonae din dii tiŋ na faar.