Jɔɔnn 12:3 - Yennu Gbouŋ Mɔɔr

³ Ki Meeri jii tulaarii saama, linba daauk paar bonchiann, ki bi yir naad na, ki but Yiisa taapant paak, ŋaan soor u mɔŋ yut ki fiar fiar; ki ŋaak na ji nubir tulaarii na gbimm.

Yennu Gbounpaauŋ Mɔɔr

³ Ki Mari jii tulaarii saama, linba yaa daauk paar bonchiann. Bi din jii faat nba ki bi yir naade ki teen tulaarii maŋ; ki u jiir ki but Yisa taa paak, ŋaan soor u mɔŋ yut ki fiar fiar; ki ŋaak na ji nubir nan tulaarii na gbimm.

Jɔɔnn 12:3 Iomraidhean Croise

Yaŋ 132:2

Yennu, tiat mɔsonn nba ki u din senn ki por mɔpor, ki tur fin yabint daanɔ, Jakɔb Yennu na a:

Barjokit 27:16

A saa teen nlee ki te wun ŋmini? A ban bikin a fan gɔɔr wouŋ koo ki kub kpanyun a niipauŋ niŋa-a?

Yankpaŋii 1:12

Kpanbar kar u kok-foouk paake, ki n tulaarii na nubiru man ki yent leŋ.

Yankpaŋii 1:3

A nubiru man ki tee nan bonnunubit nae; ki a sann tee nan bi kpaar bonnunubit ki mɔɔn na. Li ki tee birisuk kaa nan sapaamm na loona.

Yankpaŋii 4:10

N pooloŋir, n pooyookir, a lomm na manin, a lomm na ŋan gar daama, a tulaarii na nubiru man ki gar bonnunubit nba bewa.

Barŋanii nba ki LUK din sɔb nae na 10:42

ŋaan bonyennkɔɔe kpaa talas. Meeri ŋarin gann linba ŋane, ki sɔɔ kan nyinnir u ni.”

Barŋanii nba ki LUK din sɔb nae na 7:46

A bia ki sɔɔr n yut kpami, ŋaan poo maŋ bia jii tulaarii ki sɔɔr n taapanta.

Jɔɔnn 11:2

Meeri-e din tee daanɔ nba but tulaarii Yiisa taa paak, ŋaan jii u yut ki fiar na. Ki Meeri maŋ naa bik Lasarus yiar. Waa yiar na,

Jɔɔnn 11:28

Maata yet nna maŋe, ŋaan ŋmat kun, ki saa yiin u waarɔ Meeri soon nna, ki betɔ a, “Wanntɔɔ na be nawa, ŋaan yiia.”

Jɔɔnn 11:32

Meeri nba baar Yiisa boor ki lau yoo nba, ki u gbaan u tɔɔnn, ŋaan yetɔ a, “N Yomdaanɔ, li-i tee ki a daan bo be nna na, n naa bik na daan bo kan kpo.”

Jɔɔnn 19:39

Ki Nikodemus, wunba poŋ mi baar Yiisa boor nyiɔk na mun baar ki dia bonnunubit nba saa teen Yiisa gbanant paak, ki li tee nan bɔrik-gbina piik nan ŋanŋmu na. (Bi din jii bona nba ki bi yir mir nan alos nae ki ŋmat ki teen bonnunubit maŋ.)