Jeremaya 9:15 - Yennu Gbouŋ Mɔɔr

¹⁵ Li paak, gbiintir linba ki min Yabint Yennu nba tee Israel teeb Yennu yaa man tun. N saa tur n niib jeet nba ton ki bin di, ki bia turib lɔbii ki bin nyu.

Jeremaya 9:15 Iomraidhean Croise

Yaŋ 60:3

A te ki a niib dii fara bonchiann ki te ki ti ŋmaan gbeŋit nan ti yib daan na.

Yaŋ 69:21

Ki kon nba mɔkin yoo nba, ki bi turin lɔbii, ki nyunnyukuru soorin, ki bi turin damiituk.

Yaŋ 75:8

Yennu dia nyubitike, ki li gbee nan daamii nba tee u wutoor, ki u kpaan mɔ, ki tingbouŋ na nɔɔnbiit damm nyu; bi nyuu li kur ki gbenn.

Yaŋ 80:5

A te ki ti di ninbaauk, ki turit ninnyuut nan nyubitgbeŋir ki ti nyuu.

Aisaya 2:17

Nisaarik dont-n-mɔŋ saa gbenn, ki nisaarik garuk n biir. Yenbis kur saa bote fas. Yennu kɔɔe saa la dontir, daar maŋ ni.

Aisaya 2:22

A daa tee a dindann nisaarik ni. Nisaarik jan nan bee?

Jeremaya 23:15

“Li paak, min Yabint Yennu nba piak linbae na, ki jiin n sɔkiniinba nba be Jerusalem po a: N saa turib jetont ki bin di, ki turib lɔbii ki bin nyu, kimaan ŋamme te ki tonu gbee tiŋ na kur po.”

Jeremaya 24:10

N saa baar nan tɔb nan kon nan yiarii bi paak, ki tan tuu yoo nba ki bi kur saa kpo gbenn, tiŋ nba ki n din tur ŋamm nan bi yeejamm na ni.”

Jeremaya 25:15

Ki Israel teeb Yomdaanɔ Yennu pakin a, “Daŋmaŋe na, ki li gbee nan n wutoor. Jiin ki saan nann digbana nba kur ki n tuuma na niib boor, ki te bin nyu ŋmaŋ maŋ ni.

Jeremaya 44:27

N saa te ki i kan mɔkit, ŋaan n saa biirie. I kur saa kpoe tɔb ni, koo yiarii ni, ki nan i yenɔkɔɔwa tan kan tenni.

Jeremaya 49:37

N saa te ki Elam niib-ii tiin bi datai nba loon bin kpib na. N wutoor nba kaa paak niŋe, ki n saa biir Elam teeb, ki te jab n kɔn namm ki saa tuu yoo nba ki n saa boontib.

Jeremaya 8:14

Ki Yennu niib boi a, “Bee ki ti bia daa kari? Baat man ki tin chiar saan digbanpaara ni, ki saa kpo leŋ. Ti Yomdaanɔ Yennu-e chabit nan kuun, u turit lɔbiie a ti nyu, kimaan ti tun biirɔwa.

Fabinii 3:15

U te ki n di farbiiuk, ki li tee nan jeet nan nyun na.

Fabinii 3:19

Mi-i dukin n gbananyekitir po nan maa ki mɔk binbeboor na, li tee lɔbii nba tone.

Esekiel 5:12

I niib bɔkitu muntaa ni yenn, kon nan yiariie saa kpib, doo ni. Ki bi saa kpi bɔkleer na nan jukbanjai, doo kpiŋ, ki bɔkleer nba tenn na, n saa jii wouŋ ki yatib, ki wei berib nan jukbanjiak.

Esekiel 5:2

ki joo bɔkyenn muu doo na ni, biiru na poor po, ki jii bɔkleer, kii porii nan a barik, yoo nba ki a somm lin doo na kpiŋ po na, ki tont bɔkleer na kii yat sanpaapo, ki n saa wei chɔɔr nan n juk,

Sennu 28:36

“Yennu saa jii yimm nan i kpanbar ki yaat saan nani tingaŋ ni, siaminba ki yimm koo i yeejamm ki ban kɔɔ. Leŋe ki i saa sii jiantir yennii nba ki bi jii daat nan tana ki namir na.

Sennu 29:18

Ii mi man ki i jɔɔ, koo poo, koo i ŋaateeb, koo i booru niŋ nba see nna dinna na, ki wun yêt ti Yomdaanɔ Yennu, ŋaan jiant digbanlia yennii. Li-i tun nna, li sii tee nan lɔbuk nba tuu pia, ki u kur tee lɔbii nae.

Fiitu 8:11

(Ŋmaabir na sann din tee “Ton.”) Ki nyun na bɔkitu muntaa ni yenn toŋ; ki niib bonchiann nba nyuu nyun na kpo, kimaan nyun na nba ton na paak.