Jeremaya 9:10 - Yennu Gbouŋ Mɔɔr

¹⁰ Ki n yet a, “N saa fabin kunkona paaka, ki mɔ mɔmaatuk paak, kimaan bi koora, ki sɔɔ ji ki gaar bi ni, sɔɔ ji ki gbia nei mɔnii, ki nɔɔnii nan muuk ni bonkobit chiar yaat.”

Jeremaya 9:10 Iomraidhean Croise

Aisaya 41:15

N saa teeni nan diboolanbana nae, ki i sii paan ki bia porin, ki i saa boor jɔɔt ki bet, ki kunkona saa boor ki kpant tanbiinii.

Aisaya 49:19

“A tingbouŋ din boonte ki teen yann. Ŋaan mɔtana li saa waab nan binba jent na karuwa. Ki binba teen a doi langbent na saa nyi ki fɔkit nana.

Jeremaya 12:10

Digbangana yent damm bonchiann biir n daan tiinii kpaaba, bi ŋmaa n kpaant ki biirir, ki kpint n tinŋaŋ na ki teenir kunkoouk.

Jeremaya 12:11

Bi teenir kankoonne ki li dɔɔ yann n boor ni. Tiŋ na kur kpant kunkoouko ŋaan ki sɔɔ ki fiin li po.

Jeremaya 12:4

Li saa wei nlee ki ti tiŋ bia daa tee tinkooŋ, ki siar kur boor mɔɔt n koori? Bonkobit nan nɔɔnii kpenne, kimaan ti niib toonbiit paak, niib nba yeen a, “Yennu ki laat linba ki ti tuun na.”

Jeremaya 14:6

Bɔnii see kunkona paake, ki foi ŋabitir nan mɔbɔi na, ki bi ninbina diŋ, kimaan bi ki laat jeeti.

Jeremaya 2:15

Bi gaan jat u paak nan yanbɔra nae, bi kpant u tiŋ kunkoouko, ki u doi teen langbent ki dɔɔ yann.

Jeremaya 2:6

Bi din ki gbiin n po, ŋaan mine din nyinnib Ijipt, ki somm namm kunkoouk paak, siaminba tee tinkokirik nan tanbiiuŋ nan bootit, ki tee tinkooŋ nan daŋ tiŋ nba ki sɔɔ ki kaar leŋ, ki sɔɔ bia ki somm leŋ na,

Jeremaya 23:10

Tiŋ na gbee nan niib nba ki waa Yennu-e, ki be yanbɔmm binbeŋ, ki biir bi yiikoo. Yennu mɔtonte te tiŋ na mɔ kpemɔnii, ki mɔɔt koot.

Jeremaya 50:3

“Digbann jab nyii gaŋ po ki baar a bin lek Babilonn, ki kpantir kunkoouk. Niib nan bonkobit saa chiar yaat, ki sɔɔ kan kar leŋi.”

Jeremaya 7:29

“Jerusalem teeb, ii mɔ man, koot i yut ki lu. Ii yiin kuun yanii kunkona paak man, kimaan min Yennu wutoor doo, ki n yêt n niiba.

Jeremaya 8:18

N parbiir na kaa gbennu, n par ni yiare.

Fabinii 1:16

“Li paake teen ki n ninbina luun ninnyuut yoo kur. Sɔɔ kaa ki saa fit maan n pari. Sɔɔ kaa ki saa fit chee n par. N datai nyannima; n niib na ji ki biar nan siari.

Fabinii 2:11

Ki n ninbina ji bak nan mɔnii; ki n kpak nyann. N ji bake nan ninbaatir, kimaan n niib nba kpo na paak. Ki waas nan sanpantii kpenn doo na sɔnjot ni.

Fabinii 5:18

kimaan Sayɔnn kunkonn dɔɔ yanne, ki sɔɔ kaa li ni, ki mɔbɔi ji lin li langbent ni.

Esekiel 14:15

Koo li-i tee ki n dat digbansiar tubir, ki te muuk ni bonkobit ŋman niib, ki li paar nan sɔɔ n tɔkin gar li ni,

Esekiel 27:2

“Nisaarik, yinin kuun yaŋ ki tur Taya,

Esekiel 29:11

Ki nisaarik koo bonkobuk kan ban somm ki gar Ijipt tiŋ ni. Ki bonfosiar kan ban kɔɔ li ni ki saa tuu bina piinna.

Esekiel 33:28

N saa te tiŋ na n kpant tinkooŋ. Ki yiikoo nba ki bi tuu dont bi mɔŋ li paak na saa gbenn. Ki Israel kunkona na saa teen fɔɔr, ki sɔɔ kan fit somm gar li ni.

Esekiel 6:6

Ki Israel teeb doi kur saa biir, ki lin te bi maruŋ binbinta nan pata nan bonnunubit binbinta na kur n yeer buri buri, ki linba kur ki bi ŋammir na saa bot.

Hosea 4:3

Linba na saa te ki tiŋ n koor, ki linba kur be li paak saa kpo. Li bonkobit nan li nɔɔnii, nan janii nba be nyun ni, bi kur saa kpo.”

Joel 1:13

Ii lia bɔtoliant kii mɔ man, yimm nba tee mannteeb ki tuun maruŋ binbintir boor na. Saant Yenjiantu Ŋasaakak ni, ki bui fabin nyɔtunmunn. Jeet nan daan kaa ki i saa tur Yennu.

Joel 1:19

Ki n fabin tur fin Yennu, kimaan bonkobit kpinkpaar boa nan tiinii kur koora, ki tee nan muue diir na.

Amos 5:1

Israel teeb, gbiintir kuun yanii nba ki n yiin ki teeni na.

Amos 5:16

Ŋanne ki i Yomdaanɔ Yabint Yennu yet a, “Fabinii nan ninbawuyikinii sii be doo na sɔnjot ni, ki bi tan saa yiin kpaara gbaa, ki te ŋamm nan niib nba ki bi pab a bin bui kpemɔnii na, ki bi saa lakin bui kpeemm paak.

Maika 2:4

Li yoo-i baar, niib tan saa jii i maame, ki li tee bonbiir nba tee siara, ki bi saa yin parbiir yanii nba na ki jiin i po a: Li biirit fas fasa. Yennu gaar ti tiŋ, ki jii tur niib nba soorit ki teent yommii na.”

Maika 3:12

Tɔn, i biit paake ki bi saa ko Sayɔnn doo nan baa tuu ko kpaab biaŋinba na, ki Jerusalem saa biar ki tee tangbiinkpeka, ki Yennu ŋasaakak nba be kunkonn nba paak na, saa kpant fɔɔr.