Jeremaya 8:5 - Yennu Gbouŋ Mɔɔr

⁵ N niib, ki bee ki i yaat n boor ki ji ki jenti? I dia i patae, ki yêt yin jen n boor.

Jeremaya 8:5 Iomraidhean Croise

Barjokit 4:13

Yoo kur, ii tian linba ki a tumii na. A bannue tee a manfoor; ii guur fanu.

Aisaya 1:20

Ŋaan i-i yêtin, i saa kpoe. Min Yennu-e pak na.”

Aisaya 30:10

Bi tuu pak Yennu sɔkiniinba nae a bin ŋmin, ki tuu yet a, “I daa piakit linba ŋan po. Ii piakit taa loon tii gbia linba, ii piakit kpinkpannii nba man.

Aisaya 44:20

Nirɔ-i di tanpent, li sɔ. U jatdudukit na turimɔ, ki li paak niiwa ki sɔɔ ji kan fit sommɔ. U kan sak nan patir nba ki u dia u nuu ni na ki tee siar nan waama.

Jeremaya 14:7

N niib bui ki fabin turin a, ‘Yennu, ti para ni beerit nan ti biira, ŋaan a sommit nan faa senn mɔsonn na. Ti nyika ki li wei bonchiann, ti tun biirawa.

Jeremaya 2:32

Poopaaŋ tammit u salinbaŋ po-o, koo pooyookir tammit u chiann liant po-o? Ŋaan yimm n niib tamm n po ki li wei ki gar yoowa.

Jeremaya 3:5

a n wutoor kii do yoo kuri, n kii dia-a punpunn yoo kuri. Israel digbann, faa pak linbae na, ŋaan tun biit nba kur ki a fit.”

Jeremaya 5:27

Bi ŋei gbee nan kpinkpanniie, nan nɔɔnii nba tuu gbee ŋmangɔuŋ na. Bi mɔkite, ki la paŋ,

Jeremaya 5:3

Yennu, a ninbina ki gorii ki loon mamɔmm kaa-a? A faabe, ŋaan ki li ki toŋib. A butibe, ŋaan ki bi yêt ŋmakitir. Bi chee bi parae, ki li wakii gar tann, ki yêt bin nyik bi toonbiit.

Jeremaya 5:6

Li paak, yanbɔr saa nyi fɔɔr ni ki lekib, ki kinkatir saa nyi kunkoouk paak ki biirib, ki naamuuk sii dɔɔ kpia bi doo ki guub, ki saa pat wunba nyii nanyer, kimaan bi mɔyêtuk na yab bonchiann, ki yoo kur bi ki waa Yennu sɔnii.

Jeremaya 6:17

Ŋanne ki Yennu nyinn guuteeb a bii gbiin naatunn kpaanii. Ŋaan ki bi yet a, “Aaii, ti kan gbiinti.”

Jeremaya 6:19

Tingbouŋ, gbiintir. N baat nan boontue niib na paak, ki li sii tee bi biit tubdatu, kimaan bi yêt n tumiiue, ki bia ki gaar n maan.

Daniel 9:11

Israel teeb kur biir a sennii na, ki yêt bin gbiint linba ki a wannib nawa. Ti tun yanbɔmm ki biirawa, ki li te ki a mɔtont nba sɔb a toontunnɔ Moses sennii gbouŋ ni na baa ti paak.

Hosea 11:5

“Baa yêt bin jen n boor na paak, see ki bi ŋmat Ijipt, ki Asiria teeb sii diab.

Hosea 11:7

N niib na lor nan bin yêtime. Bi saa bui sanpaapo, kimaan jikir nba be bi paak na, ŋaan sɔɔ kaa ki saa jikitibi.

Hosea 13:2

Bi bia lek din ŋamii tuun yanbɔmm, ki dia salimpeena ki naan bonninnant ki jiantir, ki li tee nisaarik dudukit, nan nisaarik nuu toona; ki niib maŋ yeen a, “Ii mann maruŋ kii teen bonninnant na.” Nlee ki nisaarii saa fit mɔɔt tingbana maŋi, tingbana nba naan naajai na.

Hosea 4:16

Israel teeb tee tubkangbatae nan bonii nba tee biaŋinba na. Nlee ki n saa kpaarib nan pebis na mɔpaauŋ ni?

Sekaria 7:11

“Ŋaan n niib na din ki gbiinti; bi din nyar bi tubae,

Jɔɔnn 5:40

ŋaan ki i lek yêt yin baar n peŋ ki n turi manfoor maŋ.

1 Tesalonika teeb 5:21

ŋaan ii tuu mintaa ki bikin bonsiar kur, ki gaar linba ŋan,

Hiibru teeb 12:25

Li paak, ii mi man ki i yêt Yennu nba kpaani na mɔb, kimaan Israel teeb nba din yêt wunba din kpaamm tingbouŋ na ni mɔb na, Yennu din tan ki nyik bi tubdatu; ki ti-i yêt kpaanii nba nyii Yendɔuŋ ni na, ti tan saa teen nlee ki nyi tubdatu ni?

Fiitu 2:25

Ii dia man linba ki i mɔk na fanu, mɔkmɔk nan yoo nba ki n tan saa baar.