Jeremaya 8:14 - Yennu Gbouŋ Mɔɔr

¹⁴ Ki Yennu niib boi a, “Bee ki ti bia daa kari? Baat man ki tin chiar saan digbanpaara ni, ki saa kpo leŋ. Ti Yomdaanɔ Yennu-e chabit nan kuun, u turit lɔbiie a ti nyu, kimaan ti tun biirɔwa.

Jeremaya 8:14 Iomraidhean Croise

2 Samuel 20:6

Tɔn, ki kpanbar na yet Abisai a, “Mɔtana, Bikri bija Seba saa daamiit ki gar Absalom nba bo daamiita. Jiin kunkɔnkɔnna ki wei berɔ; nna-i kaa, u saa kɔɔ doi nba mɔk joonpaara na ni, ki botita.”

Yaŋ 39:2

Ki n ŋmin soon nna, ki ki yet siari, ki lek ki pak nan bonŋanna, ŋaan ki n fara na ŋamii pukii.

Yaŋ 69:21

Ki kon nba mɔkin yoo nba, ki bi turin lɔbii, ki nyunnyukuru soorin, ki bi turin damiituk.

Aisaya 47:5

Yennu bia din yet Babilonn a, “Ii kar bunbɔnn ni kii ŋmin. Bi ji kan yiina digbana poobati.

Jeremaya 14:20

Yennu, ti tun biirawa. Ti fiit ti tiɔŋ biit nan ti yeejamm biita.

Jeremaya 14:7

N niib bui ki fabin turin a, ‘Yennu, ti para ni beerit nan ti biira, ŋaan a sommit nan faa senn mɔsonn na. Ti nyika ki li wei bonchiann, ti tun biirawa.

Jeremaya 23:15

“Li paak, min Yabint Yennu nba piak linbae na, ki jiin n sɔkiniinba nba be Jerusalem po a: N saa turib jetont ki bin di, ki turib lɔbii ki bin nyu, kimaan ŋamme te ki tonu gbee tiŋ na kur po.”

Jeremaya 3:25

Li tee tin dɔɔr ti fei nie, ki ti fei maŋ n piinit. Timm nan ti yeejamm yɔɔ tuun ki biir ti Yomdaanɔ Yennu-e. Ti ki ban sak u sennii.”

Jeremaya 35:11

Ŋaan yoo nba ki kpanbar Nebukanesar lek tiŋ nae, ki ti dukin nan tin baar Jerusalem ki nyi Babilonia jab nan Asiria jab nuu ni. Ŋanne teen ki ti kar Jerusalem na.”

Jeremaya 9:14

Ŋaan bi teen tubkangbatae, ki jiantir tingbann Baal, nan bi baanba nba din wannib biaŋinba na.

Jeremaya 9:15

Li paak, gbiintir linba ki min Yabint Yennu nba tee Israel teeb Yennu yaa man tun. N saa tur n niib jeet nba ton ki bin di, ki bia turib lɔbii ki bin nyu.

Fabinii 3:19

Mi-i dukin n gbananyekitir po nan maa ki mɔk binbeboor na, li tee lɔbii nba tone.

Liifai teeb 10:3

Ki Moses yet Aarɔnn a, “Linba na boorue ki Yennu bo beerit na, ki yaa, ‘Daanɔ nba kur jiantirin, wuu baakitin nan barmɔnii, kimaan n tee kasiie. See ki n niib kur turin baakir.’ ” Ki Aarɔnn ki jiin siari.

Amos 6:10

Nikpiimɔ nba yen kpeemmɔ kuun maruŋ saa jii gbanankpeenn na ki nyinn ŋaak na ni. Ki nikpiimɔ na saa yiin boi wunba kur biar ŋaak na ni a, “Sɔɔ biar be nna na-a?” Ki nirɔ na saa jiin a, “Aaii.” Tɔn, ki nikpiimɔ na saa yet a, “Ii ŋmin. Ti soor ti mɔŋ, kii mi tin yiin Yennu sann gbaa.”

Habakuk 2:20

Yennu be u kasii Ŋasaakak ni; ŋaant ki sɔɔ kur nba be tingbouŋ na paak-ii tee soon nna u tɔɔnn.

Sekaria 2:13

Sɔɔ kur-ii ŋmin soon nna Yennu tɔɔnn, kimaan u saa nyi u kasii binbeboor na ki baar.

Matiu 27:34

ki bi jii daan nba ŋmat nan bonkobuk yan ki turɔ a wun nyu; ŋaan waa lemm yoo nba, ki u yêt nyunu.

Sennu 29:18

Ii mi man ki i jɔɔ, koo poo, koo i ŋaateeb, koo i booru niŋ nba see nna dinna na, ki wun yêt ti Yomdaanɔ Yennu, ŋaan jiant digbanlia yennii. Li-i tun nna, li sii tee nan lɔbuk nba tuu pia, ki u kur tee lɔbii nae.

Sennu 32:32

Ki bi datai na tuun ki biir nan Sodom nan Gomora teeb na, ki tee nan tilontii nba tuu lon lɔɔna ki li ton ki tee lɔbii na,