Jeremaya 8:10 - Yennu Gbouŋ Mɔɔr

¹⁰ Li paak, n saa jii bi kpaant na ki tur nigamme ki bii yen, ki jii bi poob na ki tur jagamm. Tarii nan nijaana kur loon bin tɔkin sɔnbiite ki la likirii. Mannteeb nan n sɔkiniinba gbaa ŋmaab niib nae.

Jeremaya 8:10 Iomraidhean Croise

JOB labaar 31:10

ŋann ki a ŋaan ki n ŋaapoo n kpant sɔɔ yɔɔ, kii biaki dɔɔ jalɔɔ gado paak.

Aisaya 28:7

Sɔkiniinba nan mannteeb na mɔŋ yib bonchiann, ki jat baantire. Bi nyuu daan booru booru bonchiann, ki ji be ŋmatir nie. Sɔkiniinba na yib halii, ki ji ki fit bant yirintu nba ki Yennu wantib na paak, ki mannteeb na mun yib halii, ki ji ki fit bu maan nba ki niib baat nann na.

Aisaya 57:17

N bo donn wutoor bi paak, kimaan bi biit nan bi jawuuk paak, ki n dat bi tuba ki nyɔr nyikib. Ŋaan ki bi tee tubkangbata, ki tukin saa bi tiɔŋ sɔnu.

Jeremaya 14:14

Ŋaan ki Yennu jiin a, “Sɔkiniinba na fae n sann ni; n ki tumm, koo ki turib mɔb, koo ki pakib siari. Baa laat linba ki piak na ki nyii n boor kaa, bi buntaa na tee bon-yana nba ki bi dukine.

Jeremaya 14:18

Mi-i kɔɔ muuk, n tuu la jab nba ki bi kpiib tɔb ni na gbanante, ki mi-i saan doi ni, man la ki niib kpenn kon. Yennu sɔkiniinba nan mannteeb na tuun toona, ŋaan bi ki mi baa tuun linba.”

Jeremaya 17:11

Daanɔ nba ŋmab likirii ki mɔkit tee nan korik nba wakin jena nba ki u ki ŋaa nae. U manfoor benu ni, see ki u mɔkint na tan boont, ki li joontu ni, u tan sii tee jatuko.

Jeremaya 22:17

Ŋaan fin kpan laat a ninfɔkin lommo. A kpi nikaat, ki dia tonu ki dint a niib biak. Yennu-e pak na.

Jeremaya 32:32

kimaan Jerusalem nan Juda teeb, nan bi kpanbara nan bi tɔɔndamm, nan mannteeb nan sɔkiniinba biit paak.

Jeremaya 38:22

Damiit maŋ ni, n la ki poob nba biar Juda naan ŋaak ni na, ki siab saa namm ki teen Babilonia kpanbar saakab na. Gbiintir linba ki poob na piak ŋaan saa a: ‘Kpanbar na yɔnanmɔmm nae turimɔ. Ŋamme diau tuntuna. Ki u taa nba ji fer bakir ni na, ki u yɔɔsnba yaat ŋaan nyikɔ.’ ”

Jeremaya 42:1

Ki kunkɔnkɔnna saakab na kur, ki pukin Karea bija Johanann, nan Hosaya bija Asaria, din baar nan nibooru kur ki tan pakin a,

Jeremaya 5:31

Yennu sɔkiniinba na fa faak kɔɔe; ki mannteeb na tuun nan sɔkiniinba nba wannib biaŋinba na, ki n niib ki mɔk siar ki saa paki. Ŋaan li joontu yoo-i baar, bi tan saa teen nlee?”

Fabinii 4:13

Ŋaan li din tan tume, kimaan Yennu sɔkiniinba nan mannteeb na din tun yanbɔmm, ki kpii binba ki tun toonbiit nawa.

Esekiel 33:31

Ŋanne ki bi kur tikir a boor a bin gbiint a maan, ŋaan ki ki tuun linba ki a wantibi. Bi want bi mɔŋ nan bi tee niŋamme, ŋaan ŋmaab leeb likirii ni, yoo kur.

Amos 5:11

I diin talas damm ki fiar bi jeet, li paak, i kan kɔɔ tana ŋaŋanii nba ki i maa na ni, ki bia kan nyu daan nba nyi tilontŋanii nba ki i bur na.

Maika 2:4

Li yoo-i baar, niib tan saa jii i maame, ki li tee bonbiir nba tee siara, ki bi saa yin parbiir yanii nba na ki jiin i po a: Li biirit fas fasa. Yennu gaar ti tiŋ, ki jii tur niib nba soorit ki teent yommii na.”

Maika 3:11

Doo na tɔɔndamm tee fobit damme, ki mannteeb na want sennu na ki gaan paauk, ki sɔkiniinba na fiitir woonin ni maan, ki gaan likirii li paak, ŋaan ki bi kura yaa Yennu be namm, ki yeen a, “Bonbiir kan baariti. Yennu be nant.”

Maika 3:5

Mɔmaan nba nae ki Yennu yeen sɔkiniinba nba turin u niib ki kpannib na, li-i tee ki sɔɔ dinnib ki bi gboo, bi tuu sat piisime li daanɔ paak, ŋaan sɔɔ-i kii fit dinnib, ki bi lorin tɔb u paak.

Habakuk 1:6

N yaa man tur Babilonn teeb nba tee nitont nan jatdamm na yiikooe. Bi saa lin durinya na ni, ki kɔn nyann tinlia.

Sefania 1:13

Bi datai saa fat bi mɔkint, ki bia bit bi ŋei. Bi ji kan ban kɔɔ bi ŋei nba ki bi maa na ni, koo ki nyu daan nba nyi tilontii kpaant nba ki bi ko na ni.”

Taitus 1:11

Li kpaa talas ki fan gɔɔr bi labaar maŋ, kimaan bi liklonbiiuk paak ki bi lin want niib linba ki ŋan nan bii want, ki ŋmat ŋasai niib dudukit.

Taitus 1:7

kimaan Masiaweira yudaanɔe yen Yennu toona. Li paak, li kpaa talas ki u daa mɔk biiti: U daa tee bongaann, koo wunba dont wutoor yann yanni, koo ki tee danyuuruk, koo kpikpiruk daanɔ, koo liklonbiiuk daanɔ.