Jeremaya 6:26 - Yennu Gbouŋ Mɔɔr

²⁶ Ki Yennu yet u niib a, “Ii lia bɔtoot liant man, kii birin tanpent ni. Ii mɔ nan parbiir man, nan i bija yemmir nba saa kpo ki yin mɔ kpemɔnii biaŋinba na, kimaan wunba yaa wun baar ki biiri na set saa lekiwa.

Jeremaya 6:26 Iomraidhean Croise

Pinpiik 21:16

ŋaan nyat saan waama ki saa kar. U din pak tur u mɔŋ a, “N kan fit kii gorii n bik na nan waa tan saa kpo-o.” U ji din jak mɔniie ki mɔ, waa kar siaminba maŋ.

JOB labaar 15:21

Jaŋmaansooruk fuut tan sii mɔ u tuba ni, ki fat-teeb tan saa lekɔ yoo nba ki u dukii nan u be u yamani na.

JOB labaar 2:8

Ki Job fiir saan kar tanpenn paak, ki jii sipachabir ki chat u mɔra na.

Aisaya 22:12

I Yomdaanɔ Yabint Yennu bo yii-i a yin bui ki fabin, ki koor i yut, ki lia parbiir liant.

Aisaya 22:4

Tɔn, nyikimin ki man bui n niib nba kpo na paak. A daa koor a fan maan n pari.

Aisaya 3:24

Bi ji kii sɔ tulaarii, bi tuu sii nubir pɔie; bi kii boob gbanŋana, ŋaan bi sii boob ŋmipianae; bi kii mɔk yuŋanti, bi sii tee yupaaniie; bi kii gbab chinchenŋana, bi sii gbab kparchante; bi fant na saa kpant feie.

Aisaya 30:13

I mɔk biit. I tee nan joonfoouk nba mɔk yiann ki saa sik tiŋ ni nae; i saa baae yiama.

Aisaya 32:11

I tuu be i yamanie, ki dudukdaauŋ ki waai, ŋaan mɔtana, ii jekir nan jaŋmaanii man. Liatir i tiat, ŋaan jii kparchant ki lor i sai ni.

Jeremaya 12:12

Jab saan tiŋ na kur poe a bin fat bona. N tun tɔbo a lin biir tiŋ na kur, ki sɔɔ kii be u yamani.

Jeremaya 13:17

Li-i tee ki i kan gbiint, n saa bɔr buiwa, kimaan i yuwannu paak. N saa bui bonchiann, ki n ninnyuut tan sii puube, kimaan baa yaat nan Yennu niib ki teemm yommii na paak.

Jeremaya 14:17

Ki Yennu wannin a n pak tur niib na ki jiin n parbiir po ki yet a, “N ninnyuut-ii luun yonnu nan nyiɔk. N kan nyik mɔnii, kimaan n niib la daŋ bonchiann ki li gbatiba.

Jeremaya 15:8

Pakɔi yab i tiŋ ni ki gar mɔkgbeŋir paak tanbiiniiwa. N kpii i naasimm bi paant nie, ki dinn bi naanba biak. N lekib nan biake nan biiru.

Jeremaya 18:22

Tumin biirteeb ki bin biir bi ŋei, yoo nba ki bi ki mi li po, ki bin bui nan jaŋmaanii. Bi gbiir bootuko a man baa leŋ, ki pii baruk a lin soorin.

Jeremaya 30:5

“N gbat yanputuk fuur, ki li ki tee parmaasir wuyikinii kaa, ŋaan tee jaŋmaanii wuyikiniie.

Jeremaya 4:11

Yoo baat, ki Jerusalem teeb saa gbat nan wontouŋ da ki nyii kunkoouk paak, ki baat bi paak. Li kii tee wonŋauŋ nba jikit fouŋ kɔɔ kaa;

Jeremaya 4:20

Biak yenn tuu gare, ki leer waa. Tiŋ na kur tee langbente. Ti ŋei na biira, ki li mɔpina na pat pat.

Jeremaya 4:8

Li paak, lian bɔtoot liant man, kii mɔ kii fabin, kimaan Yennu wutochiɔŋ na ki nyik Juda.

Jeremaya 6:14

Bi tee nan n niib danii na tee sankpanpui nae, ki yeen a, ‘Li kur ŋan,’ ŋaan ki li ki ŋani.

Jeremaya 8:19

Gbiintir. N gbia n niib wuyikinii tiŋ na munn po a, “Yennu ji kaa Sayɔnne-e? Sayɔnn kpanbar na ji kaa leŋe-e?” Ki Yennu nba tee bi kpanbar na jiin a, “Bee ki i jiantir i pata, ki gbaa jiantir boorganii yennii nba kaa nyɔɔt na, ki donn n wutoori?”

Jeremaya 8:21

N niib nba la biiru na paak teen ki n par biir. N mɔ kpemɔniie, n ki mɔk parmaasir nan waama.

Jeremaya 9:1

N sunman ki n yur bo tee bunbunne, ki n ninbina tee ninnyuut nyuntonn, ki man bo bui n niib nba ki bi kpiib na paak, yonnu nan nyiɔk.

Jeremaya 9:10

Ki n yet a, “N saa fabin kunkona paaka, ki mɔ mɔmaatuk paak, kimaan bi koora, ki sɔɔ ji ki gaar bi ni, sɔɔ ji ki gbia nei mɔnii, ki nɔɔnii nan muuk ni bonkobit chiar yaat.”

Fabinii 1:16

“Li paake teen ki n ninbina luun ninnyuut yoo kur. Sɔɔ kaa ki saa fit maan n pari. Sɔɔ kaa ki saa fit chee n par. N datai nyannima; n niib na ji ki biar nan siari.

Fabinii 1:2

U tuu bui nyɔtunmunn, ki ninnyuut lɔ siik u kpianii ni, ki u yɔkperii na kur, sɔɔ ki biar ki saa maan u pari. Ki u tɔknanleeb na kur gbii u paak, ki ji tee u datai.

Fabinii 2:11

Ki n ninbina ji bak nan mɔnii; ki n kpak nyann. N ji bake nan ninbaatir, kimaan n niib nba kpo na paak. Ki waas nan sanpantii kpenn doo na sɔnjot ni.

Fabinii 3:16

Ki u duur n numm nan tiŋ, ki kɔnn n nyana tana paak.

Fabinii 3:48

Ki ninnyuut nyi n ninbina ni ki puub nan kpenu na, kimaan n niib biiru na paak.

Fabinii 4:10

Biiru nba din baar n niib paak na mɔk jaŋmaansooruk, ki bi naanba tan tat ŋaa bi waas ki ŋman.

Fabinii 4:3

Naamunaaŋ gbaa, u tuu mɔɔnt u bonbis, ŋaan ki n niib na ŋarin tee nan naamiɔŋ na ki ton nan bi bonbis.

Fabinii 4:6

Ki n niib na la tubdatu, ki li gar Sodom teeb nba din la biiru nba nyii Yennu boor yiama na.

Amos 8:10

N saa te ki i jaamm maruŋ na n kpant kuun maruŋ. N saa lebit i parpeenn yanii ki teen parbiir wuyikinii. N saa te ki yin koor i yut ŋaan lia bɔtoot liant, ki i sii tee nan bidaanɔ nba tuu bui ki fabin, u biyemmir kuun paak biaŋinba na. Yoo maŋ tan sii tone nan li joontu.

Jona 3:6

Ninefe bat nba din gbat nna, u din fiir u naan binbintir paake, ki liat u naan liant, ŋaan lia bɔtoliant, ki puk tanpent.

Sekaria 12:10

“N tan saa tur Defid yaaboona nan nileeb nba be Jerusalem na ninbatinu seek, nan miaru seek. Bi saa got wunba ki bi ŋmuu-u kpann na, ki bui fabin u paak, nan binba tuu fabin bi biyemmir kuun paak biaŋinba na. Bi saa bui ki fabin nan parbiir, nan binba ki bi sinsinn bonjak tuu kpo na.

Barŋanii nba ki LUK din sɔb nae na 7:12

Waa din saa baar doo maŋ tammɔb ni yoo nba, ki u la ki niib bonchiann nyii doo maŋ ni ki jii kuun a bin saan pii. Kpeemmɔ maŋ naa din tee pakɔɔke; ŋɔɔe tee u bijayemmir.

Jeems 4:9

Ii mɔk parbiir kii bui kii fabin i biit paak; i ji daa laa, ii mɔ man; ki ŋaan ki i parpeenn n kpant parbiir.

Jeems 5:1

Yimm gordamm, gbiintir man. Ii mɔ man kii fabin, kimaan biak nba baat i paak na.