Jeremaya 52:18 - Yennu Gbouŋ Mɔɔr

¹⁸ Bi bia din jii sipiat nan tanpenŋmant nba ki bi tuu ŋamii maruŋ binbintir ki tee leŋ na, nan linba ki bi tuu dia ki ŋamii fita na, nan senii nba ki bi tuu dia ki tek maruŋ bonkobit sɔn na, nan senii nba ki bi tuu dia ki jokit bonnunubit na, nan kutmɔnt bonlia nba biar, ki bi tuu dia ki tuun nann Yenjiantu Ŋasaakak ni toona na.

Jeremaya 52:18 Iomraidhean Croise

1 Kpanbara 7:40

Huram bia din ŋamm boba nan sofira nan senii. U din gbenn toonn kur nba be Yennu ŋasaakak na ni, ki kpanbar Solomonn wannɔ a wun tun na. Waa din tun linba maŋe na: Toota ŋanlee nan li bona nba naan ŋmanii ki be toota na paak, nan jarit nba ki bi luur ki li tuuk leer na, ki paan dachaatir kur paak nan kutmɔnt tilɔɔna kobii ŋanna, ki li kur tɔɔ chaabii ŋanlee-lee, ki lint dachaatir kur, nan torit piik nan tatilaŋmanbana piik nan nyunbuuk nan naajai ninnant piik nan banlee, ki bi deen nyunbuuk na, nan boba nan sofira nan senii. Huram din jii kutmɔnte ki ŋamm bona nba na kur ki tur kpanbar Solomonn, a lii be Yenjiantu ŋasaakak na ni.

1 Kpanbara 7:50

nan nyubitii, nan fita bonŋmakint kara, nan senii, nan senii nba ki bi sii jokit bonnunubit leŋ, nan sipai nba ki bi mɔi muu, nan kasii yaa kasii diiuk na gantabita, nan Yenjiantu ŋasaakak na nanyer po gantabita. Bi din ŋamm linba na kur nan salimae.

1 Barkperii 28:17

U bia din wannib baa saa jii salinŋana ki li yab biaŋinba, ki ŋamm li diitmɔyaarii nan senii nan boba, nan baa bia saa jii salimpeena nan salimmɔna ki li yab biaŋinba ki ŋamm senii,

2 Barkperii 4:11

Huram mun bia din ŋamm boba nan sofira nan senii. U din gbenn bona nba ki u sat mɔb ki tur kpanbar Solomonn nan u saa ŋamm ki tur ŋasaakak na. Li din tee: toota ŋanlee, nan li yura ŋanlee nba naan senii, ki tɔɔ toota na paak, nan kut jarit nba ki bi luu ki paa toota yura paak, nan kutmɔnt lɔɔna kobii ŋanna, ki li kur tɔɔ chaabii ŋanlee-lee, ki lint toota na yura paak, nan torit piik, nan tatilaŋmanbana piik, nan nyunbuuk, nan naajai ninnant piik nan ŋanlee nba ki nyunbuuk tɔɔ li paak na, nan boba nan sofira nan diitmɔyaarii. Huram, wunba tee nuu toontunna saakɔɔ nae, din jii kutmɔnt nba ki bi ŋammir ki nan bona nba na kur, nan kpanbar Solomonn nba din wannɔ a wun ŋammir, ki bii diar Yenjiantu ŋasaakak ni biaŋinba na.

2 Barkperii 4:22

nan fita bonŋmakint-kara, nan senii, nan sipiat nba sii tee bonnunubit li ni, nan tatilaat nba sii jikin musankɔɔna. Bi din jii salinŋanae ki nan linba na kur. Yenjiantu ŋasaakak na nanyer po gana, nan Kasii yaa Kasii boor gana na, bi din taanir salimae.

Nyinu 25:29

ki jii salinŋana ki maa saaŋmanii nan senii, ki bia maa sɔborii nan nyubitii, ki bii dia kii mann daan maruŋ.

Nyinu 25:38

A jii salima nba ŋan ki kur li fita babitii nan sipai.

Nyinu 27:3

ki jii kutmɔnt ki ŋamm binbintir na bona kur nba tee kutsɔnt, ki bi sii wo tanpent nan li sofira, nan kutsɔnt nba ki bi sii diar ki jikin sɔn, nan diitmɔyaarii nba sii lot nant, nan kutsɔnt nba ki i sii mɔi muu,

Nyinu 37:16

ki jii salinŋana ki maa bona ki bi sii tɔɔ teebul na paak. Ŋanne tee sɔborii, nan senii, nan siarii, nan saaŋmanii, nan nyubitii nba ki bi sii dia mɔ daan.

Nyinu 37:23

ki jii salima ki kur fita ŋanlore, a bin tɔɔn fitsentir na paak, ki bia kur li babitii nan li sipai,

Nyinu 38:3

ki jii kutmɔnt ki ŋamm binbintir na bona kur, li kutsɔnt nba sii wo tanpent, nan li sofira, nan kutsɔnt nba ki bi dia jikin sɔn, nan diit mɔyaarii nba sii dia lot nant, nan kutsɔnt nba ki bi sii mɔi muu,

Nikant 4:14

ki paan tiat nba kur ki bi dia ki tuun nann toonn na li paak, li musipiat, nan kpalɔkitii, nan sofira, nan tatilaat, ki bakin gbounfabirkar, ŋaan tuun dasoorkara.

Nikant 4:7

Bi bia saa lat chinchenbɔnwuwur teebul nba ki bi paa boroboro nba teen Yennu na paak. Bin tɔɔn kut sɔnii, nan bonnunubit senii, nan Yenpiinii senii, nan Yenpiinii dasɔɔ na li paak. Boroboro-ii tuu kii paa teebul na paak yoo kur.