Jeremaya 51:9 - Yennu Gbouŋ Mɔɔr

⁹ Boorganu nba be leŋ na yet a, ‘Ti yabir a tin somm Babilonn, ŋaan sɔɔ yoo gara. Ŋaant ki tin nyik ŋaan ŋmat kun. Yennu jii u paŋ kure ki dat Babilonn tubir ki biirir chain chain.’ ”

Jeremaya 51:9 Iomraidhean Croise

2 Barkperii 28:9

Yennu sɔkinii din be ki bi yiu Oded, ki u kɔɔ Samaria doo ni. U din chet Israel kunkɔnkɔnna nba ŋmat kun Samaria nan Juda teeb nba tee yommii na, ki bi yaa bin kɔɔ doo ni, ki u yetib a, “I yeejamm Yomdaanɔ Yennu donn wutoor Juda teeb paak, ki te ki i kɔn nyannib, ŋaan u ji tan la yaa kpiib bonchiann biaŋinbawa.

Esra 9:6

ki yet a, “Yennu, fei mɔkin bonchiann nan man donn n yur a tɔɔnn po. Ti yanbɔmm na kpek ki yab ki fɔk gar ti yurawa, li fɔk ki baar sanpagbanta.

Aisaya 13:14

“Boorganu nba kar Babilonn saa chiar kun bi dantinii ni, ki yat nan piarii nba tuu tiin a bin bot waarib na, koo pei nba kaa pekpaarik na.

Aisaya 47:15

Ninnyɔdamm nba ki a gaan kpaanii bi boor bisin niwa na, bi kur saa yaat ŋaan nyika, ki sɔɔ kan biar ki tinna.”

Jeremaya 46:16

I jab gbiate ki baa, ki yenɔ tuu pak u lɔɔ a, ‘Kakitir; ŋaant tin kun ti niib boor, ki nyi ti datai takoobii ni.’

Jeremaya 46:21

U jab nba ki u jɔɔmm na gbar nan naabis nae. Bi ki set ki kɔni, bi kur ŋmat chiare. Bi biiru daar baara, bi boontu yoo baara.

Jeremaya 50:16

I daa te ki bi buur jeet tiŋ maŋ ni, koo ki jaan jeet. Saamɔ nba kur be leŋ, jaŋmaanii saa soorɔ nan jab nba lekin na, ki u saa ŋmat kun u doo ni.”

Jeremaya 8:20

Ki niib na yikin a, “Sakoouk gara, ki jaauŋ bia gara, ŋaan ti ki tinni.”

Hosea 7:13

“Bi boonta, kimaan baa nyikin na paak. Biiru saa baarib, kimaan baa yêtin na paak. N bo loon man tinnibe, ŋaan ki bi fa faak ki teenin.

Fiitu 18:4

Ŋanne ki n bia gbat kunkɔsiar nyii Yendɔuŋ ni ki yeen a, “N niib, nyint i mɔŋ u ni man, ki daa lakin tuun toonbiit nanɔ, ki u biit maŋ tubdatu daa taabitini,

Fiitu 18:5

kimaan u biit na doo ki baar sanpaaka, ki Yennu tian u biit maŋ po.