Jeremaya 51:8 - Yennu Gbouŋ Mɔɔr

⁸ Babilonn baae ki boont. Ii mɔ li kpemɔnii man. Ii kpaan tebuk ki teen li fiat na, li pasiar li saa buura.

Jeremaya 51:8 Iomraidhean Croise

Aisaya 21:9

Mɔtana, jabe jak taanii banlee-lee ki baat na. Ki tammɔguurɔ na yet a, “Babilonn baawa. Tingbana nba ki bi jiantir na kur biire, ki dɔɔ yarik yarik tiŋ ni.”

Aisaya 47:11

Ninbɔŋ saa baara, ki a nyɔkii na nan yenna kan fit gɔɔrir. Biiru saa kpir baar a paak, ki tee biiru nba ki a ki ban dukin li po.

Aisaya 47:9

Ŋaan dayenn kɔɔ ni, yoo waaminnae, ki bona ŋanlee na kur saa kpab tun. Nan a nyɔku nba ki a tee na kur, ŋaan a saa kɔŋ a sɔrɔ nan a waasa.

Jeremaya 46:11

Ijipt teeb, ii saa Gilead tiŋ ni ki saa lon tebuk. I tebuk na kur tee yanne; siar kaa ki saa turi laafia.

Jeremaya 48:20

Bi saa turi gatu a, ‘Moab tiŋ baawa. Ii mɔ u paak man; u dii feiwa. Ii kokin Arnonn mɔkir ki mɔɔnt nan bi biir Moab-a.’

Jeremaya 48:31

Li paak, n saa bui wunba kur be Moab tiŋ ni paak, nan niib nba be Kir Heres doo ni na paak.

Jeremaya 50:2

“Pakin maan maŋ ki tur digbana. A mɔɔntir. Turin nyinn ki mɔɔnt maan maŋ. A daa te ki li tee bunbɔr maami. Babilonn baawa. Bi biir u tingbann nba tee Marduk nawa. Babilonn tingbana dii feiwa, u bonninnanbiit na yeera.

Jeremaya 51:41

Ki Yennu pak jiin Babilonn po a, “Bi nyann doo nba ki durinya tuu dontirɔ nawa. Babilonn ji tee siaminba mɔk jaŋmaansooruko ki tur digbana.

Jeremaya 8:22

Tebuk kaa Gilead yent ni-i? Tebira kaa leŋe-e? Ki bee teen ki n niib ki la laafia?

Esekiel 30:2

“Nisaarik, pakin ki mɔɔnt maan nba ki min Yabint Yennu yeen na. A pak mɔmaan na nan kunkɔpaarir a: ‘Biiru daar baate.

Daniel 5:24

Li paake teen ki Yennu tun nuu na a lin sɔb mɔmaan na.

Daniel 5:31

Ki Darius, wunba tee Mede nirɔ na din gaar u naan yent, ki tee bina piinloob nan ŋanlee.

Nahum 3:19

A danii na kaa tebuku, ki a fiat na kan ban buri. Niib nba kur gbat nan biiru baara, ki bi poi niipoot ki kpamm. Nirɔ din fit nyii a tonu nba kaa gbennu na niwa-a?

Fiitu 14:8

Ki malaka nba pukin banlee na wei, ki yet a, “Dogbeŋir Babilonn na baawa, u din te ki nibooru kur tun chonchonsin, li paak ki Yennu wutoor doo.”

Fiitu 18:2

ki u yeen nan kunkɔsaakar a “Dogbeŋir Babilonn na baawa, li set baawa, ki ji kpant siaminba ki narinbiit kur, nan nɔɔnbiit nba mɔk sinsint na be.