Jeremaya 51:56 - Yennu Gbouŋ Mɔɔr

⁵⁶ Bi baar ki biir Babilonn-e, ki nyann li jab, ki bia kɔnn bi tɔrbanawa. N tee Yennu nba daar biit damm tubae, ki saa tun Babilonn linba jaŋɔ.

Jeremaya 51:56 Iomraidhean Croise

Pinpiik 49:24

ŋaan u tɔrbann tuu biar ki waki, ki u kpinkpant bia daa tuu mɔk paŋ. Yabint daanɔ nba tee u baa Jakɔb Yennu-e teenɔ paŋ, ki li nyii ŋɔɔ Yennu, wunba tee Israel teeb gɔɔrtɔɔ, ki diab nan pekpaarik na boor.

Yaŋ 137:8

Babilonn doo, bi saa biirawa. Parpeenn sii be daansɔɔ nba pa-a faa daan tun linba ki turit na paak,

Yaŋ 37:15

ŋaan bi tiɔŋ jukbanjai maŋe saa kpib, ki bi tɔrbana n bia kɔnn.

Yaŋ 46:9

U te tɔbii gbent tingbouŋ na kur po, ki kɔnii tɔrbana, ki jintir kpana, ki bia jokit naagbankɔŋa muu,

Yaŋ 76:3

Leŋe ki u kɔnn datai na peenii, ki kɔnn bi naagbankɔŋa nan jukbanjai, barmɔnii, u bia kɔnn bi jatiat kurawa.

Aisaya 21:2

Ki yirintu maŋ ni, ki n la bonbiir tun, ki tee fikitu nan biiru. Elam kunkɔnkɔnna, lekin man. Media kunkɔnkɔnna, dɔɔt ki lint doi na. Yennu saa gɔɔr fara nba ki Babilonn te li baar nawa.

Aisaya 34:8

Yoo nba nae ki Yennu saa fat Sayɔnn doo, ki kɔn nan li datai.

Aisaya 35:4

Pakin wunba kur ki mɔk tama a, “Ii mɔk paŋ ki daa tiin jaŋmaanii, Yennu baate a wun tinna, u baate a wun dat a datai tuba.”

Aisaya 59:18

U saa dat u datai tuba nan bi toona nba tee biaŋinba nae, nan binba be banfɔka na gbaa.

Jeremaya 49:35

U din yet a, “N saa kpi tɔrbantɔɔra nba te ki Elam mɔk paŋ na kure.

Jeremaya 50:10

Bi saa jii Babilonn faar, ki binba jii maŋ saa jii linba kur ki bi loon. Min Yennu-e pak na.”

Jeremaya 50:36

Kuun be u faak sɔkiniinba na paak. Bi tee jatite. Kuun be u jab paak. Bi mɔk jaŋmaanchiɔŋ.

Jeremaya 51:24

Ki Yennu yet a, “I saa la ki n pa jiin Babilonn nan li niib, biit nba kur ki bi tun tur Jerusalem na paak.

Jeremaya 51:30

Babilonn jab nyik kɔnna, ŋaan ji be bi ŋapaara nie. Bi para kpoe, ki bi ji tee nan poob na. Bi yeer doo na tammɔiwa, ki joo ŋei na muu.

Jeremaya 51:48

Linba kur be tingbouŋ na paak nan sanpagbant ni saa hoot nan kpinkpammuk, yoo nba ki Babilonn saa kɔɔ jab nba nyii gaŋ po ki baar a bin biirir na nuu ni.

Jeremaya 51:53

Li-i lekii tee ki Babilonn bo saa fit do ki saa maa ŋacheenn sanpaapo, ŋaan n bia bo saa tun niib leŋ ki bin saan yeer ŋaak maŋa. Min Yennu-e pak na.”

Jeremaya 51:6

Chiat ki nyi Babilonn man. Tinin, ki tinn i manfoor man. I daa te ki bi kpi-i Babilonn teeb biit paaki. N pa bi panne, ki daar bi tuba nan laa jaŋib na.

Fabinii 3:64

“Yennu, a dat bi tuba baa tun linba na paak.

Esekiel 39:3

Ki n saa faa u tɔrbann na ki nyinn u niigaŋ ni, ki bia faa u peenii ki nyinn u niidiitu ni.

Esekiel 39:9

Niib nba kɔɔ Israel doi ni na tan saa nyi, ki tɔkir kunkɔntiat nba ki bi datai nyik na, ki kuunir muu. Bi saa tikir naagbankɔŋa, nan tɔrbana nan peenii, nan kpana, nan gbajara na, ki lii tee dakuunkat ki saa tuu bina ŋanlore.

Amos 2:15

Ki tɔrbantɔɔra tan kan seti, ki nantatinna tan kan chiar paaki, ki jab nba jak taanii na tan kan tinn bi manfoa.

Obadia 1:15

“Daar nba ki min Yennu saa bu digbana kur buut na per na. Edom, faa tun linba, bi saa tun nnae ki jiina. A toona saa ŋmat a yur paake.

Habakuk 2:8

I din fat digbana bonchiann niib mɔkint, ŋaan binba din tenn ki mɔk manfoa na, ŋamme saa fat i mɔkint mɔtana, kimaan yaa din kpii niib nba na, nan yaa din biir niib nba be durinya na ni, nan li doi na paak.

Sennu 32:35

Yennu saa ŋmant bi paak ki dat bi tubawa; yoo baate ki bi saa ŋat baa, bi biiru daar per na.

2 Tesalonika teeb 1:6

Yennu-e tuun linba took; u saa te ki binba dinti fara maŋ n mun di fara nnae,

Fiitu 17:16

a yina piik nba ki n la na, ŋamm nan bonkobuk na sii nan poochonchonn na, ki fat linba kur ki u mɔk na ki nyikɔ gbananbir, ki pat u gbanant ki ŋman, ki bia joou muu,

Fiitu 18:20

Yendɔuŋ ni teeb, nan Yennu niib, nan u sɔkiniinba, nan Yiisa toomiinba, ii mɔk parpeenn man, kimaan Yennu bu dogbeŋir maŋ buut ki biirɔ ki turiwa.

Fiitu 19:2

ki u buut ŋan ki bia tee mamɔmm; ki u bu poochonchonbiiuk nba biir tingbouŋ na nan u chonchonsin na buut, ki dat u tubir, waa kpii ŋɔɔ Yennu toontunna na paak.”

1 Samuel 2:4

Kunkɔnkɔnpaara tɔrbana cheene, ŋaan binba ki paar na laat paŋe ki pukii.