Jeremaya 51:35 - Yennu Gbouŋ Mɔɔr

³⁵ Ŋaant ki Sayɔnn niib n yet a, “Biiru nba baarit na kur nyiiruk n baa Babilonn paak.” Ŋaant ki Jerusalem niib n yet a, “Biak nba kur ki ti dii na nyiiruk n baa Babilonn paak.”

Jeremaya 51:35 Iomraidhean Croise

Pinpiik 16:5

Ŋanne ki Sarai yet Abram a, “Fine baar nan biit nba ki n di li fara na. Mine jii n daabir ki teen a nuu ni, ki mɔtana, waa bann nan u mɔk poor na, ki u ji yisimin. Yennu-e saa bu min nan fin buut.”

Yaŋ 12:5

Ŋaan Yennu yeen a, “N saa baar mɔtana, kimaan talas damm di biake, ki binba be mabir ni na kurii nan gbananyekitir. N saa turib yandɔɔnn binbeŋ nba ki bi tuu daan nawa.”

Yaŋ 9:12

Yennu tian daansiab nba be fara niŋ na po, u ki tammit bi mɔnii po, u daar binba dintib biak na tuba.

Jeremaya 50:10

Bi saa jii Babilonn faar, ki binba jii maŋ saa jii linba kur ki bi loon. Min Yennu-e pak na.”

Jeremaya 50:29

“Pakin tɔrbantɔɔra na ki bin lek Babilonn. A te ki wunba kur saa fit tɔ tɔrbann ki wun saan. Loont doo na ki daa te sɔɔ nyi. Ii pa linba ki bi tun, ki jiinib ki tumm nan baa teen leeb na, kimaan bi tun nan yuwannue ki tur min Israel teeb kasii Yennu.

Jeremaya 51:24

Ki Yennu yet a, “I saa la ki n pa jiin Babilonn nan li niib, biit nba kur ki bi tun tur Jerusalem na paak.

Fabinii 1:22

“A pak biirib bi tonu na paak; a dat bi tuba nan faa dat n tubir n toonbiit paak biaŋinba na. N kurii nan ninbaatire, ki gbee nan parbiir.”

Habakuk 2:17

I chɔɔ Lebanonn tijara nawa, ki siab mun saa chɔɔi mɔtana. I kpii leŋ bonkobita, mɔtana, bonkobite ji sii jeenti. Linba na tan saa teen, kimaan niib nba ki i kpiib na paak, nan kpikpiruk nba ki i baar nann durinya na niib paak, ki biir bi doi na.

Sekaria 1:15

Ŋaan n wutoor doo digbanlia nba be parmaasir nan bi yamani na paak bonchiann, kimaan yoo nba ki n wutoor doo waan, n niib paak na, digbana maŋe daan te ki n niib maŋ wahala ŋamii pukii.

Matiu 7:2

kimaan yaa bu leeb buut biaŋinba na, nnae ki Yennu mun tan saa bu i buut; biaŋinba ki i bikii teen i leeb na, nnae ki Yennu mun saa bikin turi.

Jeems 2:13

Binba ki tin bi leeb ninbaauk, Yennu saa bu bi buut ki kan tinib ninbaauku; ŋaan ninbatinue nyant tubdatu.

Fiitu 16:6

kimaan baa kpii a niib nan a sɔkiniinba nae, ki a jii sɔn ki turib a bin nyu. Ŋanne jaŋ namm.”

Fiitu 18:20

Yendɔuŋ ni teeb, nan Yennu niib, nan u sɔkiniinba, nan Yiisa toomiinba, ii mɔk parpeenn man, kimaan Yennu bu dogbeŋir maŋ buut ki biirɔ ki turiwa.

Fiitu 18:6

Tɔn, bin mun tun ki jiinɔ nan waa tuu tuun biaŋinba na, ki pau u biit pann taar munlee, ki dat u tubir bonbiir, kimaan u te ki niib tun toonbiit bonchiann.

Fiitu 6:10

ki yikin sanpaapo ki yeen a, “Ti Yomdaanɔ Yennu, fin nba tee popeendaanɔ ki bia tee barmɔnii daanɔ, li saa yukir nleewa ki a tan bu tingbouŋ na niib buut ki dat bi tuba, baa kpiit na paaki?”

Barbuura 9:20

Ŋaan li-i kii tee nnai kaa, muu n nyi Abimelek boor ni ki di boont Sekem teeb nan Bef-milo teeb, ki bia nyi Sekem teeb nan Bef-milo teeb boa ki di boont Abimelek.”

Barbuura 9:24

Yennu din te ki linba na tun, a lin te Abimelek nan Sekem teeb nba din te ki u kpii Gideonn bonjai piinlore n la tubdatue li paak.