Jeremaya 51:29 - Yennu Gbouŋ Mɔɔr

²⁹ Tingbouŋ na jekire nan jaŋmaanii, kimaan Yennu tuun u lor nba ki u yaa wun kpant Babilonn kunkoouk nae, ki sɔɔ kan kar leŋi.

Jeremaya 51:29 Iomraidhean Croise

Aisaya 14:16

Kpeemm saa gota nan yaarlituko. Bi saa boi a, “Jɔɔ nba din nik tingbouŋ ki te digbana jek nae na-a?

Aisaya 24:20

Tingbouŋ maŋ saa niŋ nan dayibirɔ nae, ki saa laŋ nan wouŋ nba tuu laŋ lanbouŋ biaŋinba na. Durinya na biit kpiakire, ki saa te lin baa ki kan ban fiiri.

Jeremaya 10:10

Ŋaan fin Yennu-e tee barmɔnii Yennu, ki tee Yennu nba fo na, ki bia tee kpanbar yaayoo siiyoo. A wutoor-i doo yoo nba, durinya tuu jekire; digbana kan fit dia a wutoor.

Jeremaya 50:13

N wutoor paak, sɔɔ kan kar Babilonn, li sii tee langbente, ki wunba gar leŋ kur saa jek, ki li saa yaar litɔ.

Jeremaya 50:36

Kuun be u faak sɔkiniinba na paak. Bi tee jatite. Kuun be u jab paak. Bi mɔk jaŋmaanchiɔŋ.

Jeremaya 50:43

Babilonn kpanbar gbat labaar nawa, ki u nii sɔɔne. Yanputuk nyannɔwa, ki li tonu tee nan poo nba kar matdaaŋ paak na.

Jeremaya 50:45

Li paak, gbiintir man bonbiir nba ki n lor Babilonn doo paak, nan maa loon man tun linba ki tur li niib. Bi saa soor bi waas gbaa ki yaat namm, ki li saa soor sɔɔ kur jaŋmaanii.

Jeremaya 50:46

Babilonn-i baa yoo nba, fuur saa fu bonchiann, ki tingbouŋ kur saa jek, ki niib wuyikinii saa gbat digbanlia ni.”

Jeremaya 51:26

Sɔɔ kan ban jii a langbent ni tana ki maa ŋaaki. A sii tee nan kunkoouk nae yoo kur. Min Yennu-e pak na.

Jeremaya 51:28

Teent niib na tɔb siir ki took Babilonn. Tumin ki boi Media kpanbara po, nan bi tɔɔndamm nan bi saakab po, nan digbana nba kur ki bi dia na jab po.

Jeremaya 51:37

Tiŋ maŋ saa kpant langbent, ki muuk ni bonkobit sii be leŋ. Leŋ sii tee jaŋmaansooruk boore, ki sɔɔ kan kar leŋ, ki wunba kur lar, jaŋmaanii saa soorɔ.

Jeremaya 51:43

Doi na kpant jaŋmaansooruk boore, ki tee nan kunkoouk nba kaa nyun, ki niib ki kɔɔ leŋ, ki bia ki gaar leŋ na.

Jeremaya 8:16

Ti datai poŋ ji be Dann doo niŋe, ki ti gbia bi taanii wuyikinii. Tiŋ na kur tuu jekire, yoo nba ki bi taanii mɔ. Ti datai baar a bin biir ti tiŋ, nan linba be leŋ kur, nan ti doo, nan li niib.”

Joel 2:10

Baa baar yoo nba, ki tiŋ jek, ki sanpagbouŋ waa gbar gbar, ki yonnu nan ŋmaarik bɔnn, ki ŋmaabira ji ki nyiiri.

Amos 8:8

ki li saa te tiŋ n damm, ki wunba kur be tiŋ na paak saa di wahala, ki tiŋ na kur saa jekir, ki li saa pukir do ki tan maak, nan Ijipt mɔkir nba tuu pukir ki maakit biaŋinba na.

Fiitu 18:2

ki u yeen nan kunkɔsaakar a “Dogbeŋir Babilonn na baawa, li set baawa, ki ji kpant siaminba ki narinbiit kur, nan nɔɔnbiit nba mɔk sinsint na be.