Jeremaya 50:9 - Yennu Gbouŋ Mɔɔr

⁹ N saa fiin digbanpaara nba be gaŋ po ki te bin lek Babilonn. Bi saa set jatuk ki took digbann na ki nyannir. Bi tee waara nba mi waaruko, ki tɔ bi peenii ki li ki nɔrii baa bɔɔr siaminba.

Jeremaya 50:9 Iomraidhean Croise

2 Samuel 1:22

Jonatann tɔrbann din tuu paar bonchiann, ki Sɔɔl jukbanjiak ki mɔk ninbatinu, ki faa bonpaarit ki birin, ki kpi datai.

Yankpaŋii 3:8

Ki bi kur dia jukbanjai, ki mi kɔnn fanu. Ki sɔɔ kur dia u jukbanjiak, ki teen siir ki guu kpikpiruk nba tan saa mann baar nyiɔk.

Aisaya 21:2

Ki yirintu maŋ ni, ki n la bonbiir tun, ki tee fikitu nan biiru. Elam kunkɔnkɔnna, lekin man. Media kunkɔnkɔnna, dɔɔt ki lint doi na. Yennu saa gɔɔr fara nba ki Babilonn te li baar nawa.

Aisaya 41:25

“N gann jasɔɔ, ki u be yondo po. N saa baar nanɔ ki wun tan piin gaŋ po ki lek. U ŋmaat doo diara nan tanmaatit nae, ki bia tee nan yɔkmaarɔ nba tuu ŋmaat yɔk tant biaŋinba na.

Jeremaya 15:14

N saa te ki bin teen daaba ki tur bi datai, tiŋ nba ki bi ki mi na ni, kimaan n wutoor di nan muu nae, ki kaa kpeenu.”

Jeremaya 25:14

N saa pa jiin Babilonn teeb linba ki bi tun na paak, ki bi sii tee yommii ki tur digbana bonchiann nan kpanbarjaana.’ ”

Jeremaya 50:14

“Tɔrbantɔɔra, setir chunchuuntuk ki teen siir nan tɔb, ki ŋaa loon Babilonn maŋ. Ii tɔ Babilonn i peenii na kur, kimaan u tun biir min nba tee Yennu nawa.

Jeremaya 50:21

Ki Yennu yet a, “Lekin Merataim teeb nan Pekod teeb. Ii kpib ki biirib. Ii tun linba kur ki n wanni. Min Yennu-e pak na.

Jeremaya 50:26

Ii lekir li munn po ki loon siaminba ki li jeet dɔɔ na. Ii poon linba ki i jii na nan baa tuu poon jeet na. Ii biir tiŋ na, ki daa nyikin siari.

Jeremaya 50:29

“Pakin tɔrbantɔɔra na ki bin lek Babilonn. A te ki wunba kur saa fit tɔ tɔrbann ki wun saan. Loont doo na ki daa te sɔɔ nyi. Ii pa linba ki bi tun, ki jiinib ki tumm nan baa teen leeb na, kimaan bi tun nan yuwannue ki tur min Israel teeb kasii Yennu.

Jeremaya 50:3

“Digbann jab nyii gaŋ po ki baar a bin lek Babilonn, ki kpantir kunkoouk. Niib nan bonkobit saa chiar yaat, ki sɔɔ kan kar leŋi.”

Jeremaya 51:11

Yennu fiin Media kpanbarawa, kimaan u loon wun biir Babilonn-e, waa saa teen biaŋinba ki pa u Ŋasaakak biiru paake na. Lek teeb saakab na tur mɔb a, “Ŋatir i peenii man. Teent siir nan i naagbankɔŋa man.