Jeremaya 50:6 - Yennu Gbouŋ Mɔɔr

⁶ “N niib tee nan pei nba ki bi kpaarik nyikib ki bi bot kunkona ni nae. Bi lin nan pei nba tuu nyi kunkon-yenn paak ki saan kunkonleer paak nae, ki poŋ tamm bi ŋaak nba be siama.

Jeremaya 50:6 Iomraidhean Croise

Yaŋ 116:7

N par, ii ji kii foi, kimaan Yennu ŋan turin.

Yaŋ 119:176

N lin yeeke nan pebotikauk na, li paak, baat ki tan lon min nba tee a daabir na, kimaan n ki yêt a sennii na weiu.

Yaŋ 23:2

U te ki n dɔɔ siaminba mɔk jeet, ki ŋmakitirin, ki n saa siaminba nyun be.

Yaŋ 32:7

Fine tee n gungurboor, ki a saa nyinnin wahala ni. N saa yin yaŋ nan kunkɔpaarir, a tinnu na paak, kimaan fine guun.

Yaŋ 90:1

N Yomdaanɔ, fine tun tee ti binbeboor.

Yaŋ 91:1

Wunba baar Yennu boor ki loon fatu; wunba biar Yabint Yennu maasu,

Aisaya 1:3

Nei mi bi daanɔ, ki bonii mi siaminba ki bi daanɔ dintib. Linba na gar n niib Israel teeb nba mi linbawa. Bi ki bant maan paaki.”

Aisaya 30:15

Yabint Yennu nba tee Israel teeb kasii Yomdaanɔ na piak niib na a, “Jenin man soon nna, ki tan teenin yada, ŋanne ki i sii be fanu ki mɔk paŋ.” Ŋaan ki i yêt yin tun nna.

Aisaya 32:2

Bi tan sii tee nan wondɔkitir, koo satekitir nae. Bi sii tee nan kpenii nae ki puub kunkoouk paak, ki bia tee nan tinperik paak tanjagbouŋ yunyuŋ na.

Aisaya 53:6

Ti kur din tee nan pei nba tuu bot nae, ki sɔɔ kur tɔk u sɔnu. Ŋaan ki Yennu te ki ti tubdatu na baa u paak, tubdatu nba bo kpaa ti kur na.

Jeremaya 10:21

Ki n jiin a, “Ti tɔɔndamm na tee jatite, bi ki boi Yennu ŋmakitir po. Ŋanne teen ki bi gbar, ki ti niib yat.

Jeremaya 13:16

Ii baakit i Yomdaanɔ Yennu yoo nba ki u daa ki baar nan bunbɔnn nba saa te yin gbiat kunkona ni na, ki sɔɔ ki u daa ki kpint yentu nba ki i daan na, ki teenir bunbɔnchiɔŋu.

Jeremaya 2:20

Ki Yabint Yennu yeen a, “Israel digbann, sian yooewa ki a din yêt n yiikoo, a yêt fan sak n mɔbe, ŋaan jiantir pɔtuk yennii na, kunkonn nba dokii kur paak nan timaatik kur nyakir.

Jeremaya 2:32

Poopaaŋ tammit u salinbaŋ po-o, koo pooyookir tammit u chiann liant po-o? Ŋaan yimm n niib tamm n po ki li wei ki gar yoowa.

Jeremaya 23:1

Yennu buut sii bi bonchiann ki tur doo diara nba biir u niib ki yatib na.

Jeremaya 3:23

Ti ki la sommir ti kunkona paak tingbana jiantii ni. Timm Israel teeb sommir nyi ti Yomdaanɔ Yennu kuukɔɔ boore.

Jeremaya 3:6

Yoo nba ki Josaya din tee kpanbar na, ki Yennu pakin a, “A la linba ki Israel digbann nba tee nan poochonchonn na tuma-a? U ŋmant u poore ki turin, ki tun nan bonchonchonn na kunkonfoouk kur paak, nan timaatik kur nyakir.

Jeremaya 33:12

Yabint Yennu yet a, “Tiŋ nba naan kunkoouk, ki niib nan bonkobit kaa leŋ na, ŋaan mɔmaatuk tan sii be, ki pekpaarii saa baar nan bi pei leŋ.

Jeremaya 50:17

Ki Yennu yet a, “Israel teeb na tee nan pei nba ki yanbɔr weib ki yatib nae. Sinsinn, Asiria kpanbare din lekib, li poor po ki Babilonn kpanbar Nebukanesar yeer bi kpaba.

Jeremaya 50:19

N saa jiin Israel teeb bi tiŋ niwa. Bi saa di jeet nba pia Kamel kunkonn paak nan Basann yent ni na, ki saa di linba kur ki bi loon, jeet nba kur pia Efraim nan Gilead yent ni na.

Esekiel 13:10

“Sɔkiniinba na kpann n niib ki yeen a parmaasir be, ŋaan ki parmaasir kaa. Sɔkiniinba maŋ tee nan tanmaara nba tuu maa joonkpeeuŋ, ŋaan ki siab n jii pent peeuŋ ki pentir nae.

Esekiel 34:14

N saa te ki bin ŋman bi yamani, Israel kunkona na paak kpinkpaar boor, nan li baat ni, nan tiŋ na bonkob-kpaarboa nba ŋan ni.

Esekiel 34:15

N tiɔŋo sii tee n pei kpaartɔɔ, ki n saa lon yiar ki turib, ki bin foi. Min Yabint Yennu-e pak na.

Esekiel 34:16

“N saa lon binba bot nawa, ki jen nan binba lin yirib na, ki lor binba la danii na fiat, ki bia teb binba yiar na, ŋaan boont binba nɔr ki mɔk paŋ na, kimaan mine tee pekpaarik nba tuun linba took.

Matiu 10:6

a ŋaan bin saan Israel teeb nba tee nan pei nba bot na boor kuukɔɔ.

Matiu 15:24

Ŋanne ki Yiisa jiin a, “Israel teeb nba tee nan pei nba bot na, ŋamm kuukɔɔe ki Yennu tumin a man saan bi boor.”

Matiu 9:36

Waa din la nibur maŋ, ki ninbaauk soorɔ, kimaan bi din tee tatimme ki kaa sommtɔɔ, ki naan pei nba kaa pekpaarik.

1 Piita 2:25

I din tuu tee nan pebotkai nae, ŋaan mɔtana i jen i kpaaritɔɔ nba guu i sei na boora.