Jeremaya 50:5 - Yennu Gbouŋ Mɔɔr

⁵ Bi saa boi Sayɔnn sɔnu po, ki tɔkin li po. Bi saa lor mɔlor kangbennuk nanin, ki kan ban biir mɔlor maŋ.

Jeremaya 50:5 Iomraidhean Croise

Pinpiik 17:7

“Ki mɔsonn nba ki n senn ki tur fin nan a yaaboona na, n saa diar mɔkmɔk nan mɔkmɔk. Mine sii tee fin nan a yaaboona Yennu.

2 Samuel 23:5

Nna bannue ki Yennu saa teen piisin n maaru paak, kimaan u lor mɔlor nba kaa gbennu nanima, ki li tee lor nba kan ban biir, ki tee mɔsonn nba kan ban lebit. Maa loon linba kure na, ŋanne sii tee nyannu, ki Yennu set saa te ki lin teen mɔnii.

1 Kpanbara 19:10

Ki u jiin a, “Yomdaanɔ, Yabint Yennu, yoo kur n jiantir fine, fin kuukɔɔe ki n jiantir, ŋaan Israel teeb na biir mɔlor nba ki a lor namm nawa, ki bit a maruŋ binbinta, ki bia kpii a sɔkiniinba. Min kɔɔe tenn, ki bi bia loon bin kpin.”

1 Kpanbara 19:14

Ki u jiin a, “Yomdaanɔ, Yabint Yennu, yoo kur n jiantir fine, fin kuukɔɔe ki n jiantir, ŋaan Israel teeb na biir mɔlor nba ki a lor namm nawa, ki bit a maruŋ binbinta, ki bia kpii a sɔkiniinba. Min kɔɔe tenn, ki bi bia loon bin kpin.”

Yaŋ 84:7

ki bi saa ki ŋammit laat paŋ tee-e nan baa tan saa baar Yennu boor, Sayɔnn kunkonn na paak.

Aisaya 35:8

Sɔnjar sii be leŋ ki li sann tee, “Kasii Sɔnu.” Biit daanɔ kan ban tɔkin sɔnu maŋi, ki jatit kan turin binba tɔk sɔnu maŋi.

Aisaya 55:3

“N niib, gbiintir turin man, ki baar n boor. Baat n boor, ki i saa la manfoor. N saa lor mɔlor kangbennuk nani, ki turi piisin nba ki n din senn mɔsonn ki tur Defid na.

Jeremaya 3:18

Yimm Israel teeb saa lakin nan Juda teeb, ki saa nyi yommisin ni, gaŋ po tiŋ na ni, ki jen tiŋ nba ki n tur i yeejamm, a lii yɔɔ kii tee i yent na ni.”

Jeremaya 31:21

Teent nyina ki dɔk sɔnu na. A ŋamm la sɔnu nba ki a tɔkin ki yaat na. Jenin man, yimm Israel teeb, jenin doi nba ki i din nyii na ni man.

Jeremaya 31:6

Barmɔnii, yoo baat ki guuteeb tan sii be Efraim kunkona paak, ŋaan yiin leeb ki yet a, ‘Ŋaant ti do Sayɔnn man, ti Yomdaanɔ Yennu boor.’ ”

Jeremaya 32:40

N saa lor mɔlor namm, ki li mɔlor sii yɔɔ be. N sii yɔɔ tuun ŋamm ki teemm ki saa te ki bi tiinin nan bi yan kur, ki lin te bi daa ŋmantir bi poor ki teenin.

Jeremaya 6:16

Ki Yennu yet u niib a, “Setir sɔnpaata ni man kii gorii. Ii boi sɔnkperii po ki la sɔnchinchibir nba be sian. Tɔkint sɔnu maŋ man, ki i saa la parmaasir.” Ŋaan ki bi jiin a, “Aaii, ti kan tɔkini.”

Esekiel 16:61

Li-i tee ki a tiar faa din tuu tuun linba, a saa di feie, mantik li-i tee ki n jiin a niipoob ki tura yoo nba, ki bi tee nan a waas na. Ŋaan ti mɔlor na lek din ki tee nna kaa.

Esekiel 37:22

N saa turib mɔtaauk, ki bi sii tee nibooryeŋ, kii be Israel tiŋ na ni. Ki bi sii mɔk kpanbar yenɔkɔɔ, ki u sii diab. Ki bi ji kan ban bɔkit ki tee digbana ŋanlee, koo ki bɔkit ki tee naangbant ŋanlee.

Hosea 1:11

Ki Juda teeb nan Israel teeb saa ŋamm taan mɔb. Bi tan saa gann tɔɔndaanɔ yenɔkɔɔ bi tiɔŋ. Ki bi saa pɔt ki bia mɔkit bi tiŋ ni. Barmɔnii, Jesreel daar sii tee dajaanne.

Hosea 3:5

Ŋaan yoo baat ki Israel teeb tan saa tunn jen bi Yomdaanɔ Yennu nan kpanbar Defid yaaboonn na boor, ki bi sii jiantir Yennu, ki gaar u piinŋanii.

Hosea 6:1

Ki niib na piak a, “Ŋaant ki tin ŋmat Yennu boor. U turit daŋa, ŋaan u saa tebita. U turit narawa, ŋaan u saa wuur turita.

Jɔɔnn 7:17

Wunba loon wun tun Yennu yanbɔɔtoona, ŋɔɔe saa bann nan linba ki n want na nyii Yennu boor, koo n piak n mɔŋ yare.

Toona 11:23

Waa din saa baar leŋ ki la Yennu nba turib sommir biaŋinba, ki li turɔ parpeenn bonchiann, ki u chee bi para, ki kpaan bi kur a bi daa nyikit Yiisa weiu.

2 Korint teeb 8:5

Bi din tur ki li gar taa poŋ din dukii baa saa tur biaŋinbawa. Sinsinn bi din jii bi mɔŋe ki tur ti Yomdaanɔ, ki lian fit jii bi mɔŋ ki turit, Yennu loomm ni.